سبعة ايام من الشقاء مع كيا سيفيا
 

:shwt:انا حابب احكى حكايتى مع السيفيا الى اشترتها من 3 شهور وما شاء الله مش محتاجه اى حاجه خالص المهم يوم الخميس الى فات لقيت العربيه مبتسحبش خالص روحت للميكانيكى قالى دا طنبورة الكرانك عايزه تتغير روحت جبتهاله جديده لما جه يركبها لقى الطنبورة الصغيره الى بتركب فيها مكسور كسر صغير قعدت ادور عليها لحد لما لقيتها وجبتها المهم لازم علشان اركبها انه يفك الترس الصغير بتاع التقسيمه علشان البنز الحديد الى واصل بينه وبين الطنبوره الصغيره مكسور . قعد من الساعه 10.30 لحد الساعه 1.30 بالليل يفك فيه مرضيش يفك لحد لما فك بالدق الكتير عليه طلع الترس طبعا مكسور والاولسيه متبهدل روحت جبت ترس واولسيه راح مركبهم وقفل العربيه وحسيت ان روحى رجعتلى هب لقيت العربيه بتجيب زيت قبل ما امشى من عنده قعد يفك ويركب كل ده 3مرات ومفيش فايده راح حاطت معجون حديد حول الاولسيه برده الزيت بينزل قالى احنا عايزين وش طرنبة الزيت علشان اتشرخت واحنا بنطلع الترس قعدت اضور عليها لحد لما لقيتها راح مركبها وقفل واللحمد لله مفيش زيت بينزل روحت وجيت اروح الشغل تانى يوم لقيت العربيه بتقطع والفتيس بيلعب روحت لميكانيكى تانى قالى دا البوجيها حارقة السلك بتاعها روحت جبتله طقم بوجيها وغيرت فلتر البنزين واخيا والحمد لله العربيه زى الفل وروحت بيها مشوار امبارح حوالى 180كيلو وجاى اروح وهنا يحدث ما لم اتوقعه يدخل فى ميكروباص فى باب العربيه اليمين الى قدام ويخش الباب جوه حسيت انى عايز اولع فيها او اولع فى نفسى او اولع فينا احنا الاتنين مع بعض علشان ارتاح وكنت عايز حد يقولى هو ده من ايه وممكن اعمل ايه كل واحد يشوفنى يقولى دى عين طيب اعمل ايه وكمان اعمل ايه فى الباب الى اتخبط ويتكلف كام دا انا من ساعة ما اشتريت العربيه مصرفتش عليها غير البنزين والزيت مكنتش محتاجة جنيه . حد يواسينى ويقولى هو ده بيحصل مع حد انى اقعد 7 ايام عن الميكانيكى . افيدونى واسف على الاطاله اصل انا محروق دمى وحبيت افضفض .:3_8_14::shwt:

رد: سبعة ايام من الشقاء مع كيا سيفيا
 

رد: سبعة ايام من الشقاء مع كيا سيفيا
 

اوعي تزعل نفسك يا غالي كلنا شوفنا الويل انتا بتتكلم في 7 ايام من ساعة ما اشتريت العربية انا بقا قعدت 7 شهور مع الميكانيكيه والسمكرية لما جيبت عربيتي الاولي فعلا اتعلمت الادب الشرعي

وبعدين حاول تغير الميكانيكي ده لانه شكله تعبان موله علشان يخرج ترس بوظ حاجات كتير

وبالنسبة للباب لو البويه متأثرتش هيترد علي البارد ومش هيكلفك كتير كبيره 60 جنيه

ولو الباب اتشلفط يبقي متتعبش نفسك واشتري باب استيراد وريح دماغك

وربنا يديك خيرها ويكفيك شرها

حاول تدبح اي حاجه وتفرقها لله وتشغل في العربية قرأن لان العين فلقت الحجر

واسئلني انا عن موضوع الحسد ده لاني اشتريت عربيتي التانية زيرو ومكملتش يوم وماشي في امان الله ولقيت الارض انهارت من تحتي ونزلت بالعربية في حفرة ما يعلم بيها الا ربنا والحمد لله خرجنا منها علي خير

رد: سبعة ايام من الشقاء مع كيا سيفيا
 

والله دي فعلا عين بس انت بتعوذها كل يوم؟ قول (اعيذك بكلمات الله التامة من كل شيطان وهامة وكل عين لامة )وتوكل علي الله وميهمكش شئ
وعموما الواحد بيبقي زعلان من حاجه يكون ربنا منع عنه بيها حاجات تانية كتير فمتزعلش
هو ممكن تفرق فلوس الصدقة لها فعل السحر!!
بس بلاش تدبح لان شيوخ كتير قالو لا يجوز الدبح عند شراء شقة او عربية جديدة لان الله هو الحافظ وليس فعلك هذا هو ما يمنع
واللي ييجي في الصاج...

رد: سبعة ايام من الشقاء مع كيا سيفيا
 

ربنا يكون فى عونك يارب ويكرمك