|
سؤال فى تغيير الموتور بموتور استيراد
اولا السلام عليكم ثانيا انا عندي عربيه اكسنت 1300 وعايز اغير الموتور لان الموتور عندي تقريبا بيودع بقا بياكل زيت فا بدل ما ادخل في عمره واشتغلات صنايعيه قولت اغير الموتور احسن وبالمره اجيب موتور 1500 اكبر دلوقتي بقا عندي سؤال عايز اجيب موتور بفتيس اوتوماتيك وهاجيبه برداتير علشان الفتيس بالضفيره طبعا كامل مكمل يعني والكمال لله وحده تنصحوني اني اغيره بأوتو ولا ايه ؟ وهل هايحتاج تعديل في حاجه معينه ولا لا وهل سحب الاكسنت الاوتو حلو ولا تعبان؟ ومحدش يقولي غير العربيه وهاتها اوتو علشان عربيتي نضيفه بس انا اللي افتريت علي الموتور وجيبت اجله :d وياريت لو حد عنده اكسنت اوتومتيك ميبخلش بالرد لان بصراحه في ظل الايام دي بقا الاوتوماتيك من الضروريات وشكرا مقدما لاي حد هايرد |
رد: سؤال فى تغيير الموتور بموتور استيراد
ممكن تسقط مكنه الاكسنت ال 1500 بفتيس مانيوال الفتيس الاوتو اعتقد ان صعب تلاقيه حاله نضيفه |
رد: سؤال فى تغيير الموتور بموتور استيراد
اقتباس:
شكرا ياباشا علي سرعة الرد وبالنسبه ان صعب الاقي حاله نضيفه طبعا هاجيب حد يبص عليه بس المشكله مش في كدا المشكله اني خايف منه يعني معرفش سحبه عامل ايه والتسارع وكدا بس الاوتو بصفه عامه راحه وانا بتمني حد يفيدني في الموضوع دا وشكرا تاني مره لردك ياباشا |
رد: سؤال فى تغيير الموتور بموتور استيراد
مش نقطه حد يبص عليه النقطه هنا ان الفتيس الاوتو الكوري مش كويس و خصوصا القديم زي بتاع الاكسنت كده يعني كده كده هيبقي مقرف و صيانته مش سهله |
رد: سؤال فى تغيير الموتور بموتور استيراد
اتوكل على الله و هات اوتو 1500 و ربنا يباركلك - الموتور حلو و السحب مش وحش - بس شرط الحالة
|
| الساعة الآن 12:04 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017