مصر موتورز مجتمع السيارات - كيف تعرف سيارات البنات

مصر موتورز مجتمع السيارات (https://www.masrmotors.com/vb/index.php)

- سيارات حواء (https://www.masrmotors.com/vb/forumdisplay.php?f=181)

- - كيف تعرف سيارات البنات (https://www.masrmotors.com/vb/showthread.php?t=54374)

كيف تعرف سيارات البنات

تعرف سيارة البنت من غير ما تشوف إللى سايقها عن طريق الملاحظات التالية

1- مليانة دباديب و لعب
2- لا تخلو من المناديل الورقية و الوايب أبدا
3- لازم تكون معطرة
4- لازم تكون نظيفة برة و جوة
5- بتطفى فى إشارة المرور
6- ماشية فى نصف الطريق على عشرين بالكتير
7- مش عارفة تركن جنب الرصيف فى حته تاخد عربية نقل
8- بتدى إشارة قبل ما تحود بكيلو
9 بتحدف عليك و إنت ماشى فى أمان الله

و البنات إللى بتسوق بتكون ليها مواصفات ثابتة

1- تمسك الدريكسيون زى مخرطة الملوخية
2- تقرب الكرسى من الدريكسيون لدرجة فظيعة
3- ﻻزم تشوف أخر طرطوفة فى مقدمة السيارة
4- متحفزة أو خايفة معرفش ليه
5- عمرها ما بصت على الزيت أو المية
6- ممكن تتلخبط بين البنزين و الفرامل
7- النقلات المانيوال أصعب بالنسبة لها من اللوغاريتمات
7- واخدة الرخصة بالواسطة
8- بتعتبر سيارتها زى بنتها الصغيرة
9- صوت موتورها عمره ما يعلى

التوقيع
أبو البنات حبايبى "فرح و فريدة"

رد: كيف تعرف سيارات البنات

:crazyW14: وضيف لكل ده أن أول خبطة ليك لو جايب عربية جديدة بتبقى من سواقة بنت (ده حصل معايا)

رد: كيف تعرف سيارات البنات

الله عليك يا استاذنا
صدقت والله اتشرف اكون اول ضاحك او اول معلق او مشارك على الموضوع .
بس بجد اتغيرت كتير بعد الانتخابات الاشرافية الاخيرة يا باشا
ادام الله عليك خفة الدم دائما

رد: كيف تعرف سيارات البنات

اكيد حضرتك مدرس تعليم قياده للسيدات فقط من اجل حصولك على هذه التفاصيل . اكتب لهم درس توعيه وعرفهم مدى انتقاض الشارع لهم من حيث قيادتهم الغير منضبطه بس بجد ملاحظاتك كلها فى محلها والله الموفق .