معلومه فى غايه الاهميه نفسى اتاكد منها.......
 

بدايه السلام عليكم ورحمه الله وبركاته جميعا
عندى استفسار بسيط ولكن مهم جدا اتمنى الاستفاده من خبراتكم فى معرفته
الموضوع باختصار شديد
انا معايا عربيه شيفروليه لانوس 2009 وبسوقها بقالى سنتين
والحمد لله بقيت سواق ممتاز وبسافر بيها مسافات طويله تمام زى الفل
ولكن ......
عندى اتنين من قرايبى الى هما كانوا بيعلمونى السواقه وهما الاتنين محترفين
وكان فى حاجه عايز اعرفها بس الاتنين اختلفوا فيها

انا سألت الاتنين عن افضل طريقه للفرمله على الطرق السريعه عندما اسير على سرعات عاليه واريد ان انزل بالسرعه فى وقت اقل حتى اتفادى الاصطدام بالعربه
التى امامى

واحد فيهم قلى هتدوس على الفرامل بي بدون دبرياش والاخر حذرنى تماما
وقلى ان الدوس على الفرامل بي ممكن يقلب منك العربيه
واكد لى بانى لازم ادوس على الفرامل والدبرياش معا ...

ارجوالافاده من محترفى السيارات فى المنتدى

رد: معلومه فى غايه الاهميه نفسى اتاكد منها.......
 

لو حبيت تقلل من سرعه العربية وانت ماشى بسرعة تضغط على الفرامل فقط بدون دبرياج ولا تستمع لمن يقول لكن إن هذا الامر من الممكن ان يقلب العربية
اما اذا اردت ايقاف السيارة تماما فيجب الضغط على الدبرياج والفرامل

هكذا قال لى مهندس ميكانيكا

رد: معلومه فى غايه الاهميه نفسى اتاكد منها.......
 

الاتنيت صح
ده علي حسب الفرمله
او هتقف حالص يبقي لازم تدوس دبرياج علي شان العربيه ما تنطش وتقف و كمان تنقص قوه المتور الدافعه للسياره بفصله عن مجموعه الحركه
لو هتهدب بس مش هتنقل سرغع ناتدسش
لو هتهدي و تنقل سرعه فكدا كدا هتدوس

رد: معلومه فى غايه الاهميه نفسى اتاكد منها.......
 

مهندس غيري انا هههه

رد: معلومه فى غايه الاهميه نفسى اتاكد منها.......
 

فرامل و دبرياش لو عايز تقف تماما
و يفضل انك تكارك الفرامل بشكل نبضات سريعة و قوية جدا لتفادي انقلاب السيارة او الزحف و هو معادل لفكرة ال ABS