|
استفسارات للبشمهندس سمير عياد بخصوص الماروتي...
بسم الله الرحمن الرحيم تحية طيبه يابشمهندس سمير وبعد,,, انا عملت صيانة لعربيتي الماروتي (صيانة ال 20 ألف) تم فيها تغيير البوجيهات كنت عايز استفسر لان البوجيهات اللي ركبوهالي رقمها مختلف عن اللي كانت راكبه وانا عارف ان حضرتك اكتر واحد (ماشاء الله) بتفهم في الاكواد الاتنين نوعهم ان جي كيه اللي كان راكب : ياباني وكوده bp6ey اللي ركبوه جديد : كوري وكوده bpr6es بحكم خبرتك هل في فرق ميكانيكي يؤثر ولا مفيش فرق؟؟؟ الاستفسار التاني: هل في اي علاقه بين ظبط الكربيراتير وكهربة السياره؟؟ لاني لاحظت بعد اما استلمت العربية ان الكلاكس بقا ساعات يكون ضعيف جدا وده مثلا بيزيد لما اكون مولع التسجيل ونور العربية ولو العربية سخنه وانا ماشي في زحمه بيكون برضو ضعيف مجرد ما امشي بيها بسرعه يتظبط... جربت اظبط الكربيراتير بايدي والحمد لله العربية غالبا اتحلت المشكله دي فحبيت اعرف هل الظبطيه ممكن تعمل كده؟؟؟ الاستفسار الثالث: عايز اعرف يعني ايه العربية بتسقف؟؟ هل التسقيف في منه ناعم وخشن؟؟ اعراضه ايه؟ اخطاره ايه اتجنبه ازاي؟؟ ومعلش تقبل اسئلتي بصدر رحب احب اتعلم منك واستفيد منك وبحب ادعيلك كثيرا يا بشمهندس.... يارب يجعلك من اللي في بالي :):) تحياتي |
رد: استفسارات للبشمهندس سمير عياد بخصوص الماروتي...
اقتباس:
النوع ده غير مناسب عندك فى الماروتى لأن الماروتى ليست حقن ألكترونى وأنما كاربوراتير عادى اقتباس:
وشوف الجديد اقتباس:
بس طبعا كده حتحس بعلو صوت المكنه على السلانسيه فهل السلانسيه حاليا زى الأول ( قبل ماتربط على مسمار البنزين سنه ) بالطبع السلانسيه أعلى من الأول وصوت المكنه أرتفع أكثر اقتباس:
بيسمى بال detonation ولما بيكون سببه بنزين أوكتانه أقل من المقرر لحريق المحرك ( نظرا لأرتباط درجة الأوكتان بنسبة أنضغاط غرف حريق المحرك ) بنقول المحرك يمر بحالة تسقيف ناتجه من أستعمال أوكتان منخفض وبالطبع ده ليه آثار سلبيه على المكنه على المدى البعيد كمكونات ميكانيكيه فقد يتلف جوان وش السلندر مع وجود تسقيف بصفه مستمره والتسقيف ماهو إلا موجات حريق متضاربه فى جميع أرجاء غرف الحريق نتيجة الأشتعال الخاطى للبنزين المنخض الأوكتان لأن طالما أستعملت بنزين منخفض الأوكتان يجب التحكم فى تأخير وقت أطلاق الشراره من البوجيهات أى بتوطية كهربة المحرك ( باللغه الدارجه ) وفى أنظمة الأشتعال التى تحتوى على موزعات شرر ( أسبراتيرات ) يمكن التخلص من التسقيف بتأخير زاوية تركيب الأسبراتير على عامود كامة المحرك أو كما يقال فى اللغه العاميه ( نوطى الكهربه ) لكى يحدث ألتقاء صح بين وقت قدح الشراره من البوجيهات والوقت الأمثل لحرق بنزين غير مقرر لهذا المحرك ( أى بنزين منخفض الأوكتان ) |
رد: استفسارات للبشمهندس سمير عياد بخصوص الماروتي...
جزاك الله خيرا يابشمهندس
هوا انا فعلا عليت السلانسيه شويه والمكنه صوتها اعلى بالنسبه للبوجيهات تنصحني باني اشيلهم واحط النوع القديم؟؟ انا لاحظت ان النوع القديم لما بحطه وانا دايس بنزين على ار بي ام قليل بلاقي المكنه بتعلى وبعدين كأنها اتكتمت ومن ثم تعلى وهكذا ده لو العربية واقفه وبتظهر على شكل نتشه لما بكون عالتاني فقط وعند سرعة 20-30 فقط وبتختفي تماما بعد كده زي الرسم ده http://img221.imageshack.us/img221/240/43285979.jpg بينما بالنوع الجديد مبيحصلش الكلام ده فلو لازم ارجع القديم ياترى ده بيكون مشكلة ايه؟؟ بالنسبه للبطاريه انا فعلا فكيت القواطيش وركبتهم تاني فممكن ده اللي حل الموضوع بالنسبه للسير هشوف اشد عليه لو محتاج ان شاء الله... بوركت يابشمهندس تحياتي |
رد: استفسارات للبشمهندس سمير عياد بخصوص الماروتي...
اقتباس:
ولاحظ أن بوجيهاتك القديمه البنه اللى على نهاية البوجيه بتتحل وتطلع معاك أما مع الخاص بالحقن الألكترونى فالبنه مطبخه ولا تركب بسن قلاووظ رباط وده فرق جوهرى آخر لمن لايريد أن يرتبط بالأرقام والحروف بمعنى لقيت البوجيه نهايته اللى بيركب عليه السلك بتتحل ....يبقى ده مناسب لمحرك كابوراتير والعكس صحيح مع الحقن الألكترونى اقتباس:
وحاول تجيب زيهم فى أقرب وقت اقتباس:
اقتباس:
على ماتشوف التطورات لأن شد السير برضه ليه حدود وغير مطلوب شده بكثره لعدم التأثير على بلى الدينامو |
رد: استفسارات للبشمهندس سمير عياد بخصوص الماروتي...
اقتباس:
بشمهندس سمير الحمد لله انا غيرت البوجيهات من شويه لكن للاسف نفس الحركه اللي وصفتها فوق بتحصل عموما هيا قلت جامد معنديش فكره ايه احتمالاتها لكن حاليا هيا قلت جامد جدا جدا بعد تغيير البوجيهات الزامور خلاص يعتبر مفيش فيه مشاكل ومقربتش ناحية السير لانه غالبا زي محضرتك افدت مش هوا السبب فالمتبقي دلوقتي هوا اللي انا وصفتهولك بالرسم اعلاه على فكره الحركه دي من زمان جدا جدا من اكتر من 12 ألف كيلو وهيا مكنتش مأثره على العربية اطلاقا لدرجة اني بعتقد ان ده طبيعتها فالسؤال هل ممكن تكون العربيه فعلا بتتخنق عند مرحله معينه وتتجاوز هذا الاختناق فورا؟؟؟ هل ممكن يكون حاجه تانيه غير البوجيهات (ابلاتين وكوندنسر مثلا)؟ متى ينصح بتغيير كامل اعضاء طقم الكهربا (الابلاتين) (الكوندنسر) (سلوك البواجي).... الخ لكامل تفاصيل السياره ماروتي موديل 2007 حاليا عامله 22 ألف فلتر الهوا جديد والزيت من 2000 كيلو (فيسكو زفت 3000) فلتر البنزين تم تغييره على 13000 لعلاج النتشه دي ولكن معالجهاش فأنا مرضتش اعمل اي حاجه تانيه العربية انا شاريها مستعمله وصاحبها الاول مغيرلها الشكمان بشكمان رياضي (على كلامه) وانا حاسس ان ده هوا المشكله.... حاليا تم تغيير البواجي بالمقاس BP6EY علما ان النتشه دي اختفت بالبوجيهات (الانجحكش) اللي كانو حطوها...... جزاك الله خيرا مقدما تحياتي |
| الساعة الآن 07:04 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017