سؤال يا جماعه من فضلكم
 

السلام عليكم ورحمة الله وبركاته

والله فعلا منتدى رائع جزاه الله خيرا كل القائمين عليه

والله يا اخوانا انا محتاج اسال سؤال قبل ماتصرف
الموضوع انى عندى نيسان صنى 2001 وروحت البنزينه وغسلتها بالكيماوى من الداخل وطبعا التابلوه اتغسل فلما خرجت من البنزينه لاقيت كلاكس العربيه مش شغال اكيد من اثر الغسيل لانه كان شغال قبل ما ادخل البنزينه روحت للكهربائى قاس الكلاكس من كل حتى فيوزات ووصله بالبطارية مباشرة المهم قالى فى الاخر ان غالبا مية داخل جوه الدريكسيون بس المشكلة لو فتح غطاء الدريكسيون الاير باج هيضرب او يبوظ مشيت من عنده وسالت كهربائى قالى لا مش هيبوظ وواحد غيره قالى طبعا الايرباج هيبوظ
انا محتاج ومحتاج مساعده هو فعلا لو فكيت غطاء الدريكسيون الاير باج هيضرب او يبوظ ولا اروح للكهربائى واقوله فك وتوكل على الله

وجزاكم الله خيرا

رد: سؤال يا جماعه من فضلكم
 

روح للموضوع ده و انشاء الله هيفيدك بس انا مش متاكد من ان الموضوع ده ينفع مع النيسان برده ارجو التاكد
http://www.masrmotors.com/vb/showthr...D8%C8%ED%DA%ED

رد: سؤال يا جماعه من فضلكم
 

جزاكم الله خيرا
بس انا برضة محتاج اعرف لو وش الدريكسيون اتفك عشان يتصلح الكلاكس فيه خطورة على الايرباج ولا لا ؟

رد: سؤال يا جماعه من فضلكم
 

حساس الايرباج موجود فى الاكسصدام فالعب فى الدركسيون مش حيوئدى لفتح الايرباج

Re: سؤال يا جماعه من فضلكم
 

الموضوع فى منتهى البساطة يوجد تحت طارة الدركسيون الشريط الخاص بنقل اوامر من الطارة الى الكلاكسات او الانوار او الايرباج على حسب كل سيارة وكمالياتها ولا مشاكل من فكها بشرط ان يقوم بفكها انسان متمرس