يا ريت نحاول القضاء على هذة الظاهرة لمصلحتكوا
 

الموضوع خاص بمسميات السيارات عشان دة هيفيدكوا كتير فى شراء قطع الغيار من الخارج فى ظل انتشار عدد من المواقع التجارية التى تبيع كل قطع غيار السيارات المستعملة و الجديدة و لا الحوجة لجشع الوكلاء و عناء البحث عن قطع الغيار
يعنى مثلا تلاقى واحد يقولك البى إم الدبانة او أوكتافيا فانتازيا او لانسر كريستالة او او او او ..... إلخ
و دة السبب فية ( و دة رأى شخصى بيا ) هم الوكلاء هو مش عاوز يقول الاسم الحقيقى للموديل بتاع ماركة العربية عشان هو عارف ان فى مواقع تجارية كتييييير على النت بتبيع قطع الغيار الاصلى و مش الاصلى لكن مصنوع بجودة كويسة و كل جودة و سعرها دة غير ان المواقع دى بتبيع كمان اكسسوارات السيارات .. فتخيل معايا مثلا داخل تشترى من النت حاجة خاصة بعربيتك الفانتازيا او الباسات او الجولف باندا صدقنى مش هتلاقى فى قواميسهم كلمة فانتازيا او باندا او دبانة ممكن واحد فيكوا يقولى انت بتقول الباسات و معروف ان الباسات الوكيل بينزلها بإسمها يبقى اية المشكلة؟؟ المشكلة ان اغلبية اللى معاهم الباسات مثلا هو ميعرفش هو معاة اى موديل و هنا انا مش قصدى على سنة الصنع انا اقصد هل هى B3-B4-B5 و هل هى FL و لا لأ و اية كود الموتور بتاعها؟؟ هل فيكوا حد يعرف كود ماتور عربيتة ؟؟ ودة مهم جدا لو حبيت تشترى قطع غيار او تغير ماتور و اللى ميعرفش هقولكو يعمل اية .. وكلاء السيارات بيكون عندهم على السيستم بتاعهم كل بيانات العربية و ممكن اى حد يروح برقم العربية او رقم الشاسية و يدية للموظف هناك و يطلب منة انة يطبعلة كل بيانات العربية بتاعتة و الخدمة دى مجانية و دة من حقك تعرف كل الاكواد الخاصة بعربيتك و دى حاجات مش مكتوبة فى الكتالوجات زى مثلا كود كمبروسر التكييف و هكذا

رد: يا ريت نحاول القضاء على هذة الظاهرة لمصلحتكوا
 

??????????????????

رد: يا ريت نحاول القضاء على هذة الظاهرة لمصلحتكوا
 

فكرة عظيمة
لكن اشك فى مدى تفاعل الناس معها

رد: يا ريت نحاول القضاء على هذة الظاهرة لمصلحتكوا
 

انا عارف يا محمد ان مش كل الناس هتتفاعل مع الفكرة دى لكن اللى هيتفاعل مع الفكرة هو اللى عاوز يوفر فلوسة فلوس كتيرعشان انفتاح العربيات اللى احنا فية مصر حاليا لسة جديد عليها و دة السبب اللى مخلى الوكلاء يتحكموا فى الناس كدة لدرجة ان فى توكيلات مبترضاش تبعلك قطع الغيار عشان عربيتك خليجى مثلا او شرط عشان يبعلك لازم تصلح عندة ... لكن لو كل واحد يكون عارف اسم موديل عربيتة بالظبط و بياناتها هقدر يدخل على النت و يشترى من اى حتة فى العالم بربع او بنص السعرايه ياترى

رد: يا ريت نحاول القضاء على هذة الظاهرة لمصلحتكوا
 

انا دلوقت شوفت بعض الاخوة فى المنتدى اللى بيدور على ماتور و اللى بيدور على فتيس و محدش منهم عارف اية كود الموتور او الفتيس اللى هوة عاوزة و الرسالة اللى بوجهلهم لية متعرفش الاكواد دى ؟؟؟ لية تسيب نفسك عٌرضة لميكانيكى جاهل يجبلك اى حاجة و يركبهالك ؟؟؟ و يقولك انا هوفئها عليها يا بية ؟؟؟ و يقعد يخرملك فى العربية و يلحم هنا و يربط هنا و لو روحت التوكيل انتى عارف هتدفع اد اية و هتنتظر اد اية ؟؟
إخوانى .. ان هذا الموضوع انا لست منة برابح و لا بخاسر انا ادعوكم للتعرفوا على هذة الاكواد و تتعرف على سيارتك اكتر و بعد كدة ادخلوا على المواقع الالكترونية على النت و اللى عاوز ماتور او فتيس او قطع غيار يشترى سواء جديد او مستعمل بأرخص الاسعار و ساعتها هتعرفوا اية فايدة اللى بقولكوا علية عشان العربيات الحديثة كلها كل حتة فيها لها كود