اشتريت كريستالة 99
 

السلام عليكم

الحمد لله اشتريت كريستالة 99 كاملة اتوماتيك 1300

وعايز اعرف المفروض اعمل فيها ايه هى الحمد لله حالتها كويسة جدا مش محتاجة شغل لكن البعض اقترح عليا انى اغير لها الفلاتر والزيوت والسيور عشان ابقى مطمن ممكن اعرف ايه رايكم؟

وازاى اعرف هى كام حصان و GLX ولا GL؟؟

ولو رحت كشفت عليها فى اى فرع للصيانة هاخد كشف بكل حاجة فيها ولا الحاجات المهمة والكبيرة بس؟؟؟

وشكرا لكم

رد: اشتريت كريستالة 99
 

لازم تغير كل الزيوت والفلاتر لانك متعرفش هو ماشى بيها ومغير زيت من امتى

رد: اشتريت كريستالة 99
 

الف مبروك ياباشا وربنا يديك خيرها ويكفيك شرها بإذن الله.وطبعا مفيش كلام بعد كلام احمد باشا بدر
اما بالنسبه لموضوع glx ولا gl...فمقدرش افيدك...بس بيتهيألى بيبقى مكتوب على العربيه من ورا..ولو روحت كشفت عليهاشوف كل حاجه فيها ومتسيبش الحاجات الصغيره لانها مع الوقت بتكبر مع الزمن...وطالما العربيه اتوماتيك شوف كل شويه زيت الفتيس لو كان ناقص زوده واكشف عليه كل فتره

رد: اشتريت كريستالة 99
 

شكرا لكم

يبقى كده ان شاء الله هاطلع على اقرب فرع صيانة واعمل كشف كامل

المشكلة ان العربية دى محتاجة لمعاملة خاصة وانا واخد على البيجووووو 504 MADDRIVE MADDRIVEيعنى الاسد الفرنساوى 4BY4 يعنى مكنش يهمنى اى حد على الطريق 4BY4 يعنى لا مطبات ولا مطالع ولا منازل 4BY4 بس النصيب بقى كان لازم اغير لانها جابت اخرها معايا ILIL بس والله كانت حمالة قسية ومش هتتعوض تانى

رد: اشتريت كريستالة 99
 

الف مبروك و ربنا يديك خيرها و يحميك من شرها
طبعا فرق شاسع بين اللانسر و ال 504
اهم حاجه تغير السيور و الفلاتر و جميع الزيوت
بما فيهم زيت الفتيس و دا اهم حاجه
لازم تغيره كل 40 الف كيلو علشان تحافظ علي الفتيس الاتوماتيك معاك
بالنسبه لحكايه GL...GLX مش فارقه في حاجه
بس يا ريت صور للعربيه و يا تري جايبها بكام؟