زجاج الباب لعربية 128
 

السلام عليكم

ازيكم يا شباب مصر موتورز الجامدين دلوقتي انا عندي استفسار صغير

كنت شاري عربية 128 مو 91 وكان الزجاج بتاع الباب الشمال (السواق) تقيل وساعات لازم ارفعو بأيدي وساعات لازم ازقو لورا عشان يطلع

مره في مرة المكنة قفشت ورحت لبتاع الببان قالي عاوزلك مكنة استيراد كل ده تمام جبت المكنة وركبتها وهو بيركب بيقولي الزجاج ده مصري وجاي عدل مش بومبية وانت بابك معدل لازم تجيبلو بومبية عشان كده حمل علي المكنة وعشان كده المكنة القديمة باظت

المهم قالي انا هشغلهالك بس حاول تجيب زجاج بومبية استيراد.

بعدها بحوالي شهر برضو الزجاج مبقاش يطلع للاخر وتيجي المكنة علي الاخر وتفوت. هي مش بتفوت في النص هي بتفوت علي اخر قبل مالزجاج يقفل.

رحتلو قالي نفس الحوار فقلتلو مهو كان بيقفل قبل كده قالي نفس الكلام برضو مش عارف ليه.

فقالي هاتلي زجاج بومبية استيراد من الوكالة وانا اركبهولك

اعمل ايه يا جماعة اروح اجيب الزجاج ولو كده اجيبو منين
ولا افكس من الراجل ده واروح لواحد غيرو؟


شكرا يا جماعة واسف علي الاطالة

رد: زجاج الباب لعربية 128
 

اعتقد افضل تروح لواحد واتنين غيره

رد: زجاج الباب لعربية 128
 

مش مقتنع إن فيه زجاج بومبيه لل 128
رأيي شوف غيره

رد: زجاج الباب لعربية 128
 

متشكر ياجماعه علي الردود

رد: زجاج الباب لعربية 128
 

الزجاج موجود فى شركة د/ جريش - العاشر من رمضان
وبحوالى 25 جنيه
اتصل بالدليل وهات تليفون مصنع زجاج السيارات
هيسألك على موديل العربية