مصر موتورز مجتمع السيارات - رحلة الى الاسكندرية ....بالسيراتو

اصدقائى الاعزاء

اول مرة اسفر بالسيراتو من ساعة ماشتريتها وكانت فرصة اجازة العيد اللى فات

انى اطلع يومين لعروس البحر الابيض الاسكندرية والفرصة الاهم لتجربة قيادة السيارة

على الطرق السريعة ( الهدف الاساسى) ptmnlo123per1127

مونت من شيل اللى فى المنيل على اول كوبرى الجيزة وعملت ريست لعداد التريب والساعة كانت 8 صباحا واتكلت على الله واخدت طريق الهرم والعربية محملة 4 افراد بالغين وطفلين وشنطة سفر متوسطة ptmnlo123per133

والطريق حتى البوبات كان زحمة بس مش متوقف ومن بعد البوبات سرت بسرعة 120 كم لخوفى من وجود ردار وكانت اتابع حركة الميكروباص على الطريق اذا هدو هديت واذا زودو السرعة عملت زيهم ...علشان بيبقو عارفين اماكن الردار ..... وطبعا باسبقهم ptmnlo123per1126

المهم ابتديت اجرب التسارع بالعربية وكان سلس جدا وكانت العربية بتكتسب السرعة بهدوء تام حتى وصلت الى 180 كم والعربية تمام لا اهتزازات ولا قلق النوافذ مغلقة والتكيف شغال والسى دى به جورج وصوف بيغنى اغانى عبد الحليم ... ptmnlo123per3

وفضلت مابين سرعة 120 والـ 180 كم (وكان الار بى ام فى سرعة ال180 4100 ل/د ) طبقا لحركة الميكروباصات اللى حوليا وكنت عاوز ازود السرعة عن كده لاختبار العربية مش اكتر بس المدام قلقت لانها كل شوية عينها على مؤشر السرعة وكانت كأنها مؤشر تنبيه السرعة (تن تن تن ...) بلاش ..!! خلينا نوصل بالسلامة ptmnlo123per113

ولقيت كل الطريق هدى وكله ماشى 100 واقل كمان فعملت زيهم وبعد 5 ولا 6 كم لقينا كمين للردار وكنت متوقع انى ممسوك لا محالة ده انا كنت ماشى 180 بس الحمد لله عاديت وكان فيه ناس كتير بيسحبو منهم الرخص ptmnlo123per169

فكرة متابعة الميكروباص اتت ثمارها ptmnlo123per116

المهم وصلنا بسلامة الله للاسكندرية وكنت عند نفق الشطبى فى تمام العشرة الا عشرة ptmnlo123per132

يعنى ساعتين الا عشرة دقائق فى قيادة مريحة وتسارع ممتاز وسرعة محدش بيحس بيها الا لما يبص على مؤشر السرعة

ونفس الموضوع فى طريق العودة اتبعت نفس النهج فى متابعة الميكروباص حتى الوصول بسلامة الله للقاهرة ptmnlo123per15

وبمتوسط استهلاك 250 كم للصفيحة

كانت تجربة السيارة ممتعة فى الطرق السريعة وثباتها واتزانها هايل ماشاء الله..... ptmnlo123per141

قلت اشرككم معى فى هذه التجربة استكملا لتقيم اداء السيارة فى السفر وعلى الطرق السريعة ptmnlo123per159