كسر الزيرو بيتباع ليه ؟؟
 

فيه سؤال عاوز اعرفه اللى اشترى عربية زيرو ليه بيبيعها بعد شهر ولا اتنين , المفروض ان الواحد بيشترى العربية بعد دراسة وافية وسؤال اهل الخبرة فى ذلك طيب هو بيبيعها ليه هل مثلا هو دخل فى ضائقه مالية ؟ جائز هل علشان هيسافر ؟ طيب لما هو هيسافر كان بيشترى ليه ؟ هل علشان بيغير العربية ؟ طيب هو العربية لحقت تقعد معاه.

اللى يعرف السبب يقول *وجزاكم الله خيرا

رد: كسر الزيرو بيتباع ليه ؟؟
 

زى مانت قلت ممكن تبقى ضائقه ماليه جامده وبتبيع عشان تفك ازمه
انا ليا واحد صاحبى اترقى وبقى تحت ايده عربيه تويوتا كرولا من العمل موديل 2009 وكان لسه شارى السيراتو زيرو يقالها 3 شهور ونص وطبعا عجبته الكرولا رايح بايع النيو سيراتو وخسر 4 الالف جنيه

رد: كسر الزيرو بيتباع ليه ؟؟
 

هو 4 الاف جنيه دي خسارة :HAPPY_~211: دة كده باعها وكسب فيها .

هو عموما في موضوع حرق السيارت دة بيبقي لسببين :
الاول :-
ان صاحب العربية بيبقي اشتراها وبعد ما ركبها ومش بيها فترة لاقها مش مناسبة ومش الي كانت في دماااغة خالص فكرهها فخلاص بيبقي عايز يبيعها ومش طايقها زي ما حصل مع ناس كتير في ( الانترا - الانسر ) بس في الحاله دي بتلاقي العربية معلقة نمر وعامله كيلوات معدودة ( 1000 - 10000 كم ) كدة ياعني .

الثاني :-
ان في ناس بتبقي جايباها علشان تسيل فلوس فبيجبها قسط هي مثلا تمنها قسط 100 الف وهو بيبعها ب 80 مثلا بيكون هو دافع مثلا 20000 الف مقدم وبيقسط تمن العربية الباقي وبياخد هو ال 80 الف يسيل نفسة بيهم ويقسط ال 100 الف هو بقي .

رد: كسر الزيرو بيتباع ليه ؟؟
 

هوه فيه ناس بتغير العربيه مجرد فكره التغيير او ممكن واحد يقنعه ان العربيه دى وحشه وممكن تعمل بيها حوادث كتير علشان النفسنه وبس وفيه ناس بتبيع علشان بيعمل حدثه كبيره بعد ما يركبها وبصلحها ويبعها علشان بتكون نحس او يجيله فيها فلوس مكنش متوقعها بعد الحدثه

رد: كسر الزيرو بيتباع ليه ؟؟
 

غالبا زنقة فلوس