|
طلب هام من (ابو نورا ) ... وكل خبراء المنتدي
الاستاذ الفاضل / ابو نورا ..... كل الاخوة الخبراء والاعزاء بالمنتدي
تحيه رقيقه للجميع برجاء القاء الضوء علي سيارات ماركه ( مابل ) وبالتحديد موديل ( مابل اسباير ) بصراحه بحثت عن هذا الموديل بالتحديد داخل المنتدي ولم اجد موضوع خاص به التوكيل هو ( ابو غالي ) توكيل معروف وقوي , ولكن لا يوجد اي اهتمام للدعايه من جه الوكيل لهذه السيارات برجاء ان امكن : 1) عمل تقرير مفصل بالصور عن هذا الموديل ( مابل اسباير ) , 2) وبرجاء تبادل الاراء من الاخوة الاعضاء ( سواء بالايجاب , او بالسلب ) , لان اختلاف الاراء يزيد المعرفه بالسيارة واخيرا انا دورت علي السيارة في الموقع الصيني الخاص بها , وجدت ان السيارة ( 1300cc ) مع ان الاعلان بيقول انها ( 1500cc ) و 95 حصان .... انا احترت برجاء المساعدة بتفاصيل هذه السيارة ( لاني معجب بسعرها وامكانيتها وايضا توكيلها ) |
رد: طلب هام من (ابو نورا ) ... وكل خبراء المنتدي
أعلنت شركة "أبوغالي أوتوموتيف" وكلاء سيارات "مابل" الصينية في مصر تخفيض سعر السيارة "مابل أسباير" لفترة محدودة. وجاء السعر الجديد لـ"أسباير" 52.900 جنيه والمزودة بجميع الكماليات من نظام فرامل ABS & EBD وتكييف وباور و زجاج كهربائي وسنترلوك بالريموت وراديو سي دي. وتحمل "مابل أسباير" محرك سعة 1500 سي سي بقوة 85 حصان بتكنولوجيا محركات "تويوتا" اليابانية، وتقدم "أبو غالي أوتوموتيف" السيارة الجديدة بضمان 3 سنوات ضد عيوب الصناعة دون حد أقصى للكيلومترات. كما تقدم "أبوغالي أوتوموتيف" عروض تقسيط جديدة بمقدم منخفض و تقسيط حتى 5 سنوات بفائدة سنوية 6%، كما تقدم خدمة التقسيط المباشر من الشركة بدون إجراءات بنكية |
رد: طلب هام من (ابو نورا ) ... وكل خبراء المنتدي
نصيحة عربية غير منتشرة بالمره واتعملها اعلان لمدة يومين تقريبا وبعدين مفيش لاحس ولا خبر عنها وكانها كانت حلم وابوغالي صحي منه خليك في المضمون علشان اكيد انتا تعبان في الفلوس ديه مش جايه من الهوا وربنا يسترها عليك ويديك خيرها ويكفيك شرها
|
رد: طلب هام من (ابو نورا ) ... وكل خبراء المنتدي
بصراحه السعر كويس والاوبشن تمام بس متعرفش ايه نظام الموتور والعفشه الخ....................
بس من رايى خليك فى المضمون وربنا معاك |
رد: طلب هام من (ابو نورا ) ... وكل خبراء المنتدي
بصراحه انا منصحش بالعربيه دى, مش منتشرحه خالص و اكيد سعر اعادة البيع وحش جداً و عدم انتشارها يقلل من انتشار قطع الغيار و اسعار صيانه مرتفعه, خليك فى المضمون ولو حتركب صينى خليك فبريليانس او سبرانزا
|
| الساعة الآن 12:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017