مصر موتورز مجتمع السيارات - هاااااام جداً لاصحاب القلوب الرحيمة و حملة ازاى نفيد منتدانا ونشط قديمنا

اخوانى اعضاء منتدنا مصر موتورز

ptmnlo123per122

اناشد فيكم ان ترحمو المشرفين وتساعدونا على تنظيم المنتدى بالشكل اللى يليق بيكم عن طريق تجنب بعض السلبيات التى تتكرر كثيراً ويسهل على الجميع اجتنابها مثل

- كتابة عناوين موضوعات غريبة او غير واضحة

مثل ارجو المساعدة - محتااااااار - ساعدونى ارجوكم الخ الخ

لان تخيل كده لو المنتدى قعد اسبوع بس من غير تصنيف وارشفة هيبقى كله ارجو المساعدة ومحتار وهيقى صعب اللى تمييز المواضيع عن بعضها والغريب ان الناس بتستغرب محدش بيرد عليها ليه طيب هيرد على ايه ولا ايه اذا كانت كل الناس عايزة مساعدة ومحدش عارف المساعدة نوعها ايه

- كتابة مواضيع فى اقسام غير الاقسام المخصصة
طبعا فيه حاجات ممكن تختلط على الاعضاء وميبقوش عارفين يحطوها فين حطها فى العام
لكن متعملش موضوع عن الاسبيرانزا وتحطة فى اليابانى او عن الفيرارى وتحطة فى الماليزى !!!

- تكرار المواضيع وخاصة فى الاستفسارات او الشكاوى
فيه ناس بتفتكر ان الموضوع لما يتكرر فى كذا مكان ناس هتشوفة اكتر وهيلاقى ردود اكتر وده مش صحيح لانه هو نفسة مش هيعرف يتابع الردود فى اكتر من موضوع
لو الموضوع عام حطة فى القسم العام او حطة فى القسم المتخصص وصدقونى ديه افضل حاجة لان سياسة المنتدى لا تسمح بالتكرار اطلاقاً حتى الموضوعات اللى بيعملها اكتر من عضو وتكون متاشبهه فى المحتوى بيتم دمجها وبالتالى لو شخص واحد هو اللى كرر الموضوعات بتتمسح وممكن نضطر نمسحها كلها

- كتابة موضوع باسم شخص
مثلا استفسار من لفلان رجاء من فلان ومثل هذه العناوين مفروضة لانها لو (الموضوع) خاص بشخص معين يبقى الافضل يرسل على الخاص للشخص مباشرة ولو هو موضوع عام يبقى العنوان يحتوى على شىء من المحتوى

فارجوكم ساعدونا بلاش تكرار وراعو ان عنوان الموضوع يكون فيه وصف لمحتواه