مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - صامولة الكردان (https://www.masrmotors.com/vb/showthread.php?t=136334)

صامولة الكردان

السلام عليكم

لاحظت وجود صوت جاى من تحت العربية .... زى صوت البلى الخشن ... و صوت اهتزاز بسيط اسفل السيارة ..... الصوت ملهوش دعوة بفصل الفتيس او تعشيقه
الصوت بيزيد .... ليه زنة زيادة لما بشيل رجلى من على البنزين

شكيت فى الكردان ... و بفحصه .. تبين ان صامولة الفتيس بدأت تتفك .. و بالطبع مغرقة الدنيا زيت من حواليها

http://7rea.com/d/1422740918582.jpg

تم فك الكردان و ربط الصامولة مرة اخرى و اعادة تركيب الكردان

http://7rea.com/d/1422740918191.jpg

بكرة اجرب و اقولكم ايه الاخبار ان شاء الله

ملاحظات و ذكريات عن الكردان الجميل ....

وصلة الكردان الخلفية مش على فلانشة بمسامير زى الشاهين مثلا و ده ( فى رأيى ) مش كويس ... بيخلى كوبايات الصليبة تقع على الارض عند الفك و التركيب

صامولة الكردان مفيهاش لوك ... مفيهاش حاجة تمسكها علشان متفكش ... فبتفك منى كل فترة ( كل 3 سنوات مثلا )

مسامير ربط الصليبة سنها ناعم UNF ... و محتاجة لفة فى وسط البلد علشان الاقيها..... علشان عاوزة تتغير

رد: صامولة الكردان

الحمد لله على الاصلاح - بس هى صامولة كام ؟؟؟؟ ولازم يكون ليها لوك بلاستيك او حديد
دور عليها عند بتوع المسامير مش قطع الغيار
عندك مثلا الحسن والحسين او الطيار

رد: صامولة الكردان

اقتباس:

المشاركة الأصلية كتبت بواسطة mr_astra (المشاركة 999732)

حضرتك متغيب عننا بقالك فترة ... و يسعدنى عودتك ... و تمنياتنا للوالدة بتمام الشفاء

هى تقريبا صامولة 30 ... و للأسف سنها ناعم .. و انا دورت عليها قبل كدة و لم اجدها
و مفيهاش لوك بلاستيك ... بس انا ليه مجبلهاش وردة زنق تحتها ؟؟؟؟ برضو فكرة

فين بتوع المسامير الى حضرتك ذكرتهم دول ؟؟؟؟

رد: صامولة الكردان

الله ينور عليك
فعلا وردة تحت الصامولة ولما تربط الصامولة كويس تتنى الوردة على مربع واحد بالصامولة
دة لو فى مكان وحرية حركة

الحسن والحسين فى عين شمس ،، اما الطيار فى الحرفيين

بشكرك جدا على سؤالك عنى ودعائك المتقبل للوادة
ربنا يجازيك خير
انا والله غصب عنى الفترة اللى فاتت لانى كنت باخد كورس كمبيوتر فى نصر لمدة شهر ونصف وانا حاليا اجازة منة لمدة اسبوع وهاكمل بمشيئة الله يوم الاحد القادم ولمدة اسبوع فقط

رد: صامولة الكردان

اقتباس:

المشاركة الأصلية كتبت بواسطة ahmed_eng2001 (المشاركة 999705)

:CONGRA~238:
بالتوفيق ولا تنسى تزويد الزيت الناقص ومن الافضل لو امكن تغيير الزيت بالكامل جديد
شوف صورة المرفق الصامولة لها كونتر فبر احمر ممكن كان فى الصامولة القديمة واتفتت مع الوقت ! وعلشان تحط وردة جروفر او سوستة تحتها فكرة حلوة لكن لازم تكون وردة ناشفة ورفيعة حاجة كده زى تيلة اكس الكوبلن لكن على شكل جروفر
:010104~171:FLASHCar

Rebuilding 12 bolt truck rearend - YouTube

How to install or change or replace gears and bearings in a rear end or differential - YouTube