مصر موتورز مجتمع السيارات - الميكــــانيـــكى نصــــب عليـــــــــا

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

- - الميكــــانيـــكى نصــــب عليـــــــــا (https://www.masrmotors.com/vb/showthread.php?t=119540)

الميكــــانيـــكى نصــــب عليـــــــــا

السلام عليكم ورحمة الله ،،

العربيــــة لانســــر 1999 كاملة مانيوال ..

كنت بسمع صوت رزع عند المطبات ، وصوت شخللة وحاجات كتير ، المهم رحت للميكانيكى هو شغال عفشة وميكانيكا ، قالى مساعدين ومقصات ، قلت يارب تبقى كده وبس !!
سألت عند واحد تانى قالى نفس الكلام ، قلت تمام ، قلت اغيرها عند واحد قريب من بيتنا وتبع واحد معرفة هو اللى قايلى عليه ، المهم رحـــت ،
غير الحاجات دى :
1-سير كاتينة . (لأنى لسه مشترى العربية قريب)
2-مساعدين أمامى .
3-مقصين أمامى .
4-دراعات او بارات داخلية وخارجية لعلبة الدريكسيون .( مش فاكر الاسم بالظبط )
5-فلتر بنزين .
6-أويل سيل كرانك أمامى .
7-قاعدة موتور سفلى . هما 2
8-كوتشة مزيكا .
9-كوتشة أفيز ميزان .
10-كوتشة صدادة مساعد .
دا اللى انا فاكره للأسف لأن الفواتير ضاعت .

المهم : بقا ، كل الحاجات دى تكلفة مصنعية الميكانيكى كام ، يعتبر عفشة كاملة ، بس فعلاً أول ما قالى السعر أتصدمت :fun_36_3_4[1]:وحسيت أنى أضرب قلم سُقع كده وأضطريت أدفع مرغماً :cry2W9: بعد ما قللت 50 جنيـــه بس !!

هقولكم السعر فى الآخر خالص بس الحاجات دى تغييرها يعمل كام ؟؟ سعر المصنعية يعنى .

أفيدووووووووووونى أفادكم الله ..

رد: الميكــــانيـــكى نصــــب عليـــــــــا

شغل العفشه150 والكاتينه 120

رد: الميكــــانيـــكى نصــــب عليـــــــــا

نقول 300 مثلا

رد: الميكــــانيـــكى نصــــب عليـــــــــا

200 أو 300 جنيه حسب الراجل و مكانه.

رد: الميكــــانيـــكى نصــــب عليـــــــــا

أضم رأي مع رأي الإخوة
من 200 إلي 250 أو 300 بحد أقصي
أكتر من كدة يبقي تقتله يا عم الحج

المهم سيبك من كل دة
ياما الواحد دفع مصاريف و مصنعيات بالعبييييييط

بس أصوات الترزيع و التخبيط راحت و لا لسة موجودة