مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - كلمتين ع الماشى (https://www.masrmotors.com/vb/showthread.php?t=109946)

كلمتين ع الماشى

http://sphotos-h.ak.fbcdn.net/hphoto...44642976_n.jpg

ديه صورة لاختبار الامان بتاع هوندا سيفيك 2013 والاختبار ده بيبقى مماثل لاصطدام على سرعة 100كم بشكل مباشر من الامام وزى مانتو شايفين العربيه مش هتنفع تانى لكن كتقييم امان اخدت تقييم كافضل مستوى امان تفتكرو لية ؟
هقولكم اولاً التقييم بيبقى على امان الراكب وسلامتة مش امان العربية وسلامتها :)
ثانياً لان العربيه فيه ايرباج (ستائر) او جانبية وطبعاً امامية وديه بتساعد بشكل كبير على حماية الركاب ده غير احزمة الامان وتصميم المقدمة اللى بيسمح بامتصاص الصدمة بشكل كبير بدلاً من نقلها لمنطقة الكابينة

وفى النهاية الاختبارات ديه لعربيات بمواصفات امان مبتنزلش مصر
ولو نزلت بتبقى اسعارها خرافية لان الحكومة الرشيدة بتحط عليها ضرائب وجمارك تخرجها من امكانيات غالبية الناس وطبعاً الطرق زى الزفت وادارة المرور فى خبر كان فمفيش قدام سيادتك حل غير انك تمشى على مهلك ومتجريش علشان سلامتك وسلامة عربيتك
واقعدو بالعافية :)

رد: كلمتين ع الماشى

للاسف معظم العربيات اللي بتنزل مصر بتاخد تقييمات عالية جدا في اختبارات التصادم لكن علشان بيقللوا وسائل الامان في العربية لو عملوا اختبار تصادم ليها في مصر مش هتاخد 1 من 5 :12B1B3~136:
وطبعا علشان الواحد يجيب عربية مواصفتها نضيفة هيدفع شئ وقدره
حسبي الله ونعم الوكيل

رد: كلمتين ع الماشى

مهو عشان كدا معدلات الحوادث عندنا اعلى معدلات فى العالم
يا راجل الكروز اللى هنا فول اوبشن فيها واحدة ايرباج فى امريكا والله فيها 10 ايرباج وارخص من هنا يا مؤمن:014FDA~117:

رد: كلمتين ع الماشى

رائع جداً .. رغم أن المقدمه تهشمت تماماً الا أن المقصوره بقيت سليمة

مقارنه بإختبارات التصادم اللي شفتها للأكسنت و الإنترا و الكورولا السيفيك أفضل منهم

رد: كلمتين ع الماشى

للأسف الامان و رغم انه عامل مهم جدا فى اختيار السيارة, الا ان المستهلك عموما لا يفكر به, لسبب طبيعى و هو ان اى انسان يعتقد انه بعيد عن الحوادث.
و بالطبع و لأن تجهيزات الامان لا تغرى المشترى عموما فان شركات السيارات قدلا تهتم بها كثيرا دون ضغط حكومى (تكلفة كبيرة و لن تزيد المبيعات),
و هنا يأتى دور الحكومات, حيث انها هى التى تضع و تجبر شركات السيارات على الاهتمام بالأمان, فالحكومة هى التى يجب ان تمثل الجانب الاخلاقى من الصناعة و البيزنس عموما بشكل او اخر.
لا يجب ان تكون هناك اى تنازلات على صعيد الامان, و لحسن الحظ فان معظم السيارات حاليا قد وصلت الى مستوى جيد من الامان, حتى الصغيرة منها.