|
هل اتعرضت لموقف زي ده قبل كده ....وعملت ايه ......؟؟
السلام عليكم ورحمه الله وبركاته
من كام يوم كده واحد صاحبي كان مسافر اسكندرية وركن في شارع جانبي علي الكورنيش في العصافرة (( مكنش يعرف طبعا اسم المنطقة )) وراح كام مشوار علي رجله في خالد ابن الوليد يتسوق بعد ما واحد وصفله ازاي يروح خالد ابن الوليد ولما خلص قال يروح يجيب العربية عشان يروح ........ لغاية كده كلام زي الفل ......!! طبعا لان الشوارع ع الكورنيش زي بعض مخدش باله انه يميز الشارع بأي حاجة عشان تسهل عليه لما يرجع ياخد العربية .....وفضل حوالي 1.30 يدور في الشوارع ع العربية لغاية لما كان هيجيله احباط بكذا حاجة (( اما انها اتسرقت - او اما انه مش عارف يوصل لمكانها وتاه عنها )) المهم فرك المنطقة كلها لما خلاص يعني استوي ويدخل شارع يلاقي نفسه طالع في نفس المكان اللي كان فيه بس من شارع تاني جانبي لغاية فين وفين لقاها راكنه في شارع جانبي ياااااه زي ما يكون شم نفسه المهم عرف بعد كده ان المنطقة دي اسمها العصافرة بعد جاد بكام شارع ... لدرجة انه كتبه في اندكس عشان يعرفه بعد كده لما ينوي ييجي ولو اني اشك انه هينزل لواحدة تاني من غير ما يكون معاه حد دليل من اللي يعرف اسكندرية كويس فبصراحة الموقف ده ممكن حد فينا لاقدر الله يتعرض له وخاصة لو مسافر بلد اول مرة تروحها او مش حافظ شوارعها فيا ريت اي واحد بيركن عربيته في مكان جديد يميزه بأي حاجة او يكتب اسمه ع الموبايل او حتي اي محل موجود فيه او عمارة مميزة ....الخ تجنبا للوقوع في نفس الموقف لاقدر الله وفقنا الله لما يحبه ويرضاه |
رد: هل اتعرضت لموقف زي ده قبل كده ....وعملت ايه ......؟؟
جزاك الله خيرا
ياه دايما بتحصل مرة حصلت معايا كنت سالف عربية لادا بيضا وكنت مجهد ولما رجعت ولسة بحط المفتاح في الباب لقيت الجلد علي الطارة مختلف ادركت انها مش هي وكانت فارقة بتاع 3 عربيات وراها :w6w2005041113562663 |
رد: هل اتعرضت لموقف زي ده قبل كده ....وعملت ايه ......؟؟
اقتباس:
|
رد: هل اتعرضت لموقف زي ده قبل كده ....وعملت ايه ......؟؟
فعلا لما يكون مكان جديد واول مرة يروحوا
وكمان العربية موجود منها مكتير شبهها بتلخبط انا لما بنزل مكان جديد لو ينفع أحط العربية فى جيبى هعملها وبعدين الناس بتوع إسكندرية ماشاء الله متعاونين جدا ، تطلب منه حاجة يقولك وانا مال اهلى أعملك اه كل واحد بيتعلق من عرقوبو :12BF86~159: |
رد: هل اتعرضت لموقف زي ده قبل كده ....وعملت ايه ......؟؟
طيب دى بلد غريه عليه ماشى ..مقبوله .
انا بقى اكتر من مرة انزل واركن فى اى شارع جانبى جمب السكه الجديدة (المنصورة) وحافظ الشوارع صم والف كام لفة والجماعه يكلوا دماغى واتفرج يا معلم على الزهيمر ركنت العربيه فين بقا مش عارف ولا فاكر فى انهى شارع يا نهار والجماعه يتصلوا بيا عايزين يروحوا وانا ولا الدموع دماغى مش موجودة يا دوب اللى فاكرةان المفتاح فى جيبى ....:w6w200504112236376d ونفس الكلام عند الجامعه ...... ومن دة كتيرررررررررررر |
| الساعة الآن 08:27 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017