|
ريحة شياط فى عربية لانسر سبورت 2066 بومة
السلام عليكم ورحمة الله وبركاته -
انا كنت محتاج مشورة اهل الخبرة من اعضاء المنتدى الكرام والمتخصصين فى مشكلة عندى بسيارة لانسر بومة رياضية 2006 - المشكلة انى بعد ما بمشى بالعربية فترة بحس انى شامم ريحة شياط ومش عارف جايه من فين فا يترى مصدر الريحة ده ايه لأنى مش عارف الاقى مصدر الريحة - هل الفتيس هل الموتور - مش عارف انا على فكرة مبمشيش بالعربية كتير |
رد: طلب عاجل من اهل الخبرة بخصوص ريحة شياط فى عربية لانسر سبورت 2066 بومة
ممكن يكون كيس بلاستيك جى تحت الشكمان ولزق فى وكل لم الشكمان يسخن تبان ريحة الشياط عملتها معايا كتير بصى تحت العربية او ارفع العربية على مجرى واكشف |
رد: طلب عاجل من اهل الخبرة بخصوص ريحة شياط فى عربية لانسر سبورت 2066 بومة
السلام عليكم ريحة الشياط اما ان في زيت وقع علي فرن الشكمان او تيل فرامل محمل ولو السياره مانوال ممكن تكون اسطوانة الدبرياج:w6w2005041122363 76d والله المستعان |
رد: طلب عاجل من اهل الخبرة بخصوص ريحة شياط فى عربية لانسر سبورت 2066 بومة
يا اما مشيت كتير على الاسطوانة بنقلات غلط -يعنى بتطلع على الثالث بدل الاول مثلا-
لو العربية مانيوال يا اما الكارتيرا بتاعة الزيت بتسرب على الشكمان انا شخصيا حصلت معايا قبل كده كان فى مشكلة فى الفتيس و كان التالت بيجي مكان الول و بالتالى كنت بطلع على التالت و العربية ترجرج منى لحد ما روحت و شميت ريحة شياط مميتة .. و باظت الاسطوانة يومها. |
رد: ريحة شياط فى عربية لانسر سبورت 2066 بومة
انا العربية عندى اتوماتك وكنت قريب رافعها وبغسلها من تحت ومفيش اى كيس بلاستك او حاجة على الشكمان - وبجد الموضوع محير جدا لأن الريحة بتكون واضحة جدا بعد ربع ساعة مشى وبحس ان العجل اللى ورا بيسخن اكتر شويه من الطبيعى - يا ريت اعرف ممكن يكون فيه ايه - وبجد شكرا للأعضاء الكرام اللى تفضلو بالرد
|
| الساعة الآن 10:10 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017