مصر موتورز مجتمع السيارات - ارشيف الاستراحة 2011

اقتباس:

المشاركة الأصلية كتبت بواسطة مهند سالم (المشاركة 388766)

لاحظ حضرتك حاجة مهمة، الكلام ده ما حصلش في ندوة علمية، أو مؤتمر علمي، ده حصل في ماتش كورة، وحضرتك عارف وأنا عارف إن معظم جماهير الكورة وفي كل العالم على فكرة بيعميها التعصب، وفي بلاد بيحصل فيها قتل من جهة الجماهير وما بيكونوش في حالة ضعف أمني ولا خارجين من ثورة ولا حاجة، فبلاش الفئة دي تبقى هي الحكم على شعب مصر. في ناس كثير جدا محترمة ومتعلمة ومثقفة في الشعب ده، وحضرتك لو عديت شوية العيال إلا نزلوا الملعب، وإلا أنا متأكد تماما إن في حد حركهم هتلاقيهم ما يحصلوش 500 واحد، ولو حضرتك بصيت على المدرجات هتلاقي آلاف لم تنزل، أرجو أن تراجعوا الفيديو جيدا ونتكلم كلمة بإنصاف.

هو جمهور الكورة فى بلدنا زى جمهور الكورة فى أوروبا مثلاً اللى عندنا دول معلش شوية ناس ما بيقدروش المسئولية وبيخلوا الناس اللى وقفت معانا وشجعتنا أثناء الثورة يتخلوا عننا لأننا شعب مايستهلش إحترام وتقدير العالم لثورته الرائعة
ليه نعمل كده مع أشقائنا التوانسة ، مش هم دول اللى بدأو بثورتهم وخلونا نعمل زيهم ؟ مش هم دول اللى استقبلوا أبناءنا الفارين من ليبيا وأووهم وقدموا لهم الطعام والشراب والسكن المؤقت حتى يعودوا لبلادهم ، ليه كده ، بصراحة يجب وبسرعة تقديم إعتذار رسمى وفورى من حكومة مصر وشعبها لحكومة تونس وشعبها على هذا التصرف الهمجى الذى فاق فى تصورى تصرف جماهير الجزائر ضدنا فى السودان ، كما يجب وقف نشاط الكرة تماماً بنادى الزمالك وإلزام إدارته بإصلاح ماتم تدميره فى استاد القاهرة أنا شفت جمهور الزمالك وهو يتجمع عندنا فى سموحة لركوب الأتوبيسات التى ستحملهم الى القاهرة لمشاهدة المباراة والله أحسست بأنه سوف تحدث كارثة نظراً لما شاهدته من منظر هذه الجماهير
لك الله يامصر