مصر موتورز مجتمع السيارات - مخطط تصفيه الثوره ,,

البركه راحت لما تخلينا عن الطبيعه والعادات الاصيلة
البركه راحت لما تخلينا عن الفرن البلدي في البداية واللي كان وقودها ببلاش لانه كان عباره عن زبالة البيت وبقينا نخبز على فرن البوتاجاز اللي بنشتريه بفلوس وندفع فلوس تاني لنقل الزباله ... وايامها كانت بلادنا نضيفه
وبعدها بطلنا نخبز خالص في بيوتنا وبقى اعتمادنا على خبز الدعم
البركه راحت لما بقى شبابنا يحط الجل ويفلفل شعره ويخاف عليه من تراب الغيط ... وسبنا الارض بور وضيعنا الزراعه وبقينا نستورد كل المحاصيل
البركه... راحت لما بطلنا نزرع أكلنا وناكل لحوم وبيض الطيور ولحوم والبان واجبان وقشطه وسمن وزبدة الحيوانات اللي مربيينها في بيوتنا ... الصحية والطبيعيه والاقل تكلفه
البركله راحت لما بقينا ناخد توكتوك لو رايحيين اخر الشارع ونتصل بالموبايل على جيرانا والباب في الباب
البركه راحت لما الاب انشغل ع القهوه والام انشغلت على الفيس والواتس ومبقناش نذاكر لاولادنا واستسهلنا الدروس الخصوصية
وحاجات كتير دخيله علينا بتستنزف مرتباتنا .. وفي الاخر يقول المرتب مش مكفي والحياه صعبه
حضرتك انت وهي لو تفرغتو ساعتين لاولادكم يوميا هتوفر ربع راتبك اللي رايح للدروس
لو وفرت نص كمية السجاير اللي بتشربها والحبوب اللي بتتعاطاها هتعيش ولادك احسن عيشه بدل الشكوى والمذله
ممدوح الشافعي