|
|
رد: لحمتهم ولحمتنا
ببساطه كده انا كان عندي مزرعه مواشي و مازالت العائله عندها عده مزارع ..
بكل بساطه كده ارتفاع اجر العماله و انحفاض عدد الرؤوس في المزرعه (اخرك تربي 45 عجل لو انت مين) بالتكنولوجيا الضايعه البدائيه اللي بنستخدمها هنا دي .. و ارتفاع اسعار العلف .. و في الاخر بتبيع الكيلو (واقف حي علي رجليه) للجزار ب 25 جنيه ده يعتبر خساره .... و طبعاُ السلالات بتبقي سلالات البان او سلالات هجينه .. تاكل و ماتربيش لحم .. يجي الجزار بقي يشتري ب 25 جنيه و يبيع ب 65 جنيه .... اما بالنسبه للخارج فبيبقي المزارع العاديه فيها حوالي 200 راس و تنولوجيا حديثه تعتمد قليل جداُ علي التدخل البشري .. بالاضافه انه بيرعي في الOpen field مش في مزارع مقفوله زي هنا (مابتحتاجش حد يقعد يحول الاكل للمواشي و ده اللي بيكلف) بالاضافه الي ان السلالات مخصصه للحم ... تلاقيه وصل ليك هنا ب 35 و 38 و 40 جنيه اقصاها... و شكراُ |
رد: طنطا وما وراء الستار .....!!!!!
اقتباس:
ربنا ياعم مايجيب حيره انا مهندس مدني تخصص ديزينر يعني اول حاجه بعملها في شغلي انزل الموقع اخد عينه من التربه الي هبنني عليها و اروح المعمل احللها واشوف اي نوعيتها وهل ينفع اصمم عليها الديزين الي باعتهولي المهندس المعماري والا لاء ولو الاختبار ده نجح بقعد اصمم الاساسات و اعمال الحفر وكميه التسليح ولو تربه هشه نستخدم خوازيق و اساليب كتييييير فطبيعه عملي تستوجب عليا معرفه جيده بجيولوجيا التربه اما في كوني كاتب ناحيه تاريخيه فانا من عشاق معرفه تاريخ الاماكن واصولها وازاي اتكونت و المراحل الي مرت عليها ونروت ياغالي الموضوع |
رد: طنطا وما وراء الستار .....!!!!!
اقتباس:
يا اهلا بيك و بكل اهالي القاهره "وطنطا بتحبك برضو اوي طول النهار خاوتاني بيك عماله تقول بحبه بحبه ياعم شوفلك حل معاها بقي .........ههههههههههههههه" نورت يا غالي الموضوع |
رد: عربية ابويا
اقتباس:
ههههههههههههههههههههههههه ههههههههههههههههه ربنا يستر عليك يا عم الحج من كورسر " خليك فاكر ان قولتلك بلالالالالالالاش " بالنسبه للموضوع اول عربيه كانت مع والدي 124 ايطالي بعها بعد حادثه طلعت منها طبق سلطه وجاب 125 ايطالي برضو 73 فضلت معاه لحد ما جاب الاسبرانزا 516 سنه 2006 و بعتها انا 2010 بس كانت عزيزه عليا اوي فعلا لان ياما امركت بيها و اشد ما عربيات تقيله جدا " وكنت بكسب لانهم بيخانو مها ...........ههههههههههههه ....... ماشي بدبابه " بعتها و كانت متروقه فعلا كنت صارف عليها بس الموتور كان بالنهايه قرف ينتهي و مش عارف اجبلها موتور عدل قولت مبدهاش وتسلم ياغالي علي الموضوع الجديد |
رد: انت مين ؟؟؟؟؟؟؟؟؟؟؟؟؟؟ وعربيتك ايه ؟؟؟؟؟؟؟؟؟
طبعا فكرة ممتازة (ستراوش الجنزبيل)
محمد أحمد علام ذكر أبيض بقالي في الدنيا 27 سنه مهندس كهرباء قوي من سنة 2005 (جامعة عين شمس وأفتخر) شغال في السعودية (بنكهربها) من سنة 2006 وزهقت وعايز أرجع المحروسة بس متردد لحسن أتخنق أكتر من الحرس بتوع المحروسة. هواياتي السيارات والكمبيوتر والألعاب الكمبيوترية بجميع أنواعها (كمبيوتر - بلاي ستيشن - ننتيندو - أتاري) سنة 2006 كان عندي حتة بي إم 523 موديل 1998 وزحلقتها علشان محدش بيفهم فيها في السعودية ومبعرفش أعمل فيها أي حاجه معايا من سنة 2007 شيفرولة لومينا 2007 ماشية بتاع 63 الف دلوقت ومازال العد مستمر عربية ممتازة بالنسبة لسعرها (للأسف مش موجودة في مصر علشان موتورها 3600 سي سي) والجمارك لها بالمرصاد مميزتها: دفع خلفي - موتور جبار - فاملي سايز - شكل رياضي - ثبات كويس لحد 160 كم / ساعة - عزل صوتي للمقصورة فوق الممتاز - حبة أوبشنز فكة عالماشي (مثبت سرعة - كراسي كهرباء - أنوار أوتوماتيك) عيوبها: - كل حاجه فيها بالكمبيوتر وبالتالي الكثير من الإنذارات (لو البنزين مش نضيف بتدي check engine) وأطلع أجري عالتوكيل عالفاضي - الموتور القوي بيسبب عدم ثبات في الملفات إذا كنت كابس بنزين (بس الحمد لله فيها stability control بيفصل البنزين لو العربية إبتدت تتزحلق) - واطية ومصنفرة نصف مطبات السعودية - عفشتها ناشفة - موتورها أخشن من الياباني بكتير شعاري في الحياة: إجري يابن ادم جري الوحوش ----- الأوتوبيس متلحقوش ويجعله عامر |
رد: لحمتهم ولحمتنا
ياه البرازيل متفوقه عننا فى الكوره وفى اللحمه؟؟؟؟؟
بس احنا متفوقين فى الكوسه واراهن على كده:crazyW14: |
رد: انت مين ؟؟؟؟؟؟؟؟؟؟؟؟؟؟ وعربيتك ايه ؟؟؟؟؟؟؟؟؟
علاء محمد صفوت القاهره جسر السويس وقريبا فيصل المريوطيه
مهندس زراعى وعمل اخر بنويبع جنوب سيناء متزوج وعندى بنتين عربيتى النترا 2010 مميزاتها قويه وسحب جامد وتجميع ممتاز وعائليه وثابته لحد 160 واقتصاديه فى البنزين عيوبها صاج ضعيف جدا مافيش وسائل امان وربنا يخللى غبور |
| الساعة الآن 11:56 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017