مصر موتورز مجتمع السيارات - ارشيف الاستراحة 2011

اخى الكريم اسمح لى ان اصحح ورقتك . ( كلمه دا بديل لفظ هذا ) ( لاننا مشينا كتير كلمه كتير تعنى كلمه كثير ) اهذا يصح اخى الكريم سننظر لتصحيح الكلمات ونترك الموضوع . فانا ارى ان المهم ان المعنى يوصلك سواء كان بالعاميه او بالفصحى والله الموفق .

ياعم . انت زعلان ليه كده .
اولا احنا مش بتكلم عن العاميه والفصحى . احنا بنتكلم عن الهجاء حتى لو فى العاميه . وماحدش فرض رأيه على حد . احنا بس بنقول ان الهدف من التوجيه هو الخير . انت لما تصلح من شأن أخوك دا مش انتقاص من شأنه .
سيدنا الحسن وسيدنا الحسين حينما رأو ا أحد الشيوخ يتوضأ وكان فى وضوئه خطأ ما قاما بعمل لتصحيح خطأ الوضوء . وكانا طفلين . وهو شيخ . نحن نهدف الى عمل خير . وليس التهكم او السخريه أو حتى جرح المشاعر .

سيف الدين سعيد

23-04-2011 03:01 PM

رد: مش عارف أقرأ مشاركات الأعضاء من كثرة الأخطأ اللغوية

اقتباس:

المشاركة الأصلية كتبت بواسطة نبيل عبدالرحمن (المشاركة 408358)

أخى الحبيب الشيخ طارق
أنا لا أقصد أى إساءة ولا حرج لأى واحد من أعضاء منتدانا الكبير ولكن هى طرفة أو دعابة بسيطة بين الإخوات ليس لها أى مدلول ، وبجد أنا بحب أقرأ مشاركاتك لما فيها من مواضيع هامة جداً ومن واحد خبير خاصة فى سيارات الفيات
والموضوع ده هايتظبط لما الواحد يقرأ مشاركاته عدة مرات قبل إعتماده للإرسال

بالظبط كده . والله الله ينور عليك يا أستاذ نبيل .
احنا بنتكلم عشان كل واحد ياخد باله من كتابته . ( فصحى أو عاميه ) مش فارقه . انما نصلح من نفسنا .

سيف الدين سعيد

23-04-2011 03:03 PM

رد: مش عارف أقرأ مشاركات الأعضاء من كثرة الأخطأ اللغوية

اقتباس:

المشاركة الأصلية كتبت بواسطة طارق ابوذيد (المشاركة 408205)

على فكره يا أخى العزيز طارق : انا والحمد لله قارئ للقرآن . وثقافتى اللغويه والحمد لله أستطيع أن أحكم عليها بالجيده . ولكنى اتحدث وأكتب العاميه لنفس السبب اللذى تقوله انت وهو ان البعض منا هنا فى منتدانا لا يستطيع ايجاد المفردات اللغويه الصحيحه بسهوله . لذا فأنا أجارى الآخرين فى لغة الحديث فقط .

momen_bondok

23-04-2011 03:20 PM

رد: مش عارف أقرأ مشاركات الأعضاء من كثرة الأخطأ اللغوية

اقتباس:

المشاركة الأصلية كتبت بواسطة سيف الدين سعيد (المشاركة 408421)

استاذ سيف كيف حالك
انا معاك أنه انة لازم تصحح لاخوك ولا يعُد هذا انتقاص من شانة
ولكن يفضل بأن يكون برساله خاصة ولا تكون على روؤس الاشهاد
وكما قال الإمام الشافعى
تعمدني بنصحك في انفرادي ..... وجنبني النصيحة في الجماعة
فإن النصح بين الناس نوع ..... من التوبيخ لا أرضى استماعه
وإن خالفتني وعصيت قولي ..... فلا تجزع إذا لم تعط طاعه

طبعا هذا رأيي الشخصى
والسلام عليكم ورحمه الله وبركاتة

khaled al sharif

23-04-2011 04:06 PM

رد: مش عارف أقرأ مشاركات الأعضاء من كثرة الأخطأ اللغوية

اقتباس:

المشاركة الأصلية كتبت بواسطة aboelesaad (المشاركة 408351)

موضوع فعلا مهم جدا وانا عن نفسي بقع فيه كتيييييييير وخصوصا الكلمات الي بتدي معاني قبيحه دي مش عارف والله بقع كل وقعه العن من الاولنيه
وبجد ببقي قارئ الموضوع خمستلاف مره وماكد عليه و مع ذلك مبخدش بالي وبرضو بقع في اخطا رزله

فعلا بعتزر لكل اخواني بمصر موتورز عن اخطائي و يارب اشوف بعد كده بقي

هي دي روح مصر موتورز .... اللي بيغلط بيقول ها أحاول مغلطش ... وها أجتهد اقلل أخطائي .... حتي لو بعد كده غلط عادي لأنه طول ما هو بيحاول ها ينجح ....وبعدين كتب غلط أو صح ها تظل المودة موصولة .....أخونا الجميل ...المهندس أبو الإسعاد تحياتي لك ROSE4U

MmFFoR

23-04-2011 04:10 PM

فين الاستاذ حازم خضر؟

بعد ما فقد المنتدى المهندس سمير
اختفى الاستاذ حازم خضر

اعتقد ان خبطتين على الراس بتوجع برضه

اتمنى شفافية شوية - في اسباب انسحاب بعض الاعضاء - من قبل الادارة
و لو فيه امكانية لاستعادة الاعضاء المحترمين لانهم اضافة ايجابية للمنتدى حتى و ان احتوت على سلبيات
من ليس منكم بخاطيء فليرمهم بحجر

سيف الدين سعيد

23-04-2011 04:10 PM

رد: مش عارف أقرأ مشاركات الأعضاء من كثرة الأخطأ اللغوية

اقتباس:

المشاركة الأصلية كتبت بواسطة momen_bondok (المشاركة 408427)

يا مؤمن باشا . تحياتى وحبى واحترامى .
يا باشا احنا بنتكلم مع بعضنا هنا فى المنتدى كأخوه وأحباء . والهزار والجد انما هو نتاج المحبه الخالصه فى الله . وليس معنى انى مثلا أقول لك :
ياعم انت كلامك كله مطبات وعايزله وابور زلط يظبطه . دا مش معناه انى بأحرجك أو حتى بأوبخك . بل على العكس تماما . دانا كده بانبهك لأنك تاخد بالك وانت بتكتب . ولو ماكانش يبقى تراجع قبل ما ترسل . ولو ماحصلش يبقى تعدل كلامك أول ما تاخد بالك .
ومش عايز الفت انتباه الجميع إلى ان لغتنا بتندفن بأسباب كثيره أولها أخطاؤنا الهجائيه . مع كامل احترامى لكل آراء الأخوه الأفاضل المشاركين فى الموضوع

الساعة الآن 03:18 PM.

صفحة 974 من 2748