مصر موتورز مجتمع السيارات - مخطط تصفيه الثوره ,,

تذكرة المترو...صورة كاملة
* هل تذكرة المترو بتتباع بسعرها؟ لا طبعا دي مش أقل من سعرها وبس دي أقل من سعر اي وسيلة مواصلات تانية في القطاع الخاص و اعني بيها الميكروباص و التوك توك. ويبقى المترو اسرع و أأمن و أكثر حضارة.
* هل يخسر قطاع ادارة المترو؟ أيوه فعلا بيخسر بيخسر لأن الخدمة مش بتمنها الحقيقي فخسارته السنوية 200 مليون جنيه، ومديون لوزارة الكهربا بمبلغ 250 مليون جنيه. بيخسر لأن... المكن بايظ وبيعدي ناس ما معهاش وما فيش رقابة في كل المحطات بنفس المستوى. بيخسر لأن ما فيش رؤية لاستغلال محطاته اعلانيا و تجاريا بشكل يدر أرباح على الهيئة وبالتالي الدولة اللي رفعت مرتبات الموظفين فيه 400 % رغم كل الظروف اللي بنمر بيها....هل الزيادة عادلة؟ لأ لسه مش عادلة لأن في دول كتير زرتها سعر التذكرة مرهون بعدد المحطات مش تذكرة بسعر موحد.
*هل كل الناس اللي بتشتكي عندها حق؟ لا طبعا مش كلهم لكن ده ما ينفيش ان فيه فئة تعبانة جدا زادت عليها اعباء الحياة مرة واحدة مع كل الاجراءات الاصلاحية للاقتصاد.
الخلاصة: كان لازم تزيد سعر تذكرة المترو لكن كان لازم يحصل معاها عملية اعادة ترتيب اوراق المترو للحصول على موارد اضافية تزيد من تحسين الخدمة والقدرة على ضخ سيولة لخزنة الدولة. الجميع مسئول وكلنا محتاجين نكمل بعض ونتحمل بعض عشان مصر تعدي
نشوى الحوفى