مصر موتورز مجتمع السيارات - دليل الاعطال و الاصلاحات للفيرنا

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

- - دليل الاعطال و الاصلاحات للفيرنا (https://www.masrmotors.com/vb/showthread.php?t=2420)

رد: دليل الاعطال و الاصلاحات للفيرنا

اقتباس:

المشاركة الأصلية كتبت بواسطة engsamer (المشاركة 330195)

ما هو فايدة الخرمين الموجودين بين البربيز ة والتابلوة من ناحية الدركسيون فى الفيرنا 2007 اتوماتيك
هلى فى قلم لون لعلاج الخرابيش و الاحتكاكات فى البدى
ما هو سعر اريال الاتوماتيك و المساحات

اولا انا مش فاهم موضوع الخرمين ده يا ريت حضرتك تصورها وترفع الصور علي المنتدي علشان اقدر افيدك ده اولا

وبالنسبة للقلم من الاخر ملهوش لازمه لما ينشف هتحس ان الخرابيش كانت احسن انتا ممكن تعمل الخرابيش بالبولش لو متشلتش يبقي عليك وعلي التنر بس علي خفيف جدا وحته قطنه وتمسح علي الخرابيش بالراحه هتختفي معاك

والاريال الاتوماتيك هيعمل معاك من 150 الي 200 جنيه

والمساحات هتعمل معاك 30 جنيه واحسنهم مساحات البي ام دبليو اللي هيه جلد بس

رد: دليل الاعطال و الاصلاحات للفيرنا

السلام عليكم ورحمة الله وبركاتة
اخوانى اعضاء المنتدى المحترمين
انا عربيتى موديل 2010 فول اوبشن مانيوال عاملة لحد دلوقتى 10200 كم
من يومين الكاوتش الامامى الايمن كان مريح الصبح وانا رايح الشغل رحت لعجلاتى وزودت الكاوتش
وبعدين لاقيت العربية متلخبطة مش عارف اية اللى حصل يعنى لو ماشى على اسفلت ومفيش اى مطبات بحس ان العربية كانها ماشية على طريق فية حفر وبدبدب ومش مظبوطة
تانى حاجة دى لسة من امبارح لما اقف بالعربية واغير على الاول وامشى الاقى العربية بتنط لقدام مرة واحدة
مع انى بعرف اسوق ومش بسيب الدبرياج مرة واحدة مش عارف ايه اللى حصل وبحس ان سحب العربية قل مش عارف لية هل فيه حاجة فى الدبرياج ولا فيه مشكلة فى الكاوتش !!!!!!!!
انا مكنتش هروح صيانة الـ 10000كم لانى كنت مغير الزيت لحد الـ 15000كم فقلت اروح التوكيل على الـ 15000كم وخلاص
بس بعد المشكلة دى بفكراروح التوكيل واقولهم

مستنى اراء حضراتكم

ولكم جزيل الشكر

رد: دليل الاعطال و الاصلاحات للفيرنا

انا عندى مشكلة العربية مع المطبات الرفيعة فيها صوت تهبيد ورجرجه فى العجل هل دى مشكله فى المساعدين والعفشة ولا اية بالظبط؟؟؟وشكرا مقدما

رد: دليل الاعطال و الاصلاحات للفيرنا

اقتباس:

المشاركة الأصلية كتبت بواسطة ميدو ستار (المشاركة 338489)

اكيد في مشكلة عندك في مساعد العربية بس اكشف الاول علي ضغط الكاوتش عند حد تاني لحسن يكون ضغط الكاوتش عالي وهو اللي عاملك المشكلة ديه كلها

غير كدا اتصل بحجز غبور وقولهم انا عايز احجز بعيب في العربية وروح شوف في ايه ومش هتدفع مليم احمر

رد: دليل الاعطال و الاصلاحات للفيرنا

اقتباس:

المشاركة الأصلية كتبت بواسطة eng_sa3d (المشاركة 343952)

سبحان الله انا لسه الموضوع ده حاصل معايا النهارده كل ما اخد مطب احس ان في خبط في الكاوتش الشمال قدام نحيتي وانزل اشوف في ايه ملقيش في حاجه

انا حاسس ان في مشكلة في المساعد

عمتا انا هروح بكره اشوف في ايه