مصر موتورز مجتمع السيارات - متوسط اسعار المستعمل هذا الاسبوع

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - متوسط اسعار المستعمل هذا الاسبوع (https://www.masrmotors.com/vb/showthread.php?t=6189)

رد: متوسط اسعار المستعمل هذا الاسبوع

دكتور تامر ، أنا معايا بيجو 206 موديل 2001 من سنة و مستريح و الحمد لله و نصيحتك كانت دهب وقتها بصراحة (واحد صاحبي مسمعش نصيحتك لبس سيخ ذهبي محترم)...

دلوقتي كنت عاوز أنقل على حاجة أعلى حبتين ، بفكر في حدود 50 تقريباً ،،

نصيحك إيه مثلاً ، أجيب ميجان أو لوجان كسر أو كورسا 2005 أو ميجان هاتشباك (أو احسن حاجة في الفئة السعرية دي بموديلها و ياريت تكون 1600 سي سي) ؟؟؟

و يا ريت تحط السعر لأنه موضوع (عربيتك على قد ميزانيتك قديم نسبياً)

إيه أحسن حاجة فيهم كإعتمادية و سعر قطع غيار بالنسبة لقلة الأعطال (بصراحة الميجان فيه تضارب كبير فيها حبيت أسمع رأيك) ...

مش محتاج أسحب أو غيره و بسوق لوحدي دائماً و مش بسافر تقريباً (أخرها المصيف و بما إني إسكندراني المسافة مش كبيرة) ...

شكراً ليك

رد: متوسط اسعار المستعمل هذا الاسبوع

الف تحية ليك يا دكتور تامر علي موضوع حضرتك وعلي اهتمامك بكل اسئلة الاعضاء
انا نفسي اشتري جيب شيروكي وقدامي واحده موديل 95 وحالتها اوكي لسه عايزه شويه تظبيط في حدود 3000 او 4000 وصاحبها عايز 57000 ايه رايك وعايز اعرف لما اروح افحص هل 4000 سي سي فعلا بتكلف كتير وكام بتكلف عشان سمعت ارقام خيالية
وعايز اعرف سعر كورولا 95 اتوماتيك كامله حاله جيده اخرها كام

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة conwaydiver (المشاركة 447181)

الضريبة عالية على هذا الموتور الكبير
السعر 50000 على الأكثر
الكورولا 95كاملة=50000 آخر الآخر لحالة جيدة جدا

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة تامر القانونجى (المشاركة 446165)

ازيك يادكتور من فضلك عايز اعرف سعر الريجاتا مو84 حالتها كويسه تعمل كام والفيات 131 مو77 محتاجه سمكره ودوكو وفرش تعمل كام. وشكرا

الريجاتا تساوى 19000
ال131 تساوى 20000

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة Peugeot 206 (المشاركة 446383)

اللوجان سيارة متميزة وحتكون موديل عالى
لا أنكر أن الميجان هى الأفضل فى كافة الإختيارات ولكن هناك ملاحظات على موديلات ما قبل 2006 علاوة على غلو قطع الغيار والصيانة
الكورسا سيارة جيدة لكن شخصيا لا أحبها

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة toxin (المشاركة 446393)

موضوع تحفة بجد ..

سؤال بقاا :: معاياا نيسان صني 2007 مانيوال الـ EX Saloon العربية فبريكة بجد و متابع علطول مع التوكيل واي صياانة بتم في التوكيل و الموتور والعفشة والبودي فبريكة ..

العربية اناا شاريهاا عالزيرو و ماشي لحد دلوقت 98.000 كم والرخصة فااضل فيهاا سنتين ..

اطلب فيهاا كاام لو حبيت ابيع ؟؟

تطلب 70000

رد: متوسط اسعار المستعمل هذا الاسبوع

تامر باشا

انا من متابعيك القدامى وأخر حاجة معايا ابيزا 98 1400 انجكشن كاملة منوال بور وتكييف وزجاج ومرايات كهرباء فابريكة بالكامل بره وجوه رخصة سنة ونصف حالة اعظم من ممتازة عايزك تتمنها يا كبير علشان بفكر اغير.