|
|
رد: لقد قررت الرحيل !
طيب ياعم شريف نحسبها واحده واحده كده
1. هو رحيل والا هروب 2. هو انت عارف انت هتروح فين ورتبت نفسك وقررت والا انت بتفكر ومش عارف تروح فين لسه 3. هل انت متخيل ان المكان اللي هتروحه هيبقى كويس ومفيهوش اي مشاكل ( انت قولت شرم او مطروح ) شرم مفيهاش الا شغل سياحة عاوز تروح اقامة يبقى عاوز شقة شقة هناك يبقى 3000 وانت طالع في الاسكان الشعبي مطروح حالها زي اسكندرية تقريبا 4. انت قايل قبل كده في موضوع تاني انك انت ووالدتك بس لوحدكم يا تري هتاخد والدتك معاك والا هتستغني عن خدماتها بعد ما كبرت وبقت في اشد الحاجة اليه 5 . هل انت فكرت في حاجة من الحاجات اللي اتناقشنا فيها قبل كده والا كبرتدماغك ونويت على الهجرة وخلاص على فكرة انا كنت في موقفك من 4 سنين بس مكنتش رايح شرم ولا مطروح انا كنت رايح استراليا |
رد: لقد قررت الرحيل !
اقتباس:
بخصوص موضوع الرحيل ولا هروب طالما انت طلعت تعرفنى يبقى عارف انى مخنوق من اسكندرية و حياتى متلخبطة هنا و الطينة الحكاية بموضوع الامن فاحسن انى كده كفاية و بخصوص والدتى الحمدلله امى سنها متوسط و صحتها كويسة ربنا يباركلى فيها و هيا قالتلى روح و كانت اهم حاجه مباركتها للموضوع و موافقتها قبل اى شىء بخصوص الترتيب انا فعلا مظبط شغلانه هناك و بخصوص الأقامة اانا تقريبا ظبط المكان اللى هطلع فيه |
رد: لقد قررت الرحيل !
اقتباس:
يبقى ليه المشورة بقى اذا كان فيه قرار صدر عموما لو انت رايح شرم هتلاقي شغل كتير وكويس خصوصا ان الانجليزي معاك كويس يبقى هتتعلم ايطالي وروسي والماني أما لو دخلت دعم فني باعتبار ان تخصصك كمبيوتر يبقى مش محتاج اصلا غير الخبرة اللي معاك وهتلاقي اماكن كويسة وكل مكان بيشل هو موضوع الاقامة والمعيشة اكل وشرب لكن اظن الفترة دي دلوقتي نايمة قوي معاهم في الشغل |
رد: استطلاع ظريف بس مهم
اقتباس:
|
رد: لقد قررت الرحيل !
متفق معاك يا ا. شريف بس مش عشان الانفلات الامني ....
لو انت حسيت انك هتنجح اكتر لو انت في مكان اخر ...لا تردد ....وعن تجربه شخصيه انا خريج صيدله اسكندريه وعملت فيها بتاع 5 سنين وليه اقارب كتار جدااا فيها وتحديدا في الهانوفيل ولدرجه اقنعوني اني اقعد واخد شقه زي كتير منهم.... حسبتها لقيت اني عشان اقعد في الاسكندريه عايز قد عمري عشرين مره عشان اقدر افتح فيها صيدليه خاصه بي....ورجعت الي موقع الاسره والحمدلله كثيرااااا ..... |
رد: لقد قررت الرحيل !
عاوز راى الصادق
اتوكل على الله وروح المكان الجديد اولا كلها بلاد الله وارض الله ثانيا فى السفر فوائد كتير ثالثا فى مقولة دينية مش عارف بالظبط اذا كانت حديث او فقه او عقيدة او ايه مسماها بالظبط انما المقولة دى بتقول ان لو المكان ضاق بيك من الافضل انك تشد الرحال وتسافر لمكان تانى رابعا شيل التردد من جواك واعتبر نفسك فى تجربة جديده يا تنجح يا تفشل عادى جدااااااااااااا زيها زى اى تجربة فى حياتنا خامسا تفائل بالتغيير والتجديد وماتخفش منه واقبل على المكان الجديد بقلب وصدر مفتوح ملحوظة اذا قررت خلاص السفر يبقى فكر صح وخطط صح بيعيد عن اى ضغوط او اسباب وهميه ممكن تضغط على تفكيرك |
رد: لقد قررت الرحيل !
طيب و ولدتك هتسبها لوحدها وانت بتقول ان فى انفلات امنى يعنى هى فى اشد الحاجة إليك
فكر ألف مرة قبل ما تاخد الخطوة دى وبلاش كل حاجة نفكر فى نفسنا على حساب أهلنا أنا عارف انك رايح شرم مش المانيا مثلا بس بردو هتبعد عنها و فى الاول و الاخر استخير ربنا و ربنا يوفقك GIFT4U |
| الساعة الآن 06:05 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017