مصر موتورز مجتمع السيارات - دليل الاعطال و الاصلاحات للفيرنا

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

- - دليل الاعطال و الاصلاحات للفيرنا (https://www.masrmotors.com/vb/showthread.php?t=2420)

رد: دليل الاعطال و الاصلاحات للفيرنا

اقتباس:

المشاركة الأصلية كتبت بواسطة حسين خليل (المشاركة 274518)

انا معايا سيارة فيرنا بصراحه انا ندمان انى اشتريت العربيه دى بارغم انى شاريها زيرو فى شهر 4 سنة 2008 بس يريتنى اشتريت لانوس للاسباب التاليه 1 - العربيه عزل الموتور فيها سفر وصوت موتورها وحش جدا وعالى مقارنة باللانوس - حتى صوت حركة الفتيس يعنى صوت التروس باينه جدا ف الغيارات وبرده الزفت الشكمان اللى مدلدل وكبير جدا ع العربيه وحتى القفييزات اللى ماسكا الشكمان جلد وبيمط مع الإستخدام حتى ف تشغيل المرش والله العظيم بحس بحركة الشكمان المدلدل تحت ف العربية *فى واحد هيرد ويقولى بس موتورها 1600 يغور دا ماتور حعمل ايه ب 1600 دا العربيه بعد ال 120 بتعوم وبدردر واساسا المفروض الموتورده ماينفعش ع عربيه زىالفيرنا خفيفه كدة **** بصراحة ياجماعه خليكو ف اللانوس ياف الأفيوا نفس السعر تقريبا وشكر اخوكم ( حسين انورخليل ) تاجرومستورد مستلزمات كمبيوتر

فعلا حضرتك مبالغ جدا في الكلام ده هو من ناحية الشكمان انا متفق معاك لكن بالنسبة للعزل وصوت النقلات في الفتيس انا غير متفق معاك بالمره صوت الفتيس عندي عمري ما سمعته يا راجل يا طيب انا ماشي بالعربية 160 مقلتش كيلو لمسافة 200 كيلو وعمر العربية ما عامت مني

وصوت الماتور عندي مبسمعهوش الا بعد ال 130 كيلو

انتا حضرتك متاكد ان صوت ماتور الفيرنا اعلي من صوت ماتور الانوس ؟ وان الافيو احسن من الفيرنا ؟؟؟؟؟

انا بجد مستغرب من كل كلمة حضرتك قولتها

اقتباس:

المشاركة الأصلية كتبت بواسطة shtaher2368 (المشاركة 275310)

بالامس شممت رائحة بنزين شديدة, فتحت الكبوت لم أجد شئ غير طبيعى , دورت السيارة وجدت خرطوم البنزين الموجود بصدر السيارة بينقط بنزين كتير , ذهبت ألى ميكانيكى أعرفة قال لى أن الخرطوم دة قطعة واحدة ولايمكن تغييرة وندور على واحد أستيراد أحسن , لفينا على تجار المستورد ولم أجدة المهم ذهبت ألى توكيل هىونداى المعتمد بالسويس ,قالوا لى أنة لايمكن تغيير الخرطوم اللى بينقط ولكن بيتم تغيير قطعة كاملة تشمل خراطيم الداخل والراجع كلها من عند تانك البنزين حتى الموتور وهذة القطعة بالتركيب ثمنها 467 جنية مصري ولخطورة الموقف أضطررت لتغيرها + فلتر بنزىن 44 جنية مصري أى ان التكلفة 511 جنية بالتمام والكامل , صحيح المعاملة بالتوكيل محترمة جدا وهناك المهندس محمد رجل مؤدب ومحترم جدا , ولكن هذة القطعة فعلا مصنوعة بغباء شديد جدا كلها قطع خراطيم مكبوسة ببعضها ولا ىمكن فك أى قطعة منها , يعنى خرطوم يتخرم تضطر تدفع 500 جنية وأنت واقف لأن دة بنزين وحاجة خطر جدا .....عموما حسبي الله ونعم الوكيل , على فكرة السيارة تخص والدى والرجل بالمعاش يعنى العملية مش ناقصة .....هل فى حد مر بهذة التجربة سابقا مع الفيرنا

انا عمري ما سمعت المشكلة ديه مع حد قبل كدا اكيد في حاجه حصلت عندك لان الخراطيم محميه اساسا فا اذاي تتخرم

علي العموم متزعلش نفسك وربنا يعوضك خير ان شاء الله وممكن تكون فادت حاجه اكبر

رد: دليل الاعطال و الاصلاحات للفيرنا

طيب انا حسين اللى كتبت قبل كده عن الفيرنا طيب حللىالمشكله دى 1- مافيش اى حاجه تقلل من صوت الموتور وكذالك اى حل للشكمان دى ضرورى وبورك فيكم لأنىوالله اناتعبت من موضوع الشكمان ده مش ممكن يتغير وتبقى العلبه بتاعته اصفر شويا

رد: دليل الاعطال و الاصلاحات للفيرنا

اقتباس:

المشاركة الأصلية كتبت بواسطة حسين خليل (المشاركة 276037)

يا استاذ حسين انا عن نفسي معايا الفيرنا موديل 2009 ومفيش مشكله ليا مع صوت الماتور لانه غير مسموع بالمره الا بعد سرعة 130 ببتدي احس ان في ماتور

وبالنسبة للشكمان امره سهل جدا تجيبلك ديفيل شكله شيك وهيكون اصغر بكتير من الشكمان المنيل بتاع الفيرنا ده وهتختفي معاك مشكلة الشكمان وكمان هتريح الماتور وهيبقي للعربية صوت رياضي جميل

ومش هيكلفك كتير في حدود 150 جنيه و 50 جنيه مصنعية

وممكن لو العربية مضايقك في الوطي بتاعها تجيبلها عاليات كاوتش وتخلي واحد عفشجي كويس يركبهم هيظبطلك العربية ويعليهالك من 5 الي 10 سم بس الثبات معاك هيقل علي الطرق السريعة

رد: دليل الاعطال و الاصلاحات للفيرنا

لو سمحتم يا جماعة انا معايا فيرنا 2010 عايز اعليها هل ده هيقصر علي العفشة او علي العلب ولو عايز اعليها اهليها عند مين علما انا من سكان فيصل وهل لو عليتها لازم اجنط علشان اعيد التوازن ؟؟

رد: دليل الاعطال و الاصلاحات للفيرنا

اقتباس:

المشاركة الأصلية كتبت بواسطة حسين خليل (المشاركة 276037)

ياستاذ حسين في علبة شكمان جديدة عند ابو اليزيد شكلها جميل وحجمها اصغر بكتير من الموجودة في العربية ولو بصيت على العربية من ورا مش هاتشوفها اصلا سعرها 350 جنيه بالتركيب والضمان
اما موضوع صوت الموتور دة انا مش عارف ايه الحل فيه انا كمان مضايق منه جدا