المشاركة الأصلية كتبت بواسطة فادى (المشاركة 30902)

الاخوان و الحكومة كلهم وجهان لعملة واحدة,
هو مين اللى سايب الاعلام و الجوامع و الجامعات للاخوان مش النظام الحاكم؟
طب ايه الهدف من ده؟
عشان نرجع فى النهاية و نقول اهو الحكومة أحسن من الاخوان,
الناس بتخاف من الاخوان, مش الأقباط فقط (معظمهم يعتقد ان الاخوان سوف يذبحوهم ذبحا اذا وصلوا الى الحكم), بل عدد كبير من المسلمين المعتدلين, و أعتقد انهم الأغلبية.
ده بالاضافة الى فزع القوى الخارجية من وقوع مصر فى براثن الراديكالية المتشددة مثلما حدث فى ايران.
الحكومة تستخدم فزاعة الاخوان داخليا و خارجيا لكى تبرر وجودها,
لو قلتلهم ليه بتزوروا الانتخابات هيقولولك يعنى تحب الاخوان يحكموا و يموتوا الأقباط و يقعدوا الستات فى البيوت و يشنوا الحرب على دول العالم كله؟!
برا لما يقولولهم ليه مفيش ديموقراطية, يقولولهم يعنى نسيب الاخوان يحكموا و يعلنوا الحرب على اسرائيل و يدمروا المنطقة بأسرها!
ببساطة الاخوان يعطلون الديموقراطية, و النظام يستخدمهم كفزاعة يبرر بها وجوده, و لكى تظل هذه الفزاعة صالحة للاستخدام, فانها يجب ان تكون قوية و لكن فى حدود معينة حتى لا تتوحش و تقضى على النظام نفسه, و هو الخط الرفيع الذى تسير عليه الحكومة المصرية, بذكاء بالغ و اتقان منقطع النظير!