مصر موتورز مجتمع السيارات - متوسط اسعار المستعمل هذا الاسبوع

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - متوسط اسعار المستعمل هذا الاسبوع (https://www.masrmotors.com/vb/showthread.php?t=6189)

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة massoud (المشاركة 180498)

دكتورنا العزيز لى احد الاصدقاء ذهب الى سوق مدينة نصر الجمعة الماضية وشاهد سيارة لانوس 2001 دواخل رشة جانبين عاملة 120000كم تكييف بور فقط اتباعت ب43.5 قهل هذا سعرها ام مبالغ فية لاننى ناوى اجيب نفس الموديل ونفس الامكانيات

طبعا مبالغ فيه
تساوى 40000

رد: متوسط اسعار المستعمل هذا الاسبوع

مساء الفل يا ريس حضرتك انا كنت ساتلك على الريجاتا من اربع ايام و قولتلى سعر انا مش لاقية حضرتك حددلى العربية الجيدة اللى مش محتاجة مصاريف ب 18 17 الف و المكيفة منها على 19 20 الف مش محتاجة مصاريف بردة بالنسبة للسعر دة الاقية فين اللى معاة عربية مش محتاجة مصاريف فعلا بيبعها على 22 23 الف و مش بينزل اصلا بيكتب 25 ولا 24500 و بينزل بسيط جدا السعر اللى حضرتك ذكرتهولى دة حضرتك الاقية فين انا دورت فى كل السايتات على النت كونتاكت كار و مصر كار و كل السايتات المعروفة التانية مش لاقى الكلام دة !!!!!!!!!!!
انا شايف ان الاسعار فى الاسكندرية فى كل العربيات ارخص من القاهرة بشويتين تنصحنى انزل اسكندرية و اشترى من هناك يمكن الاقى افضل و هل ينفع احولها لملاكى القاهرة عند الشراء ؟؟؟؟؟؟

رد: متوسط اسعار المستعمل هذا الاسبوع

دكتور تامر هاخذ رايك فى موضوع نقل توكيل ميتسوبيشى ممكن يؤثر على سعر اللانسر الجيده يعنى ممكن التوكيل الجديد يعمل تخفيض على السيارات بمناسبه انه خد التوكيل وبتالى هيؤثر على سعر المستعمل ؟؟؟ و لا ده احتمال بعيد

رد: متوسط اسعار المستعمل هذا الاسبوع

بصراحة انا بردوا مش لاقى الاسعار دى فى اى مكان وده سبب انى لم اشترى لحد دلوقتى اقل حاجة بلاقى ازيد من اللى هنا ب 2000 جنيه واقوله لا دى مش سعرها ويكون حد تبعى هوه اللى جايبة يقولى مفيش اسعار اللى انت بتقول عليها ودايما فى كلمة بيقولها لى اللى قالك السعر ده خليه يجبلك عربية هوه

واقولة خلاص مش عاوزها و اقول محدش هيرضى يشتريها بقى ما هوه غالى واتابع اخبار العربية الاقيها اتباعت مفيش كام يوم وزى ما صاحبها كان عاوز او اقل ب 500 جنيه ولا حاجة

مش عارف العيب فين
فى اللى بيبيع واللى بيشتروا منه على السعر ده

ولا العيب هنا

ولا العيب فيا انا

رد: متوسط اسعار المستعمل هذا الاسبوع

ولوخلصت اللانوس ال2001 اللى قلت لحضرتك عليها على 38 الف ايه راى حضرتك ارجو افادتى لانى ناويه اشترى خلاص وهل اللون يفرق فى السعر ولاده كلام فاضى لان العربيه لونها زيتى وحد قالى ان اللون ده لا بيتباع ولا بيتشرى يعنى مش اللى هو ولو قدامى اكسنت مو2006 تكييف بس ومغيره شنطه وعامله 200 الف كيلو برضه على 38 الف وهى عربيه نظيفه اجيب ايه دلنى على الافضل جزاك الله خير