مصر موتورز مجتمع السيارات - مخطط تصفيه الثوره ,,

في ناس لما انتخبت السيسي متصورة ان دا المارد اللى هيطلع من المصباح السحري ويحللها كل مشاكلها
ولما توقعاتهم نزلت في الارض بيشتموا ويلعنوا السيسي واليوم اللى تولى فيه الرئاسة
لأ واللى يغيظك انهم بيترحموا على أيام حسنى مبارك وبيمهدوا وبينشروا من دلوقتى ان جمال مبارك هو الرئيس المقبل وهيكون المرشح الاول للرئاسة القادمة
عزيزي المواطن بمسي عليك وبقولك :
الرئيس عبد الفتاح السيسى رئيس دولة مش كبير العيلة عندكو ، حسنى مبارك كحاكم ورئيس سابق له ماله وعليه ما عليه
لأن من العدل والانصاف خاصة ان كنا نتحدث عن رئيس دولة أن نذكر إيجابيات وسلبيات فترة حكمه ... لأن دا تاريخ
لكن مش الانصاف والعدل ان لما تلاقي مشاكلك ماتحلتش تدعي على السيسي وتشتم فيه وتبقى ندمان قوي انك انتخبته ... بأمارة المشاريع القومية والبنية التحتية اللى عملها ، بأمارة المصداقية والشفافية والمصارحة اللى بيتبعها مع الشعب ، بأمارة الجيش اللى أعاد تسليحه وغير منظومة الامن القومي ، بأمارة التواضع وكرم الاخلاق اللى بيعامل بيها أسر الشهداء والفقراء وذوي الحاجة (وبالمناسبة حسنى مبارك عمره ماعملها لا هو ولا طنط سوزان)
في حاجة مهمة كمان يمكن سيادتك نسيتها .. حضرتك مريت بثورة خربت البلد وأشاعت الفوضى ولكنها كشفت الغطاء عن فساد وانحطاط دام لسنوات عديدة يااللى بتتحسر على سعر الدولار اللى كان بخمسة جنيه وكيلو القوطة اللى بجنيه وعمرنا مااشتكينا ان في نقص من الزيت والسكر
فكرتنى صحيح هو مين اللى عالج الشعب المصري من ڤيروس c بعد ماكنا مصنفين ثاني دولة على مستوى العالم في من قبل هيئة ومنظمة الصحة العالمية
هو مين اللى اللى عمل سكن لمحدودي الدخل علشان يتخلص من العشوائيات اللى ياما حسب الله الكفرواي حذر وقال عليها أيام عمو حسنى وسماها القنبلة الموقوتة ..
الرئيس عبد الفتاح السيسي عملك أمان اجتماعي لو مش واخد بالك يبقى تشوف دكتور ضروري وماتستهونش بحالتك
علشان لما المواطن المحدود الدخل يلاقي ابسط حقوقه الانسانية (السكن ، واصلاح منظومة الصحة ، ومشروعات تطلب ناس للعمل علشان يقضي على البطالة ) دا اسمه أمان اجتماعي لحضرتك ياللى عايش في مناطق متوسطة ودخلك لايقل عن خمس وعشر آلاف في الشهر .. افهم دي كويس
واخيرا ... احب اقولك في أوربا والدول المتقدمة الدولة مالهاش علاقة اطلاقا بالسياحة ، بمنظومة الخدمات
دا شغل المجالس المحلية واخد بالك
عزيزي المواطن
منقوووووووووول