مصر موتورز مجتمع السيارات - اسئله المبتدئين ..عفوا ممنوع الفتى :)))

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - اسئله المبتدئين ..عفوا ممنوع الفتى :))) (https://www.masrmotors.com/vb/showthread.php?t=50341)

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة m.elhasafy (المشاركة 390875)

أنا عندى إجابة سؤال حضرتك ماسألتيهوش!..
أفضل طريقة تشغيل للمحافظة على التكييف هى:
بداية التشغيل بعد تسخين العربية و نختار أول درجة فى التبريد لفترة ثم ممكن نزودها تدريجياً بمعنى لا نبدأ التشغيل بأعلى درجة كما يفعل معظم الناس
فى الحر الشديد نحاول تركيب ستائر خلفية و جانبية أو نفيم العربية تفييم خفيف علشان نساعد التكييف إنه يقوم بعمله
لا نترك العربية مركونة فى الشمس بدون شماسة أمامية و خلفية و عند الركوب و التسخين و بداية تشغيل التكييف ... نفتح النوافذ دقيقتين علشان نطرد الهواء الساخن ثم بعد ذلك نغلقهم بإحكام ... ده بيخفف على التكييف و بيسرع الإحساس بتأثيره
أتمنى أكون أفدت الجميع

- الكلام دة فية اضافة ممتازة لكيفية الحفاظ واطارلة عمر مكيف السيارة

رد: اسئله المبتدئين ..عفوا ممنوع الفتى :)))

- فية حاجة بخصوص الجر الامامى والدفع الخلفى
- قديما ً كان الشائع ان الدفع الخلفى افضل من الجر الامامى وكان بسبب
* عدم توفر قطع الغيار خصوصا ً الكبالن وكان اغلب الموجود استيراد ويتم توليفة
* الانطباع بأن الدفع الخلفى اقوى من الجر الامامى خصوصا ً فى المطالع مع الحمل
* كانت الصنايعية كل شغلها على الدفع الخلفى وبالتالى يفهموا فية اكثر
- ولكن حديثا ً نجد :-
* اغلب السيارات الحديثة ان لم تكن جميعها على كبالن
* توفر الكبالن وببدائل كثيرة عند اقرب تاجر ( فكبالن الفيرنا بالتوكيل بـ 5500 او يذيد وهى بالعمود اما خارج التوكيل فهى بـ 450 جنية وبدون العمود لانة فالغالب لا يحتاج الى تغيير )
* طبعا ً الكبالن تعطى الحركة مباشرة من الموتور للعجل دون وسيط يهدر الوقت والمجهود
* التخلص من الدوشة الناتجة من عمود كرنك وكرونة وزيت بينقط و كثير من المشاكل
* سابقاً كنت تسمع صوت ونة وتحتار هل هى من الكرونة ولا عمود الكرنك ام من اجزاء الدفع الخلفى
** وبالتالى فالافضلية حاليا ً ( فى السيارات الصغيرة ) ان تكون على كبالن
- ماذكرتة هو من واقع تجارب شخصية وانا لست متخصص

رد: اسئله المبتدئين ..عفوا ممنوع الفتى :)))

النهارده العربيه كانت مكدسه ماشاء الله علشان كده مسبتش مطب محكتش فيه :hd:

مع انى واخداه على الاول وانا نازله من المطب بدى سنه فرامل بس برضه حكت

وحاولت اخده على 4 عجلات فشلت العمليه وكمان كان حواليا عربيات كتير يعنى كنا 3 عربيات على المطب فقلت حكه احسن ما اخبط حد
ياريت بقى حد يقولى ازاى اخد مطب على 4 عجلات ؟؟ لان المطبات فى مصر مش بالعرض دى بالطوووووووول :F_14WA~16[1]:

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة poussi (المشاركة 391602)

- بداية يفضل عدم استخدام الفرامل على المطب نهائيا ً
- فلو فرض انى داخل على مطب سواء مسرع او بطيىء فيفضل الضغط على الفرامل - مع تأمين الخلف بالمرايات - وترك الفرامل بمجرد الوصول للمطب
- لان العربية بتكون مكبوسة لاسفل ومنخفضة نتيجة كبس المساعدين وتكون عرضة للاحتكاك من اسفل او مع وجود حمل بيكون خطر على المساعدين
- اما موضوع انى اخذ المطب ب 4 عجلات فأن كانالمقصود
* انى اخذ المطب بزاوية حوالى 45 درجة سواء يمين او يسار حسب الطريق ان كان يسمح وفيها
** بفرض انى هأخذ المطب ناحية اليسار فقبل المطب مباشرة اكسر العجل يسار واصعد على المطب بالعجلة اليمين امام ثم الشمال امام ثم اليمين خلف ثم اليسار خلف
* عموما علشان تبقى الامور ابسط مجرد انى ادخل عالمطب ليس عمودى علية كلة دة بيحصل طبيعى
* وانا بعمل كدة بالعربية الفيرنا لانها منخفضة
- وعموما ً فالغالب اللى بيحك من اسفل اما الشكمان او يوجد ما يشبة السيفين بطول العربية
- الاخطر من المطب هو وجود طوبة كبيرة اسفل السيارة

رد: اسئله المبتدئين ..عفوا ممنوع الفتى :)))

ما المشكله لو مدوستش فرامل بعد ما اول عجلتينى يعدوا المطب العربيه بتنزل جامد على المطب وبتبقى حكه صعبه ؟؟

طب حكه الشكمان دى فيه منها مشكله ؟؟ انا لما كشفت على العربيه فى التوكيل قالى ان فيه حكه فى الشكمان بس الصاج سليم