|
رد: زمالكاوي ولا أهلاوي ولا مالكش فيها؟
اقتباس:
بص يا ميدو أنا زمالكاوي آه ومتعصب آه بس أنا شايف ان التعصب بمعناه الصح مش عيب أبدا المعنى الغلط للتعصب اني أنا كزمالكاوي أعاملك انت كأهلاوي من منظور انك عدو لي انما لما يبقى الموضوع في اطار منافسة وانت تشجع فرقتك وأنا أشجع فرقتي من غير ما حد منا يسئ للآخر أعتقد ان ده يبقى أجمل تعصب........وهي دي متعة الكورة مش علشان كتبت البوست ده بالطريقة دي يبقى أنا كده متعصب بالمعنى السئ لأ طبعا أنا كتبته على سبيل الدعابة لا غير وكتبته كمان بالطريقة دي علشان استفز كل أهلاوي أو زمالكاوي يخش التوبك انه يشارك برأيه زي ما حضرتك عملت بالظبط دي حركات كده بنعملها بينا وبين بعض لكن طبعا عمري ما هسمح ان علاقتي تسوء مع واحد أعرفه أو زميل ليا في المنتدى علشان خاطر الكورة مثلا ......... انت طبعا معذور لأنك ماتعرفنيش كويس تقبل تحياتي أخي الغالي..... |
رد: زمالكاوي ولا أهلاوي ولا مالكش فيها؟
اقتباس:
لو من جهة التعصب أنا أضمن لك ان المشاركات حتكون أبعد ما يكون عن ذلك والموضوع أولا وأخيرا في ايدنا طول ما في نقاش يبقى حنعرف نعدل ونوجه الناس للطريق الصح اقتباس:
قصدك ايه بالشكل التاني.....مش فاهمptmnlo123per1127 |
رد: زمالكاوي ولا أهلاوي ولا مالكش فيها؟
اقتباس:
أحترم جدا رأيك يا باشمهندس و على فكرة مش رياء والله لكن حضرتك فعلا من الناس هنا في المنتدى اللي بحب اقرأ مشاركاتهم مش عايز أظهر بصورة المدافع عن الفكرة علشان ما حدش مثلا يتصور اني صاحب مصلحة أو واحد بيحب يجادل وخلاص علشان يمشي رأيه ياريت بس تسمحولي أرد على الجزئية دي موضوع ان المنتدى للسيارات وان الفكرة دي ممكن تحوله لمنتدى عام...... أنا كنت عايز أقول ان المنتدى اسمه مصر موتورز ..... منتدى السيارات المصري يعني بالتأكيد أي حد حيعمل اشتراك في المنتدى حيكون بغرض الاستفادة في مجال السيارات وبالتالي أي حد عايز يتكلم في الكورة برضه حيشترك في منتدى للكورة لكن اللي قصدته بالفكرة دي ان أنا ما حرمش عضو هنا في المنتدى انه يعبر عن رأيه في المجال اللي هو بيحبه ولتكن كرة القدم مثلا ....... ايه المانع؟ زي مثلا ما أي عضو هنا بيعمل توبك سياسي فهو أكيد بيعمله لنفس السبب تشعب المواضيع وتعدد مجالات النقاش في المنتدى بتقويه مش بتضعفه مش بس كده لأ دي كمان بتزيد من تمسك الأعضاء بالمنتدى وبتزود ارتباطهم ببعض ومن هنا يجي نجاح المنتدى مش لازم أبقى زي صاحبي الناجح علشان أنجح ..... ممكن برضه أبقى مختلف عنه تماما وأنجح |
رد: زمالكاوي ولا أهلاوي ولا مالكش فيها؟
[quote=dr.darsh;36161]بص يا باشا
لو من جهة التعصب أنا أضمن لك ان المشاركات حتكون أبعد ما يكون عن ذلك والموضوع أولا وأخيرا في ايدنا طول ما في نقاش يبقى حنعرف نعدل ونوجه الناس للطريق الصح يا صباح الورد و الفل يا دكتور (احمر و ابيض يعنى) :) أولا انا بشكرك على الفكرة مرة تانية و اكيد يا باشا انت بتتكلم عن مشاركاتك انت لأن دى الوحيدة اللى انت تقدر تضمنها و تبقى تحت مسئوليتك ,,, انما اكيد ماتضمنش باقى الاعضاء مشاركاتهم هتبقى عاملة ازاى (مع احترامى لجميع اعضاء المنتدى اخوانى و اصدقائى) لكن انا ليا اصحاب كتير متعصبين و بجد كان بيتخانقوا كتير جدا و بيتنرفذوا على بعض من غير لازمة (مع احترام الصداقة طبعا و عدم الخروج عن اللائق من الافعال) هما فى الاخر بردو اصحاب و حبايب بس بيخلقوا جو من التوتر مالوش لازمة.. و اعتقد ان الجو ده مش هيبقى محبب لأعضاء المنتدى و انا اولهم ..... على فكرة انا اهلاوى برده بس مش متابع قوى زى الاستاذ اسلام جلال و تقبل مرورى يا اخى العزيز و لك منى كل الاحترام و التقدير و جميع اخوانى بالمنتدى |
رد: زمالكاوي ولا أهلاوي ولا مالكش فيها؟
بلاش أحسن
مش عارف ليه موضوع التعصب للأندية بياخد اكبر من حجمه وبيعمل مشاكل فى المجتمع ؟ صحيح انا بكون مبسوط لما فريقى بيكسب وبزعل شوية لما يخسر لكن بدون تعصب ونرفزة وخناق ( فى الاخر هناخد ايه ؟؟؟) لما اللعيبه بتاخد ملايين هيدونا منها حاجه ؟؟ لأ طبعا لما المنتخب كسب بطولة افريقيا مرتين ورا بعض - حد مننا كسب حاجه او الشعب المقهور حد اداله رغيفين عيش ببلاش مثلا ؟؟ برده لأ ماحصلش . يبقى ليه التعصب --- على فكرة انا بحب من وقت للأخر اشاهد المباريات فى الاستاد بس لما تكون مباريات دوليه للمنتخب او لفريقى الذى اشجعه ، لأن فى هذه الماتشات بيكون الجمهور كله على قلب رجل واحد . تحياتى |
رد: زمالكاوي ولا أهلاوي ولا مالكش فيها؟
اقتباس:
بس انا عاوز اقول ان المنتدى كتير فيه الفروع وكل هذا بغرض الفايده الاعضاء لكن فتح قسم للكره ما الفايده التى يقدمها الاعضاء ؟؟؟ بل بلعكس سوف يجلب المشاكل وانت سيد العارفين هههههههه تقبل تحياتى ptmnlo123per122 |
رد: زمالكاوي ولا أهلاوي ولا مالكش فيها؟
اقتباس:
شكراً د/ درش انا فعلاً مش متعصب وبشجع الكورة الحلوة بس انا شعرت من كلامك انك متعصب جداً وده على رأى بعض الأعضاء حيزعل الناس من بعضها ومن اجل ذلك انا لا اوافق على الفكرة وخلينا حبايب أحسن |
| الساعة الآن 11:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017