مصر موتورز مجتمع السيارات - الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

اقتباس:

المشاركة الأصلية كتبت بواسطة walidelwahsh (المشاركة 688985)

الثريا دي خاصية لازم تكون موجودة عند الاتنين المرسل والمستقبل

ازاي مرسي كان معاه محمول ثريا يا باشا بقى وهو في السجن
ولا دا كان مع اللي هربه؟!!!!!!!!!!
يبقى دي مصيبة اكبر
ولا ايه؟؟؟؟؟؟؟؟؟؟؟؟؟؟؟؟؟

بالطبع لا
الثريا ليست خاصية لكنه نوع من الاتصال عن طريق القمر الصناعى ومعظم تلك الأجهزة يمكنها استخدام شريحة الموبايل أيضا فى حالة وجود تغطية أو امكانية الغاء تلك الميزه.
بالضبط مثل لما تقوم بالإتصال بتليفون أرضى من الموبايل
هل يلزم تليفون ارضى آخر للإتصال؟
الثريا يمكنه الإتصال بأى تليفون آخر سواء ثريا أو موبايل أو أرضى فى أى مكان فى العالم

أما موضوع كان معاه تليفون ثريا، بالطبع لا أحد يعلم ذلك ولكن الإحتمال الأقرب أن قام أحد معارفه بتزويده به بعد الخروج من السجن
وعلى فكره معظم نزلاء طره من النظام المخلوع يستخدمون الثريا حتى لايمكن التصنت عليهم
وديه معلومات مؤكده

رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

اقتباس:

المشاركة الأصلية كتبت بواسطة mohamed maarouf (المشاركة 688995)

ربنا يهديك ...اقرا كويس واقعد مع ناس اكبر منك و ياريت لو فعلا تعرف ظابط قوات مسلحه اقعد معاه عشان اللي في مخك ده حيضيع وطنيتك وما اعتقدش ان انا او حد تاني يقدر بسهوله يغير من غسل المخ اللي حصلك ده ..
معلش اسال الحاج والدك مصر اللي حاربت اسرائيل كان حيلتها ايه ومين كان واقف ورا اسرائيل ...

المشكلة اللي بنعاني وهنعاني منها عدم الانتماء
6 ابليس بقالها فترة عمالة تخرب دماغ الناس بفيديوهات تخللي الناس تكره الجيش
منه لله مبارك اللي عمل موضوع تأجيل 3 سنين وبعديها اعفاء من الجيش للمؤهلات العليا
لو الشباب دا كان دخل الجيش كان قدر وعرف وفهم
ربنا يهديهم قبل فوات الاوان

رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

عبد الحكيم جمال عبد الناصر : الفريق كان مسؤول السعادة الزوجية في نظام مبارك الفاسد ..

أرجو أن يكف أحمد شفيق عن الكلام وعن الظهور فى الإعلام لأنه وزير ورئيس وزراء فاسد أخرجه لنا نظام فاسد هو نظام مبارك
وليت شفيق لا يضطرنى أن أنجرف إلى الحديث عن تاريخه القريب وهو يعلم أننى لو تحدثت سيغضب ويخجل
ولن يستطيع أن يسير فى الشارع ويكفى أنه كان مسؤول السعادة الزوجية فى نظام مبارك الفاسد.

المصدر:- http://al-mashhad.com/Articles/87622.aspx

رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

قالت الدكتورة هدى جمال عبد الناصر، نجلة الرئيس الراحل جمال عبد الناصر، إن التمسك بفكر جمال عبد الناصر ليس معناه تكرار ما قام به عبد الناصر، ولكن هناك ثوابت من بينها أنه كان ضد الدولة الدينية وضد استغلال الدين فى السياسة.

وأضافت هدى عبد الناصر فى اتصال هاتفى ببرنامج "ناس بوك"، مساء اليوم الأحد، لو كان حمدين صباحى والناصريين متمسكين بفكر جمال عبد الناصر كانوا هيتمسكوا بالدولة المدنية، ولا يتخذوا موقفهم هذا من جولة الإعادة، ففكر عبد الناصر لم يكن جامدًا وإنما كان متغيرًا وفقًا للأوضاع المحيطة.

تابعت: "كنت أفضل تشكيل محكمة ثورية لمبارك ونظامه بعد الثورة نفسها، ولا يمكن أن تعاد المحاكمة مرة أخرى، لأنه لا يمكن أن نضيع سنة ونصف السنة جديدة، ازدادت فيها الأزمة الاقتصادية التى يعانى منها الشعب بشكل كبير".

وتعليقا على تأييدها للفريق أحمد شفيق، مرشحًا رئاسيًا فى جولة الإعادة بالانتخابات الرئاسية، قالت: "أنا أمام وضع بين اختيار مرشح مدنى ومرشح دينى، فمن أجل الوحدة الوطنية ومن أجل الحفاظ على الدولة المدنية سأختار الفريق أحمد شفيق، وأنا لا أعرفه من قبل، ويجب أن نختار الشرفاء من النظام السابق".

وبررت نجلة الرئيس الراحل، موقفها بأنه يجب أن تستعيد مصر وضعها دوليًا وإفريقيًا، وأنه من غير المعقول أن يضيع وقت أو طاقة جدد فى انتظار إعادة محاكمة مبارك ونظامه.

وأكدت هدى عبد الناصر خلال حديثها أن الجميع يريد المستقبل، وأن الضمانات كلها موجودة ويجب أن تسير السفينة.

وأشارت إلى أن الأصوات الباطلة لن يكون لها تأثير على نتيجة الانتخابات، وستكون مجرد سطر ينزل بالصحف لن يلتفت إليه أحد.

منقول

رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

رجاء من السادة الاعضاء المحترمين المحافظة على لغة الحوار فيما بينهم واحترام اراء الاخرين بدون تعصب لا داعى له وكل شخص حر فى اختياره دون التعدى على حرية الاخرين او الحجر على ارائهم
كذلك عدم دخول الدين فى مثل هذه النقاشات او تفسيره من اشخاص غير مؤهلين او ربطه مع هذه الاحداث ... تقبلوا تحياتى جميعاROSE4U

رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

والله انا مستغرب من الناس اللي بتقول شفيق رئيس ..., طب ازاي , حاجة من اتنين ملهاش تالت ان الناس دة عندها خلل في الفطرة أو انهم كانوا منتفعين من نظام مبارك الفاسد وخايفين علي السبوبة , راجل قتل الثوار وهرب اموال البلد ومتهم بأهدار المال العام والشعب رفضة في الميدان ولسة في ناس بتقول اصل هيبقي كويس المرة دة طب ازاي نعيد نفس التجربة بنفس عناصرها ونقول المرة دة هتكون النتيجة مختلفة !!!!!! شفيق اللي مش عارف يرد علي اي سؤال من المحاورين واجاباتة كلها عايمة وغير محددة وتحس انة بيتكلم بالشوكة والسكينة وعاش في برج عاجي , يعرف اية دة عن الفقراء ومشاكلهم وهمومهم
الناس اللي مش عاجبها الاخوان لما تسالة لية تجد ان كل اجاباتة مبنية علي الافتراض ومبنية علي المستقبل . يقولك اصلهم هيعملوا كذا وكذا , طب انت شوفت دة يقولك لأ بس سمعت , يعني بيحكم قبل ما يشوف .
طب ما يا عم نعطيهم الفرصة ونشوف ونجرب , ما احنا بقالنا 30 سنة قمع وفساد واهمال , نجرب 4 سنين ونشوف , وخصوصا الناس دة عندها فكر وخطط وإلا ماكانوش قدروا يخدوا هذة الاصوات وكمان استمروا 82 سنة في العمل السياسي رغم الاقصاء والاعتقال اللي مارسة المخلوع ضدهم
من الاخر الشعب المصري بيحب يعيش في الاشاعات اللي بيطلعها اصحاب المصالح المتعارضة , يقولك الاخوان هتكوش , يا سيدي خليها تكوش , برضوا هما اربع سنين وهنقلبهم لو مش عاجبنا , انما اعيد نظام مبارك واقول يمكن المرة دة يبقي كويس .

رد: الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

اقتباس:

المشاركة الأصلية كتبت بواسطة fourseasons (المشاركة 688148)

من اعطى لشفيق صوته ؟

اعطاه كل صاحب مصنع او شركه اغلقت بسبب الاعتصامات وقطع الطرق !
اعطاه كل مريض اوطالب لم يتمكن من الذهاب او تعثر في الرجوع بسبب المليونات الغير مبررة !
اعطاه كل صاحب محل اغلق لمجرد ان حظه سئ وكان يقطن بوسط البلد !
اعطاه كل ام لم تتمكن من زياره اهلها او قضاء طلباتها لان الاعتصامات لم تراعى حرمه شوارع او بيوت
اعطاه كل من ازعجه حوار الشباب وتهكمهم على الكبار واستخفافهم و سبابهم باقذر الالفاظ لمن يخالفهم الرأي !
اعطاه كل من فقد الثقه في الشخصيات العامه من الاعلامين الذين كانوا يتقاضوا الملايين بسبب متاجرتهم بالام البسطاء !
اعطاه كل شاب كان امله في فرصه عمل وتعثرت بسبب خوف صاحب العمل مما ستؤل اليه الامور !
اعطاه كل من يعرف جيدا تاريخ الاخوان الدموي وحاضرهم الكاذب في مجلسي الشعب والشورى !
اعطاه كل من يعرف ان الخبرة والدراما السياسيه والوقوف في المظاهرات ربما تصنع زعيما ولكن لا تصنع رئيسا !
اعطاه كل من يفرق بين القادر على تحقيق البرنامج وبين من يتفوه بالاحلام دون سابق انجاز !
اعطاه كل اب وكل ام يريدون الاستقرار للبلد !
اعطاه كل من ايقن ان الرئيس القادم يجب ان يشبه الكثيرين من الوسطيين في الدين دون مغالاه !
اعطاه الاقباط الذين احبو الحياه المدنيه ويسعون للديموقراطيه بعدما هرعو من الفكر المتطرف ومن احلو دمائهم وسرقه محلاتهم وممن يريدونهم دافعين جزيه !
أعطاه كل من اهينوا لعدم مشاركتهم في التحرير لا نشغالهم بايام اللجان الشعبيه وبعدها اصبح يتساوى الشهيد بالبلطجي !
اعطاه كل من لم يهين الجيش والمؤسسه العسكريه التى ظهرت في ايام الثورة وانتشرت لتطمئن الناس على بيوتهم وارواحهم !
اعطاه من لم يجدوا مبرر للهجوم على الداخليه وحرق امن الدوله والتعدي على رجال الشرطه والاقسام !
اعطاه من وجدوا الاستهتار بهيبه الدوله الى ان وصل الهجوم على وزارة الدفاع !
اعطاه كل من عرف من سيحقق له ما يطمح من استقرار وعمل وحياه !

انا واحد من ال فاتوا دول و فى بند واحد او بندين وللعلم انا عمرى ما كان ليا فى السياسة ولا غيروا ولا كان حد بيعبى و يديلى فى جيبى.انا الحمد لله شقيت من اول ما اتخرجت لحد دلوقتى و شيلت زبالة و اشتغلت كل حاجه شريفة و مقولتش لا.مع انى بحكم شهادتى مهندس والحمد لله شغال بشهادتى دلوقتى بس بعد تعب سنين.مش لازم تلاقى حد ياخد بأيدك لاكن ادعى ربنا وربنا ان شاء الله حيكرمك

اخى الفاضل اريد التعليق على اخر سطور وليس ما تم نقله فحضرتك تعبت والله كلنا تعبنا ولكن الفارق ان حضرتك لا تريد ضياع تعب السنين واكتفيت بما وصلت اليه وتريد الحفاظ عليه ولك حق ولك حق فى اختيار شفيق ولكن الفارق هنا اننا لا نريد شفيق ونضحى بكل تعب السنين حتى لا تشقى اولادنا او اخوننا فى مصر ويذوقوا مثل ما ذقنا فحضرتك اوضحت لنا شريحة كبيرة من المجتمع انها لا تريد ان تضحى وتريد ان تعيش يومها حتى وان عاد مبارك الى الحكم
ولا اقصد الاساءة اليك فيما سبق ولكن لا تجملوا شفيق او تضعوا فى مكان ليس مكانه انه ليس من العدل او الانصاف اختاروا ما شئتم وسيحاسبنا الله على اختيارا جميعا واخيرا ان الرزق بيد الله من رزقنا هو وحده القادر على ان يعوضنا