رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

السلام عليكم:
عربيتى النترا 2012 ABS 2 airbags automatic 15 " rims
العربيه داخل المدينه بالتكييف بتعمل 180 فى الصفيحه
كاوتش الفابرقه سئ للغايه و العربيه بتزحف به لذلك غيرته عند 35 الف
علبه الدركسيون عند عيون القطط بتسمع فيها صوت خفيف بعد مراجعه التوكيل اكثلر من مره الدركسيون اصبح اثقل و لم يتوقف الصوت
يا ريت حد يقوللى الحاجات دى عنده و لا ايه العربيه عامله 38000 كم

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

لحسن بغبائهم يكونوا ربطوا على علبة الدركسيون زيادة عن اللزوم

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

هو فعلا فى عيب فى الكوبلن اليمين ؟ !

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

طيب ايه الحل و ايه الاضرار المتوقعه؟كمان عندى مشكله العربيه بتعمل 150 فى الصفيحه داخل المدينه و 200 على طريق زى العين السخنه 120 اقصى سرعه مع التكييف فى جميع الحالات ....يا ريت تقوللى اعمل ايه و اوجهههم ازاى فى التوكيل

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

بص هو فى احتمالين
يا هما معملوش حاجة اساسا ............ و ممكن لو جت لك فرصة مع زميل لك او قريب معاه نفس الالنترا تجرب تقل الدركسيون
يا اما زيى ما بقول يكونوا زودوا عزم الربط على العلبة مخالفا للعزم الموصى به و ديى بقى ليها حل ظريف مع التوكيل ........ انك تروح لعفشجى شاطر و فى ناس خبرتهم احسن من التوكيل ......... هو مش حيلعب فى حاجة هو بس حتسمعه الصوت او توصفله الصوت و هو يكشف على العربية و يعرف السبب و لو كانت مقارنتك بعربية شبهها و طلعت عربيتك دركسيونها اتقل فعلا قوله هل ممكن يكونوا عملوا كدا ؟ و لو كانت العربيتين زيى بعض يبقى متقلقش و خليه بس يعرف سبب الصوت و تروحلهم التوكيل و تقولوهم على اللى فيها كدا وش

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

السلام عليكم
اشكر حضرتك على اهتمامك اولا
و اليك ما حدث ذهبت لعمل صيانه 40 الف......خلصوا الصيانه و قالوا علبه دركسيون رحت لهم تانى الجمعه النهارده علشان عايزين العربيه بدرى
و قالوا انهم غيروا العلبه
النتيجه لازال الصوت موجود و لا زال الدركسيون تقيل بعد ما مشيت ب 10 كم كنت متاكد تمام من ده انتظرت 40 كم كمان و كلمتهم قاللى احنا غيرنا العلبه....قلت انا عارف لكن العيبين موجودين قاللى مر على الثلاثاء القادم نشوفها تانى!!!!

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

معلش انا من خبرتى مع غبور فهو من اكثر التوكيلات حرصا على اصلاح العربية
بس برضه الخبرة تفرق
انا لو مكانك اروح زيى ما قولتلك لعفشجى مخضرم للكشف فقط
اصل ممكن يكون عيب الصوت مش من العلبة نفسها و عيب التقل يا من طريقة ربط العلبة يا من ماتور الباور نفسه او حاجة تانية فى منظومة التوجيه
و يا ريت لو جت فرصة تقارن التقل بعربية تانية
فمش حتخسر حاجة انك تاخد رأى العفشجى