|
رد: المختصر المفيد في الإلانترا الجديد
على الكلام دا
تبقى العربيات الصيني صفقة رابحة بكل المقاييس DDFG ربنا يخللينا الصينيين يارب :CHUBBY~36: |
رد: المختصر المفيد في الإلانترا الجديد
اقتباس:
المهم مانسيبش حد يشتغلنا يعني عربيه صيني فيها ABS وسعرها أقل من الإلانترا بمبلغ كبير.... لاتعليق |
رد: المختصر المفيد في الإلانترا الجديد
اقتباس:
لكن بردة يا كبير موش معنى ان الوكيل فى مصر بينزله بمواصفات اقل تحكم على الالنترا او الهونداى انها وحشه لا وبنظرة موضوعية عربيات اثتت مكانتها فى السوق والدليل الانتشار فضلا عن التجربة حتى الفيرنا اللى بتقول عليها اقل شئ عربية حمالة اسية واثبت جدراتها ومن نظرى تفوقت على عربيات فى فئتها السعرية واعلى منها كمان وعلى فكرة انا مع الوكيل فى حزئية انو يشيل مواصفات كتير موجودة فى العربية الكورى لان من الاخر لو حصل عطل فيها حتلاقى الوكيل نفسه موش هيعرف يصلحها ؟؟؟؟ ده يا راجل يا طيب اتفرج على العربيات الالمانى ولا الفرنساوى نادر لما تلاقى ميكانيكى بيفهم فيها ووالله كان واحد اعرفه عنده عربية رينو والله الميكانيكى معرفش بتغير لها زيت منين ههههه دول بقى اللى يصلح حاجة بالمواصفات دى لو عطلت ،،، فالوكيل بيحاول يخليها انها تناسب مصر وعلى العموم الاختلاف فى الراى لا يفسد للود قضية :loveu::loveu::loveu: |
رد: المختصر المفيد في الإلانترا الجديد
اقتباس:
هرد على كل جزئيه ان شاء الله أولا: انا حكمي إنها وحشه كان مبني على الاساس السعري وعلى اللي هاخده منها يعني أنا ماقولتش انها هتعطل في المطر مثلا, بس الفكره ليه ماكونش شايف غيرها مع ان السوق فيه في نفس رينج السعر حاجات تضربها في الكماليات والفخامه والثبات, وتقريبا في كل حاجه ثانيا: جزئية الانتشار دي احنا اللي صنعناها عشان اتعودنا على الاشاعات وبيقوللك وأنا سمعت, لكن حكم منطقي أو علمي مافيش ثالثا: الكماليات مالهاش علاقه بان الوكيل يصلح أو مايصلحش لأن الحاجات اللي هو شايلها اصلا مش شغاله بالنووي ولا احنا طلبنا موتور هيدروجيني فتّاك مش هيعرف يصلحه... (ده غير ان عيب قوي نقول ان الوكيل مش هيعرف يعمل حاجه أيا كانت هي ايه) يعني ايه اللي ممكن يبوظ والتوكيل مايعرفش يعمله في الاتي (ديسكات فرامل ورا, شاشة اللمس, بلوتوث وكروز كنترول في الدريكسيون, مرايات تعتيم أوتو) كل الكلام ده مش هيعطل اصلا عشان يتصلح بالنسبه للموتور ال GDI اللي هيونداي مش منزلاه هنا في مصر فالوكيل برضه ماجابوش عشان يوفر تمنه من الشركه الام في كوريا وطلب موتور MPI عادي لأنه عارف انه كده كده هيبيع وكده كده الناس هتشتري في حين ان الموتور ال GDI نازل في كيا هنا في مصر وأكيد وكيل كيا هيعمله الصيانه برضه لا سحر ولا شعوذه:CHUBBY~36: رابعا: ثقافة ان احنا نروح بالعربيه للميكانيكي (ايا كانت) ويفضل يفتي ويحرق ويبوظ فيها دي أظن انها انتهت العربيات بتنزل ب (جدول صيانه) فيه ايه يتغير وايه يتشيك كل كام ألف كيلو وبالتالي باي باي للميكانيكيه وانا بصراحه شايف ان اي حد معاه عربيه فوق ال 100 ألف حرام عليه يوديها لميكانيكي إدي العيش لخبازه المشكله ان الميكانيكيه تلات ارباعهم بيتعلموا في العربيات اللي بتجيهم يعني يبوظ في كام عربيه كدا لحد اما يبقى متمكن وعموما ما اظنش ان في حد هيدفع 160 ألف جنيه ويستخسر الصيانه فجزئية ان الوكيل بيجيب اللي بيناسب مصر او خايف على الشعب وقلبه عليهم دي برضه خرافه احنا عملناها وصدقناها زي كل الخزعبلات اللي للأسف احنا بنعملها بايدينا الوكيل همّه أرباحه وبس في سوق إشاعات وناس بتشتري العربيات بالشكل للأسف وأخيرا الاختلاف في الرأي لا يفسد للود قضيه وده الكلام اللي انا قلته في الاول وطلبت من اي حد يخالفني في الرأي يقوللي هو ليه شايف انها تستاهل 160 ألف جنيه مش حد يقوللي هي كويسه وخلاص وسعدت بالنقاش مع حضرتك وان شاء الله ماتكونش آخر مره:CHUBBY~36: |
رد: المختصر المفيد في الإلانترا الجديد
اقتباس:
|
رد: المختصر المفيد في الإلانترا الجديد
السلام عليكم جميعا و كل سنة و أنتم طيبين أتفق كثيرا كثيرا مع أ/abdulkhaleq من ناحية اننا المفروض نعرف حقوقنا كويس جدا و من ناحية تانية شايف أن الالنترا كويسة جدا بس مش بالسعر ده نهاااااااائي دي سرقة و الاكسنت الاربي كمان ازاي اشتري فئة أقل بسعر أعلي و كمان في عيب خطيييير و أهم من الفرامل سواء في الاكسنت أو الالنترا و هو التعليق الخلفي التوشين بم ده أنتهي تقريبا أحنا بنرجع للخلف يعني الفيرنا و الالنترا القديمة يبقوا دبل لنك و ملتي لنك و بعدين توشين بم طب ازاااااااااي ؟؟؟؟؟؟ و شايف أن فيه حل بسيط أننا نعمل مقارنة عملية و منطقية مع فئة أقل و في رأيي أنها أحسن بكتيييييييييير و هي الفلوانس و تقريبا لو حتي في نفس السعر او الفلوانس أغلي ب 10 آلاف يبقي المقارنة ظالمة فما بالك أنها الأرخص ؟؟؟؟؟ اديني عقلك و في النهاية تحياتي للجميع مع أحترامي لآرائكوا و نقدكوا :CHUBBY~36: |
رد: المختصر المفيد في الإلانترا الجديد
شوفوا يا رجالة انا جربت اليابانى والاوربى والكورى وحتى والله الصينى nononono يعنى من فوق وانتااااااا نازل على راى اعلان الشيفرولية الدبابة ههه الصراحة ومن وجهة نظرى ماحترمتش الا اليابانى والكورى بجميع فئاتهاللى ابتدا يتفوق على اليابانى ويتخطاه بمراااااااااحل :Bravo: وحتى لو كان سعرهم مبالغ فيه لان العربيات ده زى حتة الدهب حافظه قيمتها :1336: ومعمولة لمصر وطبيعتها ودى وجهه نظرى وتقبلوا عظيم تحياتى وكل سنة وانتم طيبين
|
| الساعة الآن 04:27 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017