رد: انقذوا الناس من الــ M11
 

رد: انقذوا الناس من الــ M11
 

كان الله فى عونك يا اخى بصراحة السيارة دى خازوق مغرى انا اشتريتها لكن تيجو 1600 نفس المشاكل سيارة ضعيفة خاصة لو معك 4 افراد بالسيارة تكون محتاج جرباج بتاع العربجى تضرب به الموتور حتى يجرى الغرابة ان بعض الناس بتقول ان الموتور يابانى متسوبيشى طبعا تخلف طب اركب متسوبيش وبلاش بهدلة وحكاية الفنيين فى التوكيل دى حكاية تانية معرفش جايين من اى خرابة لا يفهموا الا فى تغيير الزيت والفلتر وسوف تجد السيارة متسخة من الداخل بالشحم

رد: انقذوا الناس من الــ M11
 

انا معايا الM11 من سنة تقريبا والحمد لله لم اواجه فيها مشاكل لغاية تاريخ 29/12/2012 كنت ف فرع الصيانة تكنو سيرفيس 2 جسر السويس ش ثلاجة الزهراء لصيانة ال15000 وبصراحة الناس كانت مقابلتهم جيدة وانا كنت اشتكيت لهم انى لاحظت نقص طفيف ف الزيت خلال ال6 شهور الاخيرة فقالوا ان فيه ترشيح ف الكرتير سببه ربط عدد2 وردة طبة زيت ف آخر غيار فقلت ان آخر غيار كان ف مركز صيانة الكيلو 32 مصر اسكندرية الصحراوى فراجعوا الحاسب ووجدوا ان كلامى صحيح وقالو لازم ترجع عليهم لان كدة ان ح تتضر تغير الكرتير ولو احنا ح نغيره ح يكون على حسابك. واتصلت بمركز الكيلو 32 فحاولوا التنصل من المسؤلية وقالوا ان السبب هو مركز المختار اوتو اللى عمل صيانة ال1000 فتقدمت بشكوى للمركز الرئيسى ولم اجد رد حتى تاريخه . وعشان كدة ارجو من اى حد يعرف عنوان الشركة ف الصين وانا اتقدم لهم بشكوى وانا متأكد انهم ح يحلوا المشكلة لان الناس دى تعرف معنى خدمة ما بعد البيع فعلا.

رد: انقذوا الناس من الــ M11
 

رد: انقذوا الناس من الــ M11
 

:121155~191::121155~191:: 121155~191::121155~191:
بسم الله الرحمن الرحيم
مبدئيا اسم الموضوع لازم يتغير
ثانيا انا عمري ما شركت في المنتدي كنت بستفيد منه الصراحه بس
ثالثا نخش في الموضوع العربيه معايا موديل 2010 انا من الناس اللي اشترت العربيه وهيا حطه ايديها علي قلباها لان العربيه كانت تعتبر جديده في سوق بردو الحمدلله ربنا اكرمني بيها فعلا مش هنكر ان كان فيها بعض المشاكل البسيطه لكن بعد ما ظهرت حلتها زي طرمبة الميه استهلاك البنزين وكلام ده غيرت طرمبه الميه بطرمبه تانيه والبنزين مشيت علي خطوات هنا في المنتدي والحمدلله فادتني في البنزين ا وبعدين الشاب اللي انت كلمتو مبدئيا مهمل نقول ليه العربيه علي كلامك موديل السنه وبيحط بنزين 80 يعني خرج من ضمان اساسا بيصلح عربيتو اللي هيا زيروو عند كهربائي وكمان عايش في الخليج وبخيل وبيحط تمانين طب منين الكلام ده كله وعايز عربيته تبقي كويسه مشكلتنا اننا نكون مهملين في الحاجه ولما يحصل حاجه نرميها علي الوكيل او السياره انت بتعيب في عربيه يا اما شالتني واقسم بالله لا الفرنا ولا الانوس يجو جمبها حاجه وده عن تجربه ممكن تحس ان ماتورهم عفي شويه بس الماتور العاقي مش كل حاجه العربيه علي سعرها كويس ولا غالي ولا رخيص عشان في حجات تعبها مثلا مستوي جودة الخامات الداخليه ضعيف لكن ده شئ ما يخوفش العربيه فيها حجات تعوض فا انصحك ان تستهدي بالله وتجرب العربيه وبعد كده احكم ومتعتمدش علي كلام واحد وتغير اسم الموضوع عشان انت كده بترمي العربيه بالباطل وبتقطع اكل عيش ناس بكلام عن اكاذيب من واحد مهمل وبتخوف الناس من شراء عربيه هتنفعهم بدل ما يرمي فلوسوه في فرنا ولا لوجان ولا لانوس انا مش بقلل من قيمتهم بس ان ركبتهم قبل ما اشتري لاني كنت واقع في حيره بينها وبين الانوس والفيرنا ولقيت انها كشكل خارجي احلي بكتير كامستوي عربيه علي طريق هيا قطع الغيار موجوده اكيد مش زي الانوس والفيرنا بس بتلقيها ربنا يكرمك باللي احسن منها انشالله علي العموم راجع نفسك كده هتلاقي ان اسم الموضوع هيخوف ناس كتير علي الفاضي غايروه ربنا يكرمك

رد: انقذوا الناس من الــ M11
 

كلام حضرتك مضبوط انا معايا العربية 2013 ممتازة مش هاقول غير كدة مش علشان انا مالكها لا عن اقتناع انا اولا مكنتش ركبتها ولا شفتها غير علي النت انما لما شفتها ف المصرية توريل عجبتني جدا وذاد اعجابي بيها لما استلمتها تاني يوم انا بس عايز الي يتكلم عن عربية ميكنش متحيز لعربية تانية او مركبش العربية دي من اساسة وانا بقرأ المواضيع كل الي يقول انا سمعت انا واحد جاري جابها ياجماعة الي يحكم علي العربية هو صاحبها او من ركبها وجري بيها وشاف عيوبها قبل مميزاتها والاخ بتاع 4×4 سمع من واحد عند كهربائي وبيحط 80 يعني من البداهه كدة عربية زي دي تحط 80 لية طب محنا عارفين مشاكل 80 اية ف العربيات الحديثة وبعدين السيارة بالمحافظة حافظت عليها عاشت معاك انمت هاتعمل عنتر بن شداد علي عربيتك علشان تسابق واحد معاة عربية موديل تاني وتدبحها علشان تبين لة انك الافضل طب دة هايؤثر علي عربيتك هو لو كل واحد التزم بصيانة عربيتة او محافظة عليها ومشي بما يرضي اللة العربية هاتعيش معاة زي الفل واللة انا مكنتش حاطط العربية دي اطلاقا ف حساباتي بعد 3 شهور من اللف والدوران علي النت معجبتنيش اي عربية بنفس الفئة السعرية الا لما شفت دي وجربتها بنفسي وحكاية البطيخ والشمام الي العربيات الصيني بتقاس بية محدش فينا ينكر اد اية الصين مبدعة تقليد مش تقليد انما بتجيبلك عربية زي الفل بمبلغ زهيد لكن مشكلتنا ف الوكيل وتقفيلاتة من الاخر وعلشان الاطالة السيارة دي واللة مش تحيز دي مصفحة ماشية علي الارض جرب عفشتها كدة علي طريق يكون ناعم ونظيف وطبعا قليل عندنا ف مصر الطرق دي هاتحس انك مش راكب عربية خالص وخاصة لو قافل الزجاج ودة مش تحيز لعربيتي لكن بأمانة بعد تجربة

رد: انقذوا الناس من الــ M11
 

العربية ماشاء الله محترمة والى يقول عليها غير كدة يبقى مجربهاش او قرفتها كانت وحشة معاه ودى بتحصل فى كل العربيات حتى الفئة الاعلى بكتيير , انا احد ملاك السيارة وبعترف بكدة ماشاء الله صاج قوى وتحدى علو عن الارض ثبات عالى بتجربة صديق عاش فى الامارات وركب كل السيارات الفارهه وكمان فرامل محترمة بالاضافة الى الاوبشن والكماليات الى هيا اخر حاجة ممكن اتكلم عنها فيها , يعيبها التقفيل المصرى وجودة بعض الخامات ودة بشكل نسبى مش كبير وظاهر وبالنسبة لسعرها بعتبرها افضل السيارات فى فئتها وبلا منازع

دى وجهة نظري كمالك ليها والله على ماقول شهيد