مصر موتورز مجتمع السيارات - الفرق بين اسبرانزا ولانسر

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - الفرق بين اسبرانزا ولانسر (https://www.masrmotors.com/vb/showthread.php?t=5252)

رد: الفرق بين اسبرانزا ولانسر

انا لسه داخل على الموقع اليوم وقرأت اراء الجميع عن اسبرانزا والحقيقة انها سيارة فخمة وسعرها مناسب وانا شخصيا اقول هذا الكلام عن تجربة لمدة 3 سنوات للموديل 516 و113 وانصح بشرائها دون تردد اوخوف

رد: الفرق بين اسبرانزا ولانسر

حسن رد لان مفيش حد حيقول كلام صح غير الاركب العربية وعلى فكرة انا ركب516 من ثلاث سنين والحمد اللة زى الفل وعلى فكرة كل الا بيكتب كلام عن العربية اتحدى لوواحد عندة هو بيسمع كلام الناس زى اول ما طلع الكورى

رد: الفرق بين اسبرانزا ولانسر

اللى بيقول ان الاسبرانزا سحبها ضعيف اما لم يركبها او مابيعرفشى يسوقها

رد: الفرق بين اسبرانزا ولانسر

بس ياباشا
انا جوز اختي عنده لانسر 2008 سوبر اكشن واوتوماتك
وانا عندي الام 11
الفرق بين الاتنين وبين a113 , 516
الام 11 اتقل واثبت و عمرها ما تعوم
الانسر بتعوم علي 150
113 بتعوم علي 110
ال516 بتعوم علي 140
516 والانسر من حيث الاستيل من جوا واااااااحد
اما الام 11 ففيها اختلاف هي و 113 و كلها ازواق
عفشه الانسر انعم وتشبه جدا 516و عفشه الام 11 خشنه بس كعمر الاتنين واحد
بالنسبهه للسحب
الاسبرانزا تنقل النقله علي عداد الار بي ام يعدي 4
اما الانسر يعدي 2و نصف
ودي ملحوظه مهمه جدا
وعلي فكره الاسبرانزا الام 11 تكسب الانسر بمراحل في السحب و التسارع
اما الانسر تكسب علي 113 و 516
بالنسبه للموتور
الاسبرانزا الماني
الانسر ياباني
الساج واحد بس الاسبرانزا الام 11 اقواهم لان فيها دعامات
بالنسبه للبور 516 انعمهم وافضل من الانسر
نصيحه و عن تجربه الاسبرانزا تكسب
وشوف احتياجك و امكانياتك
اما لو انت من الشخصيات الي بتحب المنظره
خليك ورا الاسماء
لو عملي
هات اسبرانزا
وبالتوفيق يارب

رد: الفرق بين اسبرانزا ولانسر

الأسبرانزا m11
ستكون منافس شرس للسيارات الكورى الى ثمنها معدى 80 الف
وان شاء الله هتكون احسن عربيه فى مصر

رد: الفرق بين اسبرانزا ولانسر

السلام عليكم
دى اول مشاركة لى فى هذا المنتدى الرائع
اود الاحاطة باننى كانت لدى عدة سيارات اخرها الوزة ( a 516)
بروتون واجا ولانسر 1600 واكتافيا A4 واحدة بعد الاخرى وقد ممرت بضائقة مالية ولم يتوفر سوى 50 الف اشتريت بهم الوزة موديل 2007 مستعملة والصراحة كنت مرعوب وانا بشتريها من كلام الناس على الصينى ولكن ..... الحمد لله عربية رائعة جدا ما عدا بعض الملاحظات المقبولة ( على فكرة الموتور من النمسا وليس المانيا وقوته 117 حصان ) ولكن المساعدين ناشفين وبرضه الحل موجود غيرتهم بمساعدين لانسر 1600واصبحت السيارة مثالية مع تغيير الكاوتش الى مقاس 205 العريض ثبات فى السرعات العالية مع تكييف ثلاجة وقطع غيار رخيصة ومتوفرة وابشن عالى ومحترم بصراحة احلى سيارة فى هذه الفئة وللحديث بقية طالما فى العمر بقية
ورمضان كريم

رد: الفرق بين اسبرانزا ولانسر

اخوانى الكرام

اسمجوا لى احول الحوار الساخن دا لشكل ايجابى شوية بمعنى انة ينبنى علية عمل

انا بصراحة عندى عربية لانسر كريستالة 98 أوتوماتيك

العربية حلو وكل حاجة بس زيها زى أى عربية بقالها 12 سنة بتحتاج كل شوية زيارة للصنيعية

دا غير ان سحبها للبنزين كتير شوية لانها اوتوماتيك

المهم بفكر أبيعها وأجمع أد خمسين ألف وأجيب a113جديدة
على اعتبار انها هتكون عربية جديدة سحبها للبنزين قليل
وفى نفس الوقت على الاقل خالص هفضل سنتين تلاتة - انشاء اللة- من غير دوشة الصنيعية دى

باختصار أنا أريد أن أعرف أيهما أفضل

لانسر كريستالة موديل98

أم اسبيرانزا a113 موديل السنة

أفيدونى وجزاكم اللة خيرا