|
رد: إلى أخوتى ( حازم خضر وفادى )
من الآخر
يا أخ : فادى مينفعش ريس فى أى مكان ويبقى عايش ( بدون أن يتعايش مع مشاكل من يرأسهم ) على فرض عدم علمه ( كما تدعى بأنه لم يكن يعلم مايدور فى المنظومه التى يشرف على رئاستها ) ____________ أمال يبقى إسمه ريس إزاى |
رد: إلى أخوتى ( حازم خضر وفادى )
مبارك و جميع من في ظله صنعوا دولة داخل الدولة - دولة مخابراتها امن الدولة ( لحمايتها من اعداء الوطن المحيطين به و هم شعب مصر ) و جيشها الامن المركزي لحماية حدودها من اعداءها المحيطين بها و المتربصين بها الا و هو الشعب المصري ايضا - دولة اضطرتها الظروف و عداء المحيطين بها من الشعب المصري الى الاستقواء بامريكا و اسرائيل و طلب الدعم المعنوي و العسكري و السياسي منهم!
دولة تحكمها الاهواء و المصالح و البيزنس - دولة مقرها في شرم الشيخ و سكن اعضاءها في جولف القطامية و مارينا - دولة تتكون من بضع مئات من الافراد و تمتلك ثروة 85 مليون فرد - دولة افرادها يتعجبون لماذا يكرههم جيرانهم على الحدود و يحقدون عليهم تقوم هذه الدولة بالقاء الفتات بما يكفي لاعاشة جيرانهم لتركهم و شأنهم من الاخر مبارك كان رئيس عصابة - بس مكنش مخضرم - كان رئيس عصابة غبي - اعضاء عصابة بيضحكوا عليه و بيعملوا مصالح من ورا ضهره -- رئيس عصابة ذو شخصية ضعيفة و مراته بتتحكم فيه - رئيس عصابة كانت جل اهتماماته تحقيق مصالح شخصية تتمثل في استقرار حكمه و سيطرته التامة على مقاليد الحكم و الطاعة العمياء لطلبات مراته و اولاده ! انا تعبت! انا لو بحكم مصر من 30 سنه - كان زماني خليتها احسن من امريكا نفسها - و برضه كنت عملت مبلغ محترم - بحوش مرتبي بالكامل لان الاكل و الشرب و الفسح و السفر كله ببلاش |
رد: إلى أخوتى ( حازم خضر وفادى )
علشان كده انا من اشد المعارضين لاحمد شفيق و عمرو موسى و رايي ان مكانهم السجن مش معترك السياسة الحالي - ده لو احنا عايزين مستقبل سياسي نظيف مش عفن و نجس
|
رد: إلى أخوتى ( حازم خضر وفادى )
اقتباس:
:010104~171: اقتباس:
قول أصرف نص مرتبى فى الأكل والشرب والذى منه والباقى أشيله للزمن لأن الواحد برضه لازم ياكل من كد يده مش من قوت الشعب ____________ بالنسبه للسفر فده عادى تشيل تكاليفه ميزانية الدوله لأنه تبع العمل |
رد: إلى أخوتى ( حازم خضر وفادى )
يا هندسه - دا الاكل كان بيجيلوا يوميا فريش من مزارع اورجانيس في ريف فرنسا تحت حراسة الجيش و الحرس الجمهوري و المخابرات!!! و الشرب من احسن مزارع الكرم في فرنسا و الميه حتى اللي بيستحمى بيها كانت بتيجي من ينابيع المياه في اوروبا!!!
انا واحد صاحبي كان في الجيش و حظه الهباب جه في كتيبة تأمين تابعة للرئاسة و كان بيحكيلي ماسي و متعقد!!! عموما انا قصدي ان حتى لو مكنتش سرقت او نهبت كان زماني عملت مبلغ محترم لان كل حاجة ببلاش!!! ولا انا رئيس دولة ولا حبقى رئيس دولة - لاني متزوج باجنبية و ده دليل على اني خائن ولا اصلح رئيس مصر |
رد: إلى أخوتى ( حازم خضر وفادى )
لا ياباشا
أنا فاهمك كويس أوى وياريتها كانت جات على الأكل والشرب فقط كانت هتبقى أرحم من البلاوى إللى تم أكتشافها وكانت شبه مداريه عن الشعب _____________ عموما ربنا يبعد عننا كل منصب ممكن يودينا النار ولقد صدق رسول الله (ص) حينما كان يقول فيما معناه اللهم أحينى فقيرا ....وأمتنى فقيرا وأحشرنى فى زمرة المساكين صدق رسول الله (ص) ______________ من الآخر يغور المنصب إللى ممكن يودى الواحد جهنم والعياذ بالله |
رد: إلى أخوتى ( حازم خضر وفادى )
مبدئيا سواء بعملية مدبرة او حتى صدفة ...رغم اني مؤمن بان كل شيئ يساق بقدر مكتوب ومعلوم اوله واخرة
مبارك لم يصن الامانة اللي كانت في ايده مبارك لم يحمد لله على نعمة انعم بها الله علية لم يقدرها حق قدرها لم يراعيها دا لو واحد بيزرع بصلة في كوباية ولم يراعيها حتموت هو زي ماكان بيقول كان اكتر املة ان يكون سفيرا في دولة اجنبية عشان يرتاح في اخر ايام عملة ربنا ادالة بلد بحالها يسوى ايه الان نظرة الناس لية هو نفسة نظرتة لنفسة ايه دلوقتي لما كل شيئ حتى هو حققة سواء بتعب او جهد بس النهاية كانت مهينة بالشكل المزري دا من منا لايتمنى الجاة والسلطان والقدرة والتحكم في البلاد والعباد بس قليل اوي من يتقى الله فيما رزقة الله ياتري مبارك دلوقتي لما يبص وراة بيشوف ايه وادامة برضة بيشوف ايه هل احس بالخزي والعار والندم على ما ضيعة ولا برضة عندة كبر وتعالى بان الناس دي ماتستحقنيش وانا ياما عملت وسويت بس دي ناس واطية ماتستحقش اللي عملتة عشانهم(دا من وجهة نظره) هل ياترى لسة مش حاسس باللي حصل انا مرة كنت باتفرج على حوار لية في قناة العربية بعد انتخابات الرئاسة 2005 اخر سؤال موجه اليه ...انت راضي عن نفسك؟ رد بكل براءة وثقة ودون تردد...طبعا....كنت حاتنقط الراجل دا عارف اللي حاصل ولا عايش في ملكوت تاني...مش عارف معقولة دا انا اعترف مرة تانية اني كنت متعاطف جدا في الاول معاة بشكل كبير وكنت اتضايق لما اشوف حد يغلط فية...دا هو مش عارف وهو انضحك علية..وووووووو حجج كتيرة كنت باضحك بيها على نفسي بس الحق لأ...ظهر حاجات مروعه ...لا مش ممكن مايكونش عارف ولو عارف تبقى مصيبة ولو مش عارف تبقة كارثة ان الحاكم مش حاكم بجد..دا منظر...دا واجهه بس....والايادي الخفية تلعب في الظلام من تحت لتحت... دلوقتي بقول نفسي الراجل دا يطلع يتحاكم يقول اي حاجة الابهام اللي احنا فية دا مش صح...كل شيئ مجهول ماحدش عارف حاجة |
| الساعة الآن 10:02 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017