مصر موتورز مجتمع السيارات - جمارك السيارات لحد إمتى هنفضل ساكتين

مصر موتورز مجتمع السيارات (https://www.masrmotors.com/vb/index.php)

- جمارك السيارات (https://www.masrmotors.com/vb/forumdisplay.php?f=140)

- - جمارك السيارات لحد إمتى هنفضل ساكتين (https://www.masrmotors.com/vb/showthread.php?t=46350)

رد: لحد إمتى هنفضل ساكتين.

اقتباس:

المشاركة الأصلية كتبت بواسطة تامين سيارات (المشاركة 403416)

تفتكر ان العربيات دى مش هاتتباع كلها هاتتباع لازم تكثيف اعلامى بجد و صوتنا يوصل حقيقى مش كلام و بس

حضرتك لاتعلم كميه السيارات المخزنه لدى طارق اسماعيل وغبور......اما عن الاعلام وصوتنا يوصل.....فالحمد لله ابتدى يوصل للمسؤلين...

رد: لحد إمتى هنفضل ساكتين.

جميل اووووى يارب نتحرك خطوة بس عاوزين حملة على مستوى مصر و قناة فضائية تتبنى الموضوع

رد: لحد إمتى هنفضل ساكتين.

أنا شخصيا رافض فكرة النزول للشارع لتوصيل الصوت لأني معترض على إنى إلى عايز يجيب رغيف عيش بدل مايقف في الطابور يقولك ناخد الطابور ونروح ميدان التحرير وهما هيجيبولنا العيش لحد عندنا.
إذا كان فيه من دلوقتي ناس بتقول هنقعد نحرق في دمنا ليه ويجيلنا الضغط والسكر ويستسهلوا النزول للتحرير لأنه الطريق الأسهل يبقى معلش إحنا الي مش عايزين ناخد الطريق الصح أو الطويل وبنستسهل ومانفرقش أي حاجة عن كتير من الإعتصامات الفئوية الي بتحصل في عدد كبير من القطاعات والمؤسسات والي اصحابها فعلا صحاب حق ومظالم ومطالب مشروعة لاكن طريقة عرضها مش إنهم يسيبوا مكاتبهم وشغلهم وينزلوا يعطلوا مصلحة البلد علشان تلاتة جنيه علاوة مانزلتش.
النزول أنا مش معاكوا فيه غنما إننا نسلك القنوات المشروعة والقانونية دا بالنسبالي اول الأولويات, ولما نبقى نستنفذ كل السبل المشروعة والقانونية سااعتها بس نبقى ممكن ننظم مسيرة وتكون بموافقة الجهات المختصة وننزل الشارع ولو ماتوافقشي عليها نحاول نوصل صوتنا لجهات العلام المسموعة أو القروءة.
عموما إحنا لسة في مرحلة التفكير وحشد راي وتكوين وجهات نظر ياريت مانستعجلشي لأني كل حاجة وليها ترتيب طبعا.

رد: لحد إمتى هنفضل ساكتين.

اقتباس:

المشاركة الأصلية كتبت بواسطة dr_eslam_66 (المشاركة 409487)

و هل تعتقد انهم هايسمعو كلامنا و يحققو امنيتنا اننا نركب عربيات محترمة من غير ما ندفع فى جيوبهم فلوس كتير ليها لزمة معاهم مش معانا دى حتى الشوارع زفت بصراحة كل ما الواحد يقول بلاش ننزل و مع ناى ضد النزول بس انا كمان عاوز حد يعبرنا

رد: لحد إمتى هنفضل ساكتين.

مـــــــــــــــــــــــق ـــــــــــــــــــــــــ ــــــاطـــــــــــــــــ ـــــــــعـــــــــــــــ ـــــــــــــــــــة

لكل أنواع الزيرو أيا كان سعره.
إلي معانا يرفع إيده.:Wkiss5:

رد: لحد إمتى هنفضل ساكتين.

احنا بلد الحضاره
احنا بلد العراقه
احنا :fun_broken:التاريخ
احنا البلد الوحيده اللى كل حاجه فيها بتغلى الا الانسان
تحيا جمهوريه مصر العربيه

رد: لحد إمتى هنفضل ساكتين.

اقتباس:

المشاركة الأصلية كتبت بواسطة dr_eslam_66 (المشاركة 386570)

أنا ملاحظ بسم الله ماشاء الله أعداد المشاهدات بتزيييد والمشاركات كمان والإستطلاع الفرق بيه بيتحسم يوم عن يوم.
ودا إن دل على شيء يدل على أن الي حصل في مصر مش شيء صغير دا حدث عميييق مش مجرد حركة سياسية دي كانت صحوة وإنتفاضة للشعب المصري كله.
بس لو سمحتم إذا كنتوا إخترتوا المقاطعة كوسيلة ضغط لإلغاء الجمارك حد فيكوا فكر يتعب مخه ويفكر في حزمة إجراآت وخطوات نحاول نعوض العجز الي هيحصل من إنقطاع الأموال دي الي كانت بتجبى جباية من الجمارك بإفتراض إنها دلوقتي خلاص هتخش خزانة الدولة.
إيه رأيكوا نحاول نفكر في حزمة من الإجراآت والخطوات ونعمل مشروع جاهز من مجموعة محددة من الخطوات والإجراآت المؤرخة وجدول زمني واضح يتنفذ بحذافيره علشان بعد الفترة دي وبعد تنفيذ البرنامج لا نسمع عن حاجة إسمها جمارك ولا نسمع عن حاجة إسمها دعم للمستثمر. ونلاقي عربيات مصرية موجودة في السوق بكثرة.
أ،ا هنا لا أقصد هدم صناعة التجميع أنا بقول مش ه=عايزين ندعم مستثمر إحنى عايزين ندعم صناعة وطنية أركانها موجودة والحمد لله ونقدر نقوم بيها هيا إيران كانت أحسن مننا في إيه وكلنا نعرف مستوى التصنيع الإيراني للكيا برايد مثلا (بمنتهى السوؤ) بس هما خدوا الخطوة وهينموا قدراتهم وهيوصلوا قبلينا.
وماعندهمش خطوط المعلبات الي عندنا الي بتجمع عربيات وبجودة تجميع كمان زي الزفت.
لو كان التوجه الحكومي من الأول إعطاء التسهيلات لصناعة التجميع ولكن بشرط على أن تكون لفترة محدودة حتى يستطيع المصنع من تطوير نفسه ويكون المنتج المحلي نسبته أعلى أو نقدر نقسمها لمحطات وتكنلوجيات مرحلية ياعني الأول تسهيلات لإستيراد السيرات مفككة لتجميعها في السوق المصري للمستثمر دا ولمدة 10 سنين ولو بعد ال 10 سنين ماقدرشي يدخل نسبة منتج محلي مطلوبة من وزارة الإستثمار والصناعة يتسحب منه التسهيلات وبعديها بفترة معينة تكون الخطوة الي جاية إنه يلتزم بصناعة البودي أو الشاسيه ولا يستورده أو يتسحب منه تسهلات إستيراد الأجزاء دي والخطوة الي بعدها الماتور والأجازاء الميكانيكية ووراها الإلكترونية وهكذا إنما أديله تسهلات لمالا نهاية وبغير هدف ولا سبب إلى إنه يزداد غنى هوا دا الي أنا أرفضة وبرفضة من ساعة ما عملت الموضوع.

كلامك صح يا دكتور انا معاك
لازم نطرح المشكلة معا حل ليها
والحل الى بقترحو والى هيوصل لكل المطالب هو:

1- البدء فى عملية احلال للسيارات الملاكى القديمة سواء بتوفير سيارات مجمعة محليا بسعرها الحقيقي
او استيراد السيارات المستعملة موديلات حديثة وبجمارك منخفضة
ويتمنع ترخيص السيارات القديمة تدريجيا

2- السماح بستيراد السيارات المستعملة بجمارك منخفضة ووضع قانون يفرض سيارة واحدة لكل مواطن بلغ السن القانونية .

3 - انشاء مصانع لاعادة تدوير السيارات القديمة وتحويلها لمواد خام تدخل فى صناعة سيارات جديدة

بكدة هتتحل مشكلة الجمارك :
1: الشعب هيركب عربيات حالتها جيده
2-الجمارك حصيلتها هتزيد لان العربيات الى هتدخل اكتر بكتيرمن العربيات الجديدة

هتتحل مشكلة المرور
1- تقنين ملكية اكثر من سيارة واعدام السيارات القديمة هيساعد على حل الزمة المرورية الناتجة عن السيارات القديمة واعطلها
2 - الفئة الكبيرة الى هتشترى عربيات هتنعكس على تقليل الميكروباصات السبب الاول فى ازدحام الشوارع المصرية

3- التصنيع
السيارات القديمة الى هيعاد تدويرها هتعود بخير كبير على البلد
1-هتوفر فرص للمستسمرين فى مصانع اعادة التدوير
2-هتفتح الباب لشركات عالمية عشان تعمل خطوط انتاج عندنا(ايدى عاملة و مواد خام ومناخ جيد للاستسمار بعد زوال الفساد انشاء الله)
3 - هتوفر فرص عمالة كتير جدا وهتنعش الاقتصاد

بعد كل دة ما يتحقق بأذن الله مش هنحتاج نستورد العربيات لانها هتتصنع عندنا وبتكلفة اقل ......
والعربيات الى تم استيردها هيجى علها الدور فى الاحلال وهكذا