مصر موتورز مجتمع السيارات - الآن يمكن تعديل ال516 الى أوتوماتيك

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - الآن يمكن تعديل ال516 الى أوتوماتيك (https://www.masrmotors.com/vb/showthread.php?t=45279)

رد: الآن يمكن تعديل ال516 الى أوتوماتيك

اقتباس:

المشاركة الأصلية كتبت بواسطة hzmmmk (المشاركة 386262)

هو موتور الاسبيرانزا وحش للدرجة دى
هى الناس بتسقط موتور اللنسر علشان فوت
و لو فوت... فوت على كام الف كيلو
هى لوحة العدادات ركبت بدون اى تعديل و على نفس فيش الضفيرة و سعرها كام

اخى الفاضل -اذا كنت تقصد ان موتور ال516 فوت علشان كده صاحب السيارة سقط موتور MITSUBISHI لاطبعاً ليس ذلك هو السبب.
ولكن الأخ الفاضل حب يسلك مسلك المغامرين وواضح انه شخصية مغامرة ومبتكره وهذا شىء يحسب له طبعاً --ولكن هو حابب ان تكون السيارة اوتوماتيك وهذا من فرط حبه للسيارة وربنا يباركله فيها.
ولكن ماأقصده ,وأحب ان تعرفه انه موتور ال516 وغيرها من السيارات الصينية الحالية على مستوى عالى ونتاج خبرات ---يعنى الموضوع مبقاش البعبع الصينى الفاشل لالالا--الناس دى مش بتلعب لا,الناس دى خلاص انطلقت ولن تتراجع الى الخلف ..وارجوا ان تقرأ الموضوع من اوله--بل وتقرأ كثيراً عما تفعله الصين الأن وبلاش نعيش على القشور مع احترامى لحضرتك ,انااقصد ان الأمر لم يعد مجرد اربع عجلات بلنسبه للصينيين لأنه فى خلال السنتين القادمين سوف تجبر الصين الجميع على احترام ماتنتجه من سيارات والمثل واضح...

رد: الآن يمكن تعديل ال516 الى أوتوماتيك

اقتباس:

المشاركة الأصلية كتبت بواسطة aymanlaw (المشاركة 386430)

يارب نبقا زى الصين ونصنع فسبا حتى
ونبطل نشترى زبالة الدول ونقول عليها اورجينال

رد: الآن يمكن تعديل ال516 الى أوتوماتيك

ممكن في اسبرانزا a113 وتكليف ايه

رد: الآن يمكن تعديل ال516 الى أوتوماتيك

ياريت تقول اشتريت الموتور منين وركبته فين وايه الورش الكويسه اللى تعمل كدا

رد: الآن يمكن تعديل ال516 الى أوتوماتيك

الف مبروك يا باشا . بس كنت عايز أسألك على حاجه لو تسمحلى .
موقف التعديلات دى ايه مع الضمان والتوكيل ؟؟؟؟؟؟؟؟؟؟؟
على ما انا فهمت ان موتورك كان عامل 35 الف .
وهل لو انا عايز اغير الفتيس فقط . دا ممكن ؟؟؟؟؟؟؟؟؟؟؟؟؟؟؟؟؟؟

رد: الآن يمكن تعديل ال516 الى أوتوماتيك

اقتباس:

المشاركة الأصلية كتبت بواسطة boushy-romyo (المشاركة 376564)

هقول لحضرتك حاجة هو لو في واحد عربيته موتورها لاقدر الله اتحرق أو فوت و اتعقد من الموتور ده هيجيبه تاني هو هو ؟
متهيألي هو مش مستغني عن العربية عشان يحط نفس الموتور فبيحط موتور أحسن عشان يعيش معاه.
هما في المرور مالهمش دعوة بنوع الموتور اللي راكب ايه؟ هما ليهم بس رقم الموتور وبعدين انت عندك ال BYD أصلا نازلة بموتور MITSUBISHI ومكتوبة على الموتور كمان.
وتحت أمر حضرتك في أي استفسار.

انا مع حضرتك فى موضوع ان غالبية الصينى نازل بمواتير مش بتاعتها . لكن انا سألت قبل كده فى المرور وكان اثناء تغييرى لموتور فى عربيه اسكودا وكنت عايز اركبلها موتور فيات . والمرور رفض .. وقال ان ممكن تغيير الموتور بموتور من نفس ماركة السياره ايا كان موديل السياره او فئتها . يعنى لو اوبل يبقى لازم يكون الموتور اوبل . مثلا . بصرف النظر عن نوع الموتور وفئته .
مش عارف الموقف هنا ايه ؟؟؟؟؟ هل نفس الموقف والا مختلف .
أرجو الإفاده .

رد: الآن يمكن تعديل ال516 الى أوتوماتيك

استاذ رامى كل التحيه ليك على التعديل الرائع للعربيه و ان شاء الله نتقابل فى اى مقابله قادمه فى القاهره لانى انت كبرت الموضوع فى دماغى بطريقه كبيره جدا
و ربنا يبارك ليك فى العربيه
و تحياتى لشجاعت حضرتك GIFT4U:14369D~149: