مصر موتورز مجتمع السيارات - سرعة عالية + مطب مفاجئ ... اية احسن تصرف؟؟

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - سرعة عالية + مطب مفاجئ ... اية احسن تصرف؟؟ (https://www.masrmotors.com/vb/showthread.php?t=42009)

رد: سرعة عالية + مطب مفاجئ ... اية احسن تصرف؟؟

تقطيع الفرامل يعني تدوس كذا مره بسرعه على الفرامل وبقوه وترك الفرامل قبل المطب مباشرة مع محاولة اخذ المطب بطريقه جانبيه حتى تخفض من قوة الاصتدام

وربنا يكفينا شر مفاجأت المطبات المصرية

رد: سرعة عالية + مطب مفاجئ ... اية احسن تصرف؟؟

حصلت معاية مرتين في شارع الجامعة وانا جاي من ميدان الجيزة الصبح بدري الساعة 6

كنت ماشي بسرعة على أساس ان الدنيا فاضية ومفيش ناس وكدة
وفجاءة اتفاجئ بمطب رخم جدا في النص ، سرعتي كانت حوالي 80
(فرنا 2006)
دوست فرامل بقوة تقريبا 8/10 عشان خفت العربية تتزحلق قبل المطب

وشلت رجلي من الفرامل قبل المطب على طول ، بس برضو اكلت المطب

بعدها بحاجة بسيطة اتفاجئت بحفرة غبية جدا لبست فيها برضو

كانت اول مرة لي امشي في شارع الجامعة

رد: سرعة عالية + مطب مفاجئ ... اية احسن تصرف؟؟

اقتباس:

المشاركة الأصلية كتبت بواسطة samirayad (المشاركة 305536)

نعم

الأفضل الواحد ياكل المطب على سرعه قليله

ممكن يهدىء فقط فور لمس المطب أو ملاحظته الفجائيه للمطب

ولا يستعمل الفرامل بعنف

علشان يحافظ على عدم تعرض السياره للأنقلاب وعمل حادث ( لاقدر الله )

وخصوصا لو كانت السياره مزوده بفرامل مدعومه ب ABS

____________________

يعنى بالبلدى

تاكل المطب والعجل مش مكلبش برضه

لسه فيه الروح وبيلف

لعدم أستطاعتك التامه فى تحديد نقطات التوقف الدقيقه

فى هذه الآثناء

__________

كفايه أثر الخضه على الواحد مننا

فمش حيعرف المخ يركز فعلا فى اللحظات دى

ولو حصل كلبشه بين عالى وواطى

ممكن تنقلب العربيه

اول مره اعرف المعلومات دى عن المطب المفاجىء

اقتباس:

المشاركة الأصلية كتبت بواسطة د.كمال (المشاركة 305988)

من كتر المطبات والحفر اللى فى البلد الواحد لاهو عارف يلحق يضرب فرامل ولاهو عارف يلحق يشوف المطب وان فاديت المطب تلاقى حفره وان فرملت قبل الحفره اللى وراك يلبس فيك ...............خربانه خربانه

والله عندك حق يا دكتور

اقتباس:

المشاركة الأصلية كتبت بواسطة wsa (المشاركة 308933)

أحسن حل تاكل المطب بالهنا والشفا وتقول تحيا مصر

فى الغالب هو ده اللى بيحصل سواء لحقت تفرمل او لأ

اقتباس:

المشاركة الأصلية كتبت بواسطة sherif fersh (المشاركة 422588)

معلش ....أنا مش فاااهم ....
هاند بريك ليييييه ....
عشان اتقلب عملا بمبدأ بيدى لا بيد عمرو
و تقبلو جهلى

غريبة جدا حكاية الهاند بريك دى المفروض انها معمولة لامان العربية تكون هى السبب فى قلبها من ع المطب؟؟

اقتباس:

المشاركة الأصلية كتبت بواسطة M.voka (المشاركة 468869)

الموضوع جامد واكتر حاجة المعلومات اللى بتتقال فى الموضوع جميلة جدا تسلم ايدك

شكرا لصاحب الموضوع اللى خلانا نتعلم حاجه جديدة

رد: سرعة عالية + مطب مفاجئ ... اية احسن تصرف؟؟

ببساطة قول هوووووووب واكتم الهوووب والبس المطب يامعلمhttp://masrmotors.com/vb/images/smil..._11%5B1%5D.gif.. بيريل هو الحل

رد: سرعة عالية + مطب مفاجئ ... اية احسن تصرف؟؟

اقتباس:

المشاركة الأصلية كتبت بواسطة samirayad (المشاركة 305536)

انا بعمل زى ما كتير قالو لو شفته قبلها بمسافة كفاية بدوس فرامل واقلل السرعة جدا وقبله بحوالى 3 او 4 متر بسيب العربية تمشى على السلانسيه بتاعها وتعديه واول ما العجلتين اللى ورا ينزلوا من على المطب بدوس بنزين بس اذا ملحقتش ادوس فرامل اكيد باكله بس مبتحصلش كتير لانى بركز اوى فى السواقة للطريق ومش بشتت تفكيرى

رد: سرعة عالية + مطب مفاجئ ... اية احسن تصرف؟؟

بص يا باشا لو المسافه تسمحلك انك تكبس على دواسه الفرامل دوس العربيه وقفت قبل المطب خير وبركه لو المسافه متسمحشى شيل رجلك من على البنزين وكل المطب بالهنا والشفا:01F6EB~150:

رد: سرعة عالية + مطب مفاجئ ... اية احسن تصرف؟؟

وانا سياستى فى القيادة هى :

ليلا لا اتعدى سرعه 80 كم ( فى حالة الطريق مش منور )

ليلا والطريق منور يتوقف على مدى الاضاءة ورؤيتى للطريق
لان الخطر ليس فى المطبات فقط لكن ايضا فى الحيوانات عابرة الطريق

وانا ماشي وواخد قرار ( لو طلع قدامى عفريت ازرق هاكلة )

نهارا : افتح لها وبص قدامك