رد: صاحبى قرر يشترى جاك بى 15 ممكن مساعدة؟
 

ده اللي انا قلته في الموضوع اللي الاخ بيتكلم عنه!!! و على فكرة مش انا اللي كنت عامل الموضوع كان واحد فاكره شركة جاك المصرية اللي بتبيع ستروين القديم! فانا قلت رأيي و حاليا انا مش عايز اتكلم عن العربيه خالص لاني شفت ان ملاكها متعصبين و بيحبوا عربياتهم جدا لدرجة انهم لا يقبلوا النقض المبني عن رأيي شخصي او معاينة ! فاثرت السلامة ! بس ميجيش شخص يقول كمان ان الغلط في حقي شيئ طبيعي و انا استحقه! لاني مش حاقبل ده ابدا! و لو علشان ايه! بلاش الردود الاستفزازية و المهينة دي لانه عيب ! عيب قوي!!! بلاش..

رد: صاحبى قرر يشترى جاك بى 15 ممكن مساعدة؟
 

رد: صاحبى قرر يشترى جاك بى 15 ممكن مساعدة؟
 

يا باشا ولا حق ولا حاجه ربنا يوفقه ويكرمه فى عربيته الجديده ويسعده بيها ... ويستر طريقه ويكفيه شر الطريق والعين .
ماخلاص بأه يا دكتورنا الكبير . وبعدين احنا ماكناش بنتخانق ولا حاجه . دا كان مجرد اننا احتدينا فى النقاش شويه وخلاص . والموضوع أخد اكتر من حقه ووقته كمان وانتهينا منه .
يا هندسه : خلاااااااااااااااااااص كبر دماغك وفوت اى تعليقات ماتجيش على مزاجك . اظن انا بعتلك اعتذار رسمى فى رسالتى ليك . واظن انا بنفسى كمان اللى طلبت منك انك تشارك فى قسمنا بكل آراءك . صح واللا ايه ؟؟؟؟؟؟؟؟؟
والمفروض اننا نهينا الخلاف اللى كان بيننا . ومافيش اى داعى اننا نفتح المواضيع دى تانى عشان الأمور ماتاخدش مسار مالوش اى لازمه .
المشاركه اللى مش على مزاجك . غمض عينك عنها وكانها مش مكتوبه . هنا تظهر قوة شخصية الإنسان ودا مش ضعف بالعكس دا منتهى القوه .
ويا جماعه من فضلكم الخلاف اللى كان فى القسم هنا احنا انتهينا منه . مالوش لزوم نتكلم فيه تانى . لو سمحتم .

رد: صاحبى قرر يشترى جاك بى 15 ممكن مساعدة؟
 

الحقيقه أنت محتاج تراجع نفسك شويه

وتفكر فى ردودك كويس جدا قبل أن تطرحها

وثق تماما أننا كلنا هنا أخوه

ويجب علينا أن نلفت نظر بعضنا البعض

للأخطاء الوارد وقوع أحدنا فيها

لأن مفيش حد كامل

وكل أبن آدم خطاء

والمنتديات عباره عن حرية تعبير

فمينفعش ياهندسه

الحجر على آراء الآخرين

أسمعهم وناقشهم وأقنعهم بالحجه والبراهين

ولكن مع الألتزام بأدب الحوار

وأنا من حقى أكتب اللى عاوز أقوله

وأستدرك تانى بخصوص ما كتبته سابقا

الكلمه أمانه وسأحاسب عليها أمام ربى

وبالفعل حينما أحس بأننى جورت بعض الشىء

على أى زميل من الزملاء

لازم أراجع نفسى وأسترضيه

وده إللى أنا عملته فى هذا التوبيك

بأحاول أسترضى

الأستاذ : سيف ....والأستاذ : أيمن ....والدكتور : كمال

على الرغم أننى لما أتجاوز فى الكلام بلفظ شائن أو تجريحات مع أى منهم

وأنا حاسس أننى تسرعت فى حكمى السابق فى مشاركتى الأولى فى نفس الموضوع

من خلال معايشاتى لكل الردود فى المنتدى

أذا من حقى أاقول زى ما أنا عاوز

وبرضه فى نطاق الزوق والأخلاق

مش عارف

ما أعنيه وصلك ولا لا ياهندسه


ايه ياترى

رد: صاحبى قرر يشترى جاك بى 15 ممكن مساعدة؟
 

يا بشمهندس سمير الموضوع مش مستاهل اننا نتناقش فيه من جديد . احنا بعد اذن سيادتك اغلق النقاش والحوار فى هذا الجدل . واتمنى من حضرتك انك تتغاضى عن الدخول فى نقاش ممكن يفتح باب الخلاف من جديد بيننا كأخوه .
وكمان بارجو المهندس ممفور انه يهدأ بأه شويه وبلاش الإنفعال فى كلامه . ومش كل ما حد يتكلم نمسك فى كلامه ونعمل معاه مشكله . كبر دماغك وعدى الكلام اللى مش على مزاجك .

رد: صاحبى قرر يشترى جاك بى 15 ممكن مساعدة؟
 

الأستاذ mmffor
 

السلام عليكم ورحمة الله وبركاته---
حابب اقول لسيادتك يجب ان نترك جميعا كل هذه المهاترات ونلتقى عند طريق واحدهو ان افيد واستفيد ونخرج بنتائج تزيدنا معرفه وثقافه وعلم ويصبح هذا الجماد الذى نحن خلفه اداة نحبها وتحبنا ونكسب من خلالها كل لحظه ,,صديق جديد,, وأخ فاضل محترم مثلك ومثل رواد المنتدى هذا اولا.
ثانيا :الخلاف كان على سعر العربيه جاك بغض النظر عمن صنعها هل انت مقتنع بأسعار السيارات فى مصرنا الحبيبه حتى الهاى كلاس منها !!!!!
ثالثا : ماتيجى نقارن على ارض الواقع وكأننا نجوب اجنحة معرض وليكن مثلا معرض الكويت الذى تدار فاعلياته الأن ونتخيل ...هو مش حضرتك مهندس على ماأعتقد المهم تخيل انك بتتدرس هندسه فراغيه فهتتخيل ---معلش حبه فرفشه .
المهم هنتخيل اننا نجوب معا فى سرادقات المعرض --تصدق معرض جميل ومنظم بيفكرك بأيه ايوه بمعرض بلدنا فى مصر معرض الأهرام ,,تقوم حضرتك تقولى ,,لايعم ده بلضبط هو معرض اوتوماك , انت مش واخد بالك من طريقة التنظيم ,,هرد عليك واقول لك اذاى مش واخد بالى يا أستاذ ممفيور--هتقولى اصل معرض الأهرام لو تفتكر بيجى اوتوبيس وينقل الناس الى صالات العرض ولكن ده احنا زى ماأنت شايف بنمشى على رجلينا بين السرادقات الى هى البكيات يعنى ياأخى ,,ده انت الى بتقلى,,المهم انت اتنفضت وقلت لى شايف الهندى الى هناك وملمومه عليه الناس ,,انا قلتلك اه فعلا ياترى فيه ايه قلتلى يلا نشوف ,,المهم واحنا ماشيين قبلتنا بنت جميله ممن ينظمون المعرض واعطتك علم لأحدى الماركات العالميه للسيارت والعلم كان للعربيه فيرارى يعنى لونه احمر وجميل (لأنى اهلاوى صميم) المهم انت اخدت العلم منها وهى ابتسمت لك رحت انت نافخ صدرك وكأنك بتقولى شفت هى ادتنى العلم انا بس علشان هى معجبه بيه وانا شاب وسيم ,,ده انت بتكلم نفسك وبترسل لى مابداخلك بنظره من عينيك (اعتقد انهم حلوين علشان كده البنت الجميله اعطتك علم الفيرارى ايوه ياعم ماشيه معاك الله يسهلك) والمهم واحنا ريحين نشوف الهندى بيعمل ايه والعلم فى يدك بصيت لاقيت طفل عنده حوالى نقول 9 سنوات عمال يبص للعلم الى فى ايدك وكأنه بيقول ,,ياسلام لو اخد العلم ده !!!!!!!!!!!! وانت بذكائك وحبك للأطفال فهمت الرساله فوقفت وبصيت له بنظره كلها حب وحنان واعطيت العلم للطقل ووضعت يدك على رأسه ودغدغت له فروة شعره وودعته مبتسما ضاربا بأبتسامة البنت الجميله المعجبه عارض الحائط (ياسلام يالك من شاب رقيق المشاعر ,,مضحى بطبيعتك) المهم ذهبنا لعمنا الهندى ولقينا امامه زحمه جمده قوى وفى ريحه احنا عرفنها ومش مصدقين انها هنا فى الكويت (مثلا يعنى) المهم طلعت الريحه دى ايه والهندى ده مين ؟؟؟؟؟؟؟؟؟؟؟؟ اتضح انه مصرى زينا ومأجر باكيه صغيره وبيعمل ايييييييييييييييه بقى كشرى !!!!!!!!!!!!!! شفت يا عم مفيش فايده وراك وراك حتى فى معرض سيارات الكويت المهم ضحكنا سويا ومرضناش ناكل كشرى علشان انا مبحبوش ومبطقش ريحته!!!!!!!!!!!!!! ودخلنا انا وانت نتفرج على المعرض ومن هنا نبدأ نتفرج ونقارن ونبعد عن مين المصنع المهم نشوف ونقلب ونعرف كل شىء عن السيارت او بعض منها يعنى الى هنقدر نشوفه النهرده ....
الذى اقصده من كل هذا الصداع الى صدعتك بيه اننا يجب ان نضع المقارنات بين السيارات ونبدأ نتحدث عن اوجه الشبه والأختلاف---يعنى على سبيل المثال انا هضعلك ماعندى من معلوامات عن السياره جاك وحضرتك عقب على كل مايرد بما تراه من اوجه شبه او اختلاف او ميزه بما حضرتك وضعته من مقارنه مع الجاك وليكن مثلا ماقلته حضرتك عن الأكسنت والأفيو من كل الأوجه بلطبع ---وفى النهايه انا مستفيد وحضرتك والجميع ---وبلمنسبه ممكن حضرتك تضرب مثل عن اسعار قطع الغيار ايضا كما انا اسردت اسعار قطع غيار الجاك ونشوف الفارق فى الأسعار حتى لو حضرتك زى ماقلت ان ممكم تكون اسعار الجاك قريبه من المرسيدس ممكن حضرتك ايضا تضع الأسعار المقارنه بين الأثنين وانا عارف ان القياس مع الفارق بلنسبه الى قوة التحمل بين السيارتين والعمر الأفتراضى لكل قطعة غيار فى المرسيدس وعلشان كده الأسيبر بيكون غالى وانا كان عندى الفارميو وعارف ليه قطع الغيار غاليه لمثل هذه السيارت---المهم انا هكتب لحضرتك كل مواصفات الجاك وحضرتك تقول مواصفات السيارت الأخرى الى انت اخترتها ونعقد مقارنه مفيده للجميع وعليه ---تفضل حضرتك --مواصفات الجاك
1-نوع المحرك - - -mitsubishi 4g15s - - -سعته 1488 سى سى

يولد 104 حصان عند 6000 RBM

اقصى عزم 130 نيوتن متر عند 4500rpm
نسبة الضغط 10:1
التانك 55 لتر
ناقل حركة مانيول من 5 سرعات
الأبعاد::الطول الكلى :4.595 (مم).
العرض الكلى:1.765 (مم).
الأرتفاع الكلى:1.465 (مم).
قاعدة العجلات:2.710 (مم)امامى 1505 (مم)خلفى 1495 (مم).
ناقل الحركه :مانيول _ _ _ خمسة سراعات.
مقاس العجل:205_55_R16 .
تعليق العفشه:امامى :ماكفرسون.
تعليق العفشه:خلفى:زو وصلتين (tow link spiral ).
نظام المكابح :امامى /خلفى :اسطوانيه - - -قرصيه(disc/Drum ).
وزن السياره 1315 ...
وطبعا حضرتك باقى الأمكانيات اكيد حضرتك عارفها لأنها تعتبر فول اوبشن ماعدا ناقل الحركه وفتحة السقف الى انا عن نفسى مش شايف لها اى لذمه ---طبعا الجنوط اسبور16 ..
دى نظره عامه عن السياره وعن الفسحه الى انا وحضرتك استمتعنا بها ,,او انا عن نفسى استمتعت بها مع حضرتك ...
فلذلك ارجوا من سيادتك تقلى عن باقى انطباعك عن المعرض من خلال مارأيته من سيارات حضرتك هتقارنها مع الجاك بما فى ذلك اسعار قطع الغيار --وصحبه موفقه بأذن الله وعقبال صحبة رسول الله عليه الصلاة والسلام ---شكرا جزيلا واسف على الأطاله(ملحوظه:::هامه جدا --شفت الهندى مطلعش هندى طلع مصرى !!!!!!!!!!!والهندى عمل قنبله زريه وماهندارا عربيه!!!!!!!!!ياالف خساره كشرى واماره كل الى بندور عليه نبنى عماره نتقدم لالالالالا نتطور لالالا ياميت مليون خساره)اشكرك اخى الفاضل مش عيزك تزعل من اخوانك والتمس للجميع العزر --الى لقاء