| amrmohamed1975 |
15-11-2010 08:47 PM |
رد: اية اطرف موقف حصلك مع بداياتك فى السواقة ؟؟؟؟
ياه يا باسم فكرتني بالذي مضي اول مصيبة ليا كنت فى تانية ابتدئي يعني يجي من 29 سنة والدي كان فى الجيش فى حاجة اسمها مجموعة مخابرات و امن حرس الحدود و كان العربيات اللي بتتمسك مع المهربين اغلبها لا ليها ورق و لا نمر فكانت مكاتب المخابرات بتاخد العربيات تستخدمها فى عملها و بيسموها استيلاء و بعدين تتباع فى المزاد او تفضل يستخدموها فى شغلهم و مرة الحاج كان فى اجازة و راجع معها عربية بيجو 404 نص نقل و العبد لله طفل صغير عمره 7 سنوات و دورت العربية و هية واخدة غيار و طبعا جريت مني لحد ما لبست فى حيطة بتاعة عمارة واحد جرنا اخدني من ايدي و طلع سلمني تسليم اهالي للحاج و طبعا انتو عرفين الباقي .
تاني موقف النسخة التانية من المفتاح دي طبعا كله عارفها بس ارخم حاجة فى الدنيا ان حضرتك تنزل تلف بالعربية و تعمل اللي انت عاوزه و تعدي بسلام و بعدين ترجع تلقي واحد راكن مكان العربية مكانت واقفة طبعا فضيحة بجلاجل
|
