رد: اية رايك فى سواقة السيدات
 

الستات فى السواقة ينقسموا الى فئتين فئة مالهاش فى السواقة ودى الفئى الغالبة وتمثل حوالى 85 % من السيدات فى مصر و10% بتسوق بتحفة وبراعة ودى الفئى الاقل للاسف و5%الفئة المميتة اللى بتجرى ومش بتسوق اساسا

فئة 85%
حق مكتسب تكسر عليك وتيجى ادامك وتوقفك وتدخل ادامك ولو بس اعترضت تلاقى نظرة استغراب بمعنى انت اتجنيت ولا ايه مالك ولما تكون بتطلع من عربية واقة ومدى اشارة وست اللى جليه تعمل مش واخدة بالها وتدخل برغم انها شايفاك والقمة باه لما تبقى ماشيه على 40 كم فى الحارة الشمال ومش مهتمة بالناس اللى وراها اوبتحكى مع اللى جنبها او معاها تليفون مهم ياحرام و

فئة 5%
اللى بتجرى وتشد والهاش فى السواقة اساسا وعربيتها ماتلاقيش حته ممكن تخبطها لان الصاج متدمر وتقرص ومابتعرفش تلم نفسها ودى الفئة الاخطر


فئة 10%
الفئة دى بتشمل ستات بتسوق احسن من بعض الرجالة وبتشد وغرز وترس وكل اللى نفسك فيه معاك وانا بحب شخصيا الفئة دى



والحل مش فى سواقة الستات بس الحل اننا كلنا نسوق سواقة متحضرة ومحترمة لان عدم التزام فئة حتخلى الباقيين مش ملتزمين ونخلى اختبار رخصة القيادة اختبار بجد اختبار بيبين اللى بيسوق من اللى مالوش فيها (يعنى قلل او الغى الواسطة)



ولو لاقدر الله عملت حادثة مع ست وفى الاغلب حتكون هيه اللى غلطانة حتنزل تتطمن على عربيتى واحاول اتجنب الكلاممعاها عشان مااثيرش اعصابى وااتصل بالنجدة ولو معاها اطفال حتطمن عليهم الاول طبعا وظز العربيات اساسا

وشكرا بجد موضوع لامس كل اللى بيسوق فى مصر

رد: اية رايك فى سواقة السيدات
 

توتر زائد عن اللزوم - عدم القدره علي مواجهه المواقف الصعبه ..
بس فعلا ارحم من سواقين الميكرباصات بكتير

رد: اية رايك فى سواقة السيدات
 

ياريت ياشباب حد يكتب رقم النجدة عشان الواحد بيحصل معاه مواقف متخلفة بسبب الستات وخصوصا فى شارع فيصل
تلاقى الواحدة ماشية ومش عايزة حد يمشى معاها فى الشارع
مرة بنت سنها تقريبا 25 سنة (وانا سنى 18 سنة وشهرين بس بسوق من زمان) المهم رخمت عليا عند ملف فى شارع فيصل (كنت عايز اللف) المهم قفلت عليا وطلعتنى من الحارة الشمال وهيا ملفتش لا كملت زى ما هيا وعمالة تتكلم فى الموبايل وكانت هتلابسنى فى فولكس ميكروباص طبعا انا دمى اتحرق رحت ماشى وراها ومدى كلاكس لغاية ما وسعت وهوشتها كنت هخليها تخبط فى عربية شرطة بس مردتش وفى الاخر بتبص وتضحك يعنى تحرق لك دمك أكتر ماهو محروق
وبالنسبة لسواقة الستات
حاجة تجيب شلل أطفال بجد
تقيمهم
لا يتعدى 0/10
الحل من رأى
نبطل وسايط وشغل الرشاوى اللى موجود دلوقتى
لو خبطت ست او هيا خبطتنى
لو انا اللى خبطتها هدبها اللى هيا عايزاه واريح دماغى
اكن لو هيا اللى خبطتنى هتصل بالشرطة عشان كلامهم يغيظ بدرجة تحرق الدم

رد: اية رايك فى سواقة السيدات
 

رد: اية رايك فى سواقة السيدات
 

هو انتم بتشوفي ستات بتسواق في الحلم ولا ايه انزلوا في مصر الجديدة ولا المعادي ولا المهندسين ولا م. نصر هتلاقوا معظم اللي سايقين ستات وبسواقو زي الفل مش الحتت اللي مستجدة عليها ان الستات تركب عربية اصلا
وبعدين سواقة الستات احسن 60 مرة من الشباب اللي بيجري ويعمل غرز وبعاكسو ويرخمو علي البنات اللي سايقة فكرينها حرفنة انا جدتي بتسواق وماما بتسواق وانا بسواق والحمد الله
وبعدين هي الرجالة نازلة من بطن امها بتسوق ماتفرج علي ايه رجل لسه متعلم السواقة جديد هتلاقيه............؟ ولا بلاش غلط
الموضوع له معايير تانية غير رجل وست
عالله ناخد بالنا
مش هيصة في الكلام وخلاص
انتم بتطالعو عقادتكم من الستات في موضوع السواقة ؟

رد: اية رايك فى سواقة السيدات
 

الناس عمالة تحكي عن مواقف حصلت معاهم، وبكل صدق، إلا بيحكي عن أمه وعن عمته وعن قريبته، يعني الناس بتتكلم بصدق وموضوعية، لأن إلا بتسوق دي أختي وأمي وزوجتي وبنتي. لكن أنا شايف إن كل الستات إلا ردوا في الموضوع بيتكلموا كلام عايم وخلاص، لا شوفنا حكاية حصلت عن راجل غلطان ولا شفنا مواقف كله كلام عايم:
أنتوا متعقدين من الستات
أنتوا ظالمين الستات
الستات ولاد حلال
الستات حلوين وبيعرفوا يسوقوا
عايزين كلام واقعي ، عايزين مواقف ، عايزين أدلة، عايزين كلام موضوعي
وبعدين هنتعقد من الستات ليه، الإنسان لما بيتعقد من شخص ما في شيء معين ، ده معناه إن الشخص ده أحسن منه في الشيء ده، ولا إيه، فإيه بق إلا هيعقد الرجالة من سواقة الستات.............. طبعا ده كلام مش منطقي
وبعدين الرجالة من صدقهم بيحكوا حتى المواقف إلا فيها ستات كويسة، وفي أكثر من واحد ومن ضمنهم أنا حكينا عن بنات سواقتها حلوة ، ده يدل على الصدق والموضوعية في الكلام.
وفي النهاية لو الست قليلة شوية في موضوع السواقة ده فأكيد يا سيدتي هي أحسن في حاجة ثانية، وهي دي الحياة، ودي حاجة ما تضايقش وما تزعلش، هي الدنيا كدة أنا أحسن من غير في حاجة وهو أحسن مني في حاجات، وأهي ماشية وبتعدي

رد: اية رايك فى سواقة السيدات
 

مواقف ايه اللي انت عايزها
ما كل المواقف اللي حاصلة والجوداث بتاعت كل يوم والنقل اللي بيتقلب كل يوم والعربيات اللي بتطير من علي الكابري كل يوم اصحاب الحوداث رجالة
عايزة واقعة عندنا في المعادي علي الاتو ستراد اربعة عربيات من ماركارت عريقة وعربيات محترمة دخلو في بعض
عربية ( دوجان - بيجو 505 - عربية لانوس - عربية كريستالة )
متدمرين بسب واحد اقاله كان عايز يعمل عرزة 3 عربيات بسببه اتدمروا مينفعش ببصلة
والله لولا الحرمنية انا كانت صورت الاربعة عربيات تشوفهم جسمك يشقعر