مصر موتورز مجتمع السيارات - الطريقة الصحيحة لامساك الدركسيون

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - الطريقة الصحيحة لامساك الدركسيون (https://www.masrmotors.com/vb/showthread.php?t=30309)

رد: الطريقة الصحيحة لامساك الدركسيون

اقتباس:

المشاركة الأصلية كتبت بواسطة elensaan (المشاركة 232910)

علي فكرة انا بمسك الدركسيون بكلتا يديا بس اصدقائي بيتريقو عليا ويقولولي انت خايف حد ياخدها منك؟
بس انا فعلا مبحسش بالامان الا كدة
موضوع مفيد وربنا يسلمنا جميعا
ولك كل الشكر اخي الحبيب

خلى اللى يتريق يتريق المهم انك بتعمل الصح

اقتباس:

المشاركة الأصلية كتبت بواسطة gahloos (المشاركة 251045)

شكرا على هذه المعلومات القيمة , وأنا والحمد لله بسوق كما ذكرت

الحمد لله وياريت كلنا نسوق كده

اقتباس:

المشاركة الأصلية كتبت بواسطة sam ram (المشاركة 251119)

اريح وضع واكتر وضع بركز فيه 2 - 10 .. وكتير بستخدمه خصوصا في السفر
لكن غالبا لو الطريق فاضي او الوضع يسمح ... بتبقى الشمال على الساعه 11 و اليمين على عصايه الفتيس
اتعودت على الوضع ده من سنين حتى بعد سواقه الاوتوماتيك لمده 3 سنين .. برضو ايدي اليمين بسندها كتير اوي على الفتيس
ولأن مشاويري كتيره وبزهق بسرعه ففي مسكات كتيره عجيبه بس مبطولش عليها
الساعه 7 بايدي الشمال واليمين على الفتيس لما ازهق من الساعه 11... أو اليمين 5 والشمال على الشباك ده لو انا لوحدي في شارع طويل مستقيم
الايدين الاتنين جوه الطاره بالعرض والابهام على الكلاكس خصوصا لو الطريق فيه منحنيات بسيطه
الساعه 12 - 3 لو طريق مدغدغ و مليان نقر و مطبات
وساعات بنسى الساعه كام و امسك الطاره مسكه ديجيتال .. واسقف :)

حلوة اوى الديجيتال ويالانسقف مع بعض

اقتباس:

المشاركة الأصلية كتبت بواسطة حسام البورسعيدى (المشاركة 251128)

انا عن نفسى بسوق بايدى الشمال بس وصعب اوى عليا اسوق باليمين (سبحان الله مع انى مش اشول يعنى)

بس ساعات لما اخد غزر او وانا بجرى جامد بحط ايديا التنين جوا الدركسيون علشان التحكم وعلشان الكلاكس اكتر ..

ايدى اليمين ببدل بيها ساعات لو ايدى التانية تعبت او لما بركن فى حتة ضيقة علشان الف بسرعة ..

ياحسام بااشا جرب والموضوع تعود مع الوقت حتيجى معاك

موضوع مفيد يا باشا تسلم ...

شكرا ليك

اقتباس:

المشاركة الأصلية كتبت بواسطة sherif_84 (المشاركة 251136)

شكرا على المعلومة ياباشا هو عموما دى مسألة تعود بس يفضل طبعا وانت على سرعة عالية تمسك الطارة بإيدك الاتنين كويس قوى عشان تبقى ثابتة انما السرعات البطيئة زى وانت ماشى فى اشارة مثلا ممكن بإيد واحدة لو هاتقدر تتحكم فى العربية كويس .

الله ينور عليك ياباشا

رد: الطريقة الصحيحة لامساك الدركسيون

انا عن نفسى لما ببقى على طريق بسوق كده بالظبط

اما لو ماشى بدلع وسط البلد عندنا مفيش زحمة بريح الكرسى شوية صغيرين واسوق باليمين

رد: الطريقة الصحيحة لامساك الدركسيون

(what)مشكوووووووور ، موضوع هايل ومهم فعلا

رد: الطريقة الصحيحة لامساك الدركسيون

اقتباس:

المشاركة الأصلية كتبت بواسطة ابن فنان (المشاركة 285782)

(what)مشكوووووووور ، موضوع هايل ومهم فعلا

شكرا ليك وجزانا كلنا الله خيرا

رد: الطريقة الصحيحة لامساك الدركسيون

استاذ بدر انا لسه شايف الموضوع دلوقتي بس بجد تسلم ايدك و دائما متعودين منك على النصائح المفيدة جزاك الله كل خير ROSE4U

رد: الطريقة الصحيحة لامساك الدركسيون

اقتباس:

المشاركة الأصلية كتبت بواسطة بدر بسيونى (المشاركة 214293)

الطريقة الصحيحة لامساك الدركسيون

كل واحد فينا ليه طريقة بيمسك بيها الدركسيون وهى الطريقة اللى مريحاه لكن فعليا

يعنى فى ناس بتمسك الدركسيون بايدها اليمين بس وفى ناس بتمسك بايدها الشمال

وبس فى ناس بتسوق بايد واحدة فى اعلى الدركسيون فى المنتصف وناس بتحط

ايدها فى النص فوق الكلاكس وواحد بيمسك بايد واحدة فى النص تحت وناس

بتمسك باديها الاثنين ونا يتريح الدركسيوت لركيتيه وخصوصا وهو ايده بتعمل

حاجة لكن للاسف معظم مسكات الدركسيون دى مش صحيحة والمقصود بالصحة

هنا الامان خلال السواقة فقط لاغير .

- فى طريقة المثلى للامساك بالدركسيون لكن لازم ناخد فى اعتباراتنا بعض الامور

طارة الدركسيون دى حياتك يعنى لو اهملتها حتخسر حياتك ولو ربنا لطف حتفقد

فلوسك الى جانب اذى الاخرين

- لايوجد شئ اهم من السواقة وانت جوه العربية يعنى انت ركبيتها عشان تروح

شغلك او اى مكان فللسواقة الاولوية

- الثقة الزائدة فى النفس مهما كانت خبرتك فى السواقة والمدة التى سوقتها

(حتى لو 50 سنة ) لاتستهون بخطورتها ابدا ابدا لان السواقة ليس لها كبير فعلى

والخطئ يحدث فى اقل من ثانية ومن الوارد ان يكون خطئك او خطئ اخرين فبلاش

تمسك الدركسيون بركبتين وباصبعين لان الدركسيون كده فعليا مش ممسوك

- احترام والتزام قواعد المرور واجبة فى كل الظروف والاوقات واحترام الاشارات

والتقاطعات وخصوصا فى الشوراع الجانبية والحد من السرعة بقدر الامكان

الطريقة المثلى لمسك الدركسيون

- اولا لنتخيل ان الدركسيون عبارة عن ساعة عادية عشان نعرف نحدد الاماكن

بصورة دقيقة

- ثانيا يمسك الدركسيون بكلا اليدين معا فى نفس الوقت

- ثالثا وضع اليد اليمنى فى الموقع الساعة من 2 الى 3واليد اليسرى من 9 الى 10

(الموضوع ده لاقيت فيه اختلاف كبير جدا وعشان كده جبت المجمل لكل الكلام لكن

الفئة الغالبة تتحدث من 2 لليد اليمنى و10 لليد اليسرى ) لكن الفروقات مش

محورية للدرجة الخطيرة وبعض الناس بتتكلم عن الوضعية 4 لليد اليمنى و8 لليد اليسرى

- وخلال مسكك للدركسيون بكلتا اليدين اضغط بقوة على الطارة خفيفة على

الدركسيون بحيث يعطيك شعور بالتملك والسيطرة على السيارة الى جانب تقوية

شعورك بالاحساس بالاطارات ورد فعلها تجاه السرعة وطبيعة الطريق

وعند الدخول لدوران او منحنى اجعل يدك ذات حركة رشيقة بحيث تتحرك بسلاسة

وقوة فى نفس الوقت والمقصود بالقوة ليس فى الحركة لكن فى الامساك

بالدركسيون بكلتا اليدين

- ولا تدخل ايدك الى داخل الدركسيون اثناء لف الطارة عشان ايدك ماتتحشرش

ويحصل مشكلة.

- ماتخليش الكرسى بتاعك بعيد عن الدركسيون بحيث انك تبقى ماسكه باطراف

اصابعك ولا لازق فيه بحيث يكون صدرك فى الطارة وظهر الكرسى اجهلع بقدر

الامكان مستقيم

- عن الحديث فى الموبيل يتوجب التوقف الى جانب الطريق مع تشغيل الانتظار

وطبعا بما اننا فى مصر والكلام ده مش حيحصل فياريت نستخدم الهاندفرى بتاعة

الموبيل على الاقل او الكاركيت

موضوع هايل مشكور علية وياريت تعمل كمان موضوع عن اللي بيسوق على الخط المتقطع ومالوش دعوة انه واخد حارتين لسيادتة وهو ماشي وعن اللي بيدي اشارة قبل مايحود بثانية ومش عاجبة اعتراضك على جنابة والحجة انة ادي الاشارة وعمل اللي علية واللي انا عارفة اني بادي الاشارة لاي اتجاة قبل ماروح للاتجاة دا بفترة زمنية كافية عشان اللي ورايا ياخدو بالهم...كدا يعني
ANAA7TGANAA7TG