مصر موتورز مجتمع السيارات - الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

يا جماعة انا شايف ان الموضوع دة اخد اكتر من حقة فى الاول والنهاية هى يارة تنتمى لفئة السيارات الصغيرة او المتوسطة الصغيرة ذات اداء مقبول اقتصادى ولا تنتظر الكثير من كل هذة الفئات بما فيها الللانوس والاكسنت الخ وجميع هذة الفئات يا جماعة انتم فاكرين نفسكم فى سيارة سبورة او سيارة ذات اداء عالى ؟؟ انتم بتدوا السيارات دى اكتر من حقها

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة خالدخليفة (المشاركة 143502)

اولا/ حمدا لله على سلامتك
ثانيا / ومع احترامنا ليك ولكل اللى ردو عليك ولاواحد فيكو بيسوق طرق سريعة كل يوم ولا له تجارب كتير مع الطرق السريعة وطبعا مردوش بطريقة فيها نوع من التجربة او الخبرة واما اللى اشادو بيها فهما زى حالاتك مقتنعين بيها جدا و دى ناحية نفسية طالما الاسان بيحب شىء مبيشوفش عيوبه واحد اخواننا كاتب هنا موضوع انه عايز يشترى الفيرنا وسمع انهم هيبطلو انتاجها وانا تقريبا فهمت انه هو مش متصور حياته بدون الفيرنا ( دى مبالغة منى بس علشان اوصل الاحساس اللى جالى لما قريت كلامه) ولايقبل اى ماركة تانيه غيرها
هل تعلم ياصديقى ان
الفيرنا سيارة صغيرة تنتمى الى فئة السيارات الصغيره وان موتوررها كبير على هذا الجسم ويغرى على الجرى الغير مناسب لجسم السيارة فطول وعرض وارتفاع العربية مهما كان نظام التعليق والعفشة فيها لابد ان يتناسب مع قدرة الموتور ولذلك اليابانيين مش بيهرجو زى الكوريين لان حياة الانسان تهمهم فمثلا السيارة اللانسر 1600 تجدها اكبر من ال1300 وفيه قاعدة معروفة ان العربية لما الاوزان اللى جواها تزيد ده بيثبت العربية وبيقلل تسارعها او السحب بتاعها ومعروف ان اى شخص حجمه كبير ده بيمسك وزنه فى الارض وعلشان كده لو واحد تخين قعد على كتفى انا مثلا هيبططنى وهكذا وانت بنفسك فى احد ردودك قلت انك متقدرش تقارن ثبات الفيرنا بالهوندا طيب ليه مهو الموتور تقريبا واحد وانظمة التعليق تقريبا واحدة لكن هنا بقى طول وعرض وارتفاع العربية هو اللى بيخليك متحسش بموتور العربية القوى
هل تعلم ان
معظم الحوادث التى رايتها للملاكى على الطرق السريعة كانت فى معظمها للفيرنا و دى ملحوطة غريبة واكدها لى امين شرطة ماسك تأمين المحور ركب معايا مرة لحد اسكندرية واكد كلامى لما قال بالحرف احنا بنشوف بلاوى كل يوم لكن اللى بستغرب له انى مش بشوف مرسيدس او بى ام دبليو عاملة البلاوى دى كلها عربيات صغيرة لكن ملحوطة معظم ماركات الصغيرة دى فيرنا دى بتاعتى انا
وهل تعلم ان
حظك جميل وانك لاتجروء وده مش تسخين ليك بس دى حقيقة انك تعمل السرعة دى على طريق القاهرة اسكندرية الصحراوى ولا حتى اسيوط القاهرة الشرقى طيب ليه
لان االقاهرة اسيوط الغربى اللى انت مشيت عليه منحنياته قليلة وطريق عدل والضغط عليه قليل ولذلك اسفلته كويس مفيهوش مشاكل وواضح انك جاى بالنهار لانك جريت بالسرعة دى مع واحد تانى رغم ان الطريق حارتين فقط و ده معناه ان الطريق كان فاضى لكن القاهرة اسكندرية واسيوط القاهرة الشرقى ال2منحنياتهم كتيرة وفيها منحنيات صعبه شوية هيبان فيها ثبات الفيرنا بقى ليه لان معنى كلمة ثبات مش انك تمشى فى طريق عدل وكويس بسرعة عاليه وخلاص لأ وانما العربيات الكبيرة وانا هتكلم هنا عن النيسان الصنى بتاعتى لانها مع المنحنيات الخطيرة متنقلبش لان اللى بيحصل ان انظمة التعليق بتاعتها بترتفع عن الارض ففى المنحنيات بحيث جسم العربية مهما انحنى الطريق يبقى عامل زاوية 90 درجه مع الطريق هو ده الثبات بقى اللى انت مجربتوش ولو سمحت متجربوش بسرعات عالية فى المنحنيات لان الطبيعى فى المنحنيات تهدى السرعة لكن دى شفتها وجربتها واذكر مرة جاى من اسكندرية ماشى بسرعة 185 ولقيت فيرنا كنت عديت منها صعب عليه نفسه ولقيته جرى ورايا فوسعت له عدى من جنبى زى الطلقة ففهمت انه ماشى على الاقل 200 فنزلت السرعة لانه هيعمل مصيبة وقد كان بعد 200 او 300 متر تقريبا العربيه دارت حوالين نفسها واخدت الصحراوى بالعرض واتقلبت فى الصحراوى ولما وقفت وجريت عليهم لقيتهم مجموعة شباب مشغلين كاسيت بصوت عالى (يمكن هو السبب ههههه ) فجريت جبت ازازة ميه من عربيتى علشان يشربو ويرشو على نفسهم بعد م طلعناهم فبـص لى اللى كان سايق ولما شافنى روحت اجيب ازازة ميه تانية من النيسان النبيتى رماها ف وشى وفهمت انه معتقد ان السباق بيننا سبب الحادثة مش تهوره اذن لازم تعرف قدرات العربية اللى انت راكبها وحكاية الار بى ام .5,5 ده فظيع و ده معناه انك مديتهاش الغيار الخامس او مفيهاش خامس اصلا لان مفروض ان الار بى ام لايزيد عن 4 والا يبقى خطر على موتور العربية انا شخصيا وصلت 200 بالنيسان الصنى على الغيار ال5 ولم يتعدى الار بى ام 4,3
وهل تعلم ان
سعادتك وده من كرم ربنا عليك انك من الواضح جدا انك ممشيتش بالسرعة دى اكتر من نص ساعة على بعضها ده ان مكانش اقل لكن لو جريت مثلا 180 زى حالاتى من القاهرة لحد مطروح (450 كيلو)كنت هتعرف العربية دى اخبارها ايه
ثم من الواضح ايضا انها جديدة يعنى معملتش 5000 كيلو على بعض وعلشان كده حسيت انها ثابته لان انظمة التعليق لسه جديدة وم اتعرضتش لشوارعنا الرهيبة باستمرار
اما النكتة الكبيرة حكاية الهجوم اللى زاد على الفيرنا وكاننا منافسين لغبور مثلا و العربية دى واكلة السوق مننا وموقفة حال مصانعنا واحنا ممكن نقفل ونفلس بسببها طيب اهو اصحابها نفسهم هيبطلو انتاجها السنة دى يعنى مفيش فيرنا موديل 2011ولو هيا ناجحة فعلا زى ال128 مثلا م انتجوهاش تانى ليه الصنى مثلا بتنتج من سنة 1992 وحتى الان فى 10 مصانع حول العالم يمكن فى مصر احنا مش متقبلينها على م اظن واللانسر من 1996 او 1995 وال128 من 1965 وحتى 2000 عندنا لان وقف انتاجها فى ايطاليا 1972
انا مش بكرهك فيها هيا عربية صغيرة معقول جدا عليها الاستعمال العادى وجميلة ولذيذة ومناسسبة لينا كمصريين لكن منحملهاش اكتر من طاقتها
اعتقد لازم نكون عقلانيين شوية فى الحكم على الاشياء
اخيرا لاننا نحبك فى الله فارجوك ارجوك ارجوك متعملش كده تانى

كلام محترم جدا
وعن تجربة شخصية الصنى الأفضل فى فئتها ثباتا على الطريق
ولا يعلوها إلا السيفيك والسوبارو
ثبات الفيرنا واللانوس عن تجربة أيضا جيد حتى سرعة متوسطة
ولكن فرق هائل بينها وبين الفئات الأعلى فى الثبات وتعد سيارة موت محقق للمتهورين ومشكلة ضعف ثباتها مع السرعة العالية أن مكابحها لاتتناسب مع قوة موتورها وهنا مكمن الخطر الحقيقى
ربنا يسلم الجميع من السوء ويكفيكم شر الطريق

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

يا جماعة بنظرة خاطفة على اجهزة تعليق كثير من سيارات هذة الفئة حتعرفوا مدى محدودية اداءها وهى سيارات رائعة من ناحية التشغيل والاعتمادية والعمر المديد والقتصادية لكنها سيارات ليست رياضية بالمعنى وان كان يوجد من موديل طراز رياضى او بنكهة رياضية مرة اخرى معظم سيارات هذة الفئة ابعدها صغيرة وان كبرت ونمت مع بعض الانواع كما حدث مع الكورولا وبالتالى لا تتوقع الكثير

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة corsair (المشاركة 144020)

متزعلش يا دكتور خالد اصل انا اتصدمت وانتا بتقول انها عربية صغيرة حسستني اني راكب هاتش باك فعلا ولا تزعل يا سيدي وجاري اللي حصلتله الحادثه ده هوه فوجئ بالنقل ده جاي في وشه بس النقل مخبطهوش وهو بيفاديه يمين في شمال العربية اتقلبت وهوه ده كل اللي حصل بالظبط وهبقي اجبلك من صور العربية واورهالك علشان تصدق وبعدين الاسبرانزا ديه اساسا متنفعش حتي تكون عربية خضار انا كنت حاجزها قبل الفيرنا وجت الموافقة من البنك وخلاص في اليوم اللي جات فيه الموافقة كنت رايح شقتي في اكتوبر وشوفتها في اخر مطلع علي المحور واحد خبطها خبطة خفيفة جدا لاقيت الاكصدام بتاعها الخلفي اتكسر نصفين ولما شوفت المنظر ده لاغيت الحجز وحجزت الفيرنا اهو نص العمي ولا العمي كله وانا اعرف ناس معاهم فيرنا مطالعين عين اللي جابوها وبيعملوا في اليوم مش اقل من 300 كيلو بيها ولا اشتكت

ههههههههههههههههههههه ولعتها يامعلم واستفزيت الناس وطلعت كل اللى جواهم من ناحية الفيرنا ايه الحقد د ه هههههههه
نتكلم جد بقى
شوف ياسيدى السيارات تنقسم الى سيارات مينى وصغيرة ومتوسطة وكبيرة
المينى بقى زى الشيرى والشاريد والماتيز والاسبرانزا اعتقد الا اى 11 اللى هيا عايزة واحد رفيع يركبها او المدام تروح بيها السوق كده يعنى يعنى لو واحد تخين رككب جواها متقومش من مكانها ودى عربيات موتورها اخره 1000 سى سى
الفئات الصغيرة زى الاكسنت والفيرنا والاسبرانزا واللانسر ال1300 واللانوس واللادا وغيرهم ودى عربيات مساحاتها كطول وعرض مش طويلة ول مرتفعة وتعتبر عربيات مشاوير بسيطة وقدرات مواتيرها لتزيد الفروض عن ال1300 سى سى ماعد الفيرنا قمة التهريج الكورى اللى حاطط موتور جامد على عربية صغغيرة
ثم العربيات المتوسطة زى اللانسر ال1600 والكورولا والاوكتافيا والصنى والكروز والاوبترا
واخيرا العربيات الكبيرة زى الجيب بانواعه والجراند تريوس مش التريوس والبى ام دبليو وكلها اطوالها وارتفاعاتها اكبر شوية مع قدرات محركات اعلى من 2000 سى سى
ادى معنى كلمة سيارة صغيرة مش تسفيه ليها
لكن دى تقسيمة موجوده فعلا والصين لما عملت اسبرانزا حاولت تخليها سيارة متوسطة لما نفخو شكلها من بره لكنها من جوه ضيقة علشان يضربو اسعار السيارات المتوسطة الحجم
ثم انا مش بكذبك فى موضوع النيسان انا شرحت سبب ثباتها فى المنحنيات الخطرة وفهمتك ان سبب حادثة جارك فى طريق الهايكستب اللى مفيهوش منحنيات خطرة انه النقل لطشته من غير مياخد باله لانه نفسيا وذهنيا موجه نظره للطريق وازاى يتفاداها فاعتقد انها اتقلبت لكن هل انت هتجيب صورها فيديو قبل واثناء الانقلاب علشان نعرف السبب والا هتجيب صورها بعد م انقلبت طبعا هتجيب صورها بعد م انقلبت طيب م احنا مصدقينك لكن السبب ايه مش الثبات خالص لان الطريق نفسه مفيهوش منحنيات والعربية انا بمشى بيها 150 فى منحنيات خطرة زى طلعة كوبرى قها او منطقة مرور طوخ (عزبة الحدادين)ومع ذلك ماسكة نفسها بسبب موضوع الزاوية 90 اللى شرحته قبل كده

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة corsair (المشاركة 144191)

حبيبي انا كنت عامل زيك كدا اول ما استلمت العربية اتاري بقا يا سيدي اننا بنستلم العربية وبتكون مش معمولها ولا ظبط زوايا ولا ترصيص ولا نيله علي دماغ عم غبور انتا تاخد بعضك كدا وتروح طالع علي اقرب توكيل وتظبط زوايا وترصص من غير ما تدفع جنيه اول 1000 كيلو كل حاجه مجاني عدا الزيت والفلتر فانتا تروح بس تظبط زوايا وترصص بس لحد ما تتم 1000 كيل والف مبروك علي العربية يا بطل وربنا يديك خيرها ويكفيك شرها

ياراجل ياطيب بقى عربية زيرو ومش معمول لها ظبط زوايا ولا ترصيص ده كلام هل دى ناس بتحترم المستهلك اللى بيشترى منهم ؟؟؟؟؟؟؟

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة mohamed ibiza (المشاركة 144245)

ممكن تشيل العلبة الخلفيه و تركب علبة شكمان سبور و الماركات كتير بس تجيب واحده حجمها هيبقي اصغر و في نفس الوقت هتديك صوت قوي و سحب اقوي زي دي مثلا

http://www.mediafire.com/i/?yjtjzgndeim

تسلم يا بوب والله علي المعلومة ديه بس هل كدا لو ركبت الشكمان ده العربية هتطلع بره الضمان ولا ايه النظام

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة medo akef (المشاركة 144304)

احم احم احم يعني انا عاوز اعرف حاجه من حضرتك هو المفروض الفرنا تطير من علي الطريق ولا تتقلب

الموضوع مش سرعه عاليه في طريق مستقيم هو الف شكر طبعا للعربيه انها علي كلام حضرتك مموجتشي ولا تلاقيها بترصص يمين و شمال
الثبات بيتقاس بالملفات شديده الانحدار علي سرعه عاليه و الغرز بين العربيات
انا مجربتش اسوقها علي سرعه عاليه سوقتي لها كلها كانت داخل البلد موتور جبار الحقيقه بس كنت راكب جمب صحبها هي موديل 2004 يعني كورية التقفيل علي 70 ملف هو اه شديد الانحدار بس احنا 4 في العربيه لعربيه زحفت و هي بتاخد الملف و اطر يقطع و هو بيخدو يعني حته و يعدل و حته و يعدل عشان نعدي بسلام و انا الحقيقه كان البي في رجلي لاني كل ما اركب مع حد معاه فرنا يعد يشتم في ثباتها حتي سوقين التكسي بس بالتجنيط بتتقل شويه
ولله مش عارف هيونداي دي بتعمل ايه يعني ايه عربيه ب60 الف وزنها خيفي جدا مش فكره الحقيقه بالضبط ابعادها صغيره بغباء و ترمي فيها موتور جبار زي ده مش فاهم هي حسبه نفسها ميني كوبر ولا حاجه!!!!!!!!!

كلامك مظبوط 200% بس انا ايه اللي يخليني اخد ملف بالسرعة ديه ده اسمه جنان لان انا كدا ممكن اقطم الكبالن والمساعدين انا في الملف اخري بيبقي 30 وكدا بحس كمان اني مزودها لازم اخاف علي العربية لاني مش حمل تصليح ووجع دماغ ولما تنقلب وانا باخد ملف علي السرعه ديه محدش هيسقفلي وانا اكتر واحد بكره المنظره والاستعراض والكلام الفاضي ده