رد: الرد علي كل ما يخص السيارات الهيونداي
 

انا لسة مستلم فيرنا 2010 و فيها بعض العيوب
1- صوت صفاره ببحه مع تزويد البنزين و قالو فى التوكيل من الجكمان لكن نصحونى انتظر لبعد صيانة ال5000 يمكن تتظبط (اية رايك)؟ علما بانى الان 4300 كم و الصوت بيزيد مش بيقل؟ و المفروض يصلحو العيب ده بعد اد اية؟
2- فى جسم السيارة (تقفيل مصرى) فى فرق واسع بين قوايم البابين ناحية السائق ( تحس بهواء داخل منهم ) و كمان فى الفروق بين القايم الامامى و اعلى الرفارف و كمان داير الشنطه .
و هل عيوب جسم السيارة دى تسمح لى باستبدال السيارة ؟
و ما هى حدود العيوب التى تسمح باستبدال السيارة؟
و شكرا جزيلا على معلوماتك القيمة
و جزاك الله خيرا

رد: الرد علي كل ما يخص السيارات الهيونداي
 

أحيانا بيكون لدي فرع من الفروع سيارة غير مباعة س مثلا وفي فرع اخر عميل يبحث عن نفس السيارة فبالاتفاق مع السادة منسقي الفروع يتم تحويل السيارات من فرع لاخر من اجل توفيق أكبر عدد من عمليات البيع

برجاء الانتظار فجاري البحث عن سيارتك في الفروع الاخري بالجمهورية وسيتم الاتصال بك من قبل السيلز الخاص بك فور ايجاد سيارتك بأحد الفروع
بس ممكن تكمل البيانات دي لو سمحت
الاسم كما في البطاقة :
نوع السيارة :
اللون :
دفع : كامل القيمة - حجز

لو معندكش وقت مش مشكلة أنا هعرف من فرع شرم بس في شوية ضغط عندي النهاردة وبكرة وان شاء الله أحاول اساعدك

رد: الرد علي كل ما يخص السيارات الهيونداي
 

ممكن تعملها في مركز خدمة معتمد مش شرط ابو رواش و قليوب

رد: الرد علي كل ما يخص السيارات الهيونداي
 

تم الرد علي الاسئلة
الرجاء عدم تكرار الاسئلة
إذ ان استفسارات سيادتكم في الغالب مكررة وعن انواع محدودة من المشاكل و اعتقد أني قد أجبت علي معظمها
وأنا متأكد ان الضغط علي الموضوع ده هيخف مع الوقت
ويا رب الناس متزعلش
أنا مش موجود هنا بس يا جماعة عشان ارد
أعتقد إن من حقي اني اتصفح باقي المواضيع و استفيد من بحر المعلومات الموجود في الموقع زيكم
فبرجاء سعة الصدر
وانا و الله هجاوب علي كل سؤال جديد متجاوبش قبل كده

رد: الرد علي كل ما يخص السيارات الهيونداي
 

بص يا باشا
توجه للتوكيل حالا في ابو رواش و متخرجش منه غير لما تبيقي راضي عن عربيتك تماما
ومتمشيش الا وانت واخد حقك من مهندس من مدير ورشة من مدير مركز الخدمة كل الناس تأكد إنها هتبقي معاك مش عليك بشرط تبقي فاهم هم بيقولوا ايه و هيساعدوك ازاي .


لكن بالنسبة للعيوب اللي في التقفيل
كان لازم تشوف عربيتك كويس قبل الاستلام لكن انت استلمت و بالفعل قبلت بالسيارة وعملت صيانة الالف و داخل علي الخمس الاف كيلوا فصعب الكلام في النقطة دي دلوقتي .
ما هى حدود العيوب التى تسمح باستبدال السيارة؟
أنا أسف السؤال كان لازم يكون ؟
ما هي العيوب التي إذا وجدت ارفض استلام سيارتي و اطلب تغييرها ؟
واعتقد انت كده فهمتني ..

رد: الرد علي كل ما يخص السيارات الهيونداي
 

انا عندى عربية النترا 2006 اتوماتيك
بتستهلك بنزين فى الصفيحة 20 لتر بتعمل حوالى 160 كيلو داخل البلد

رحت التوكيل وعملت كل حاجة محتجاها وغيرت السيور والفلاتر

دا استهلاك طبيعى ولا عندى مشكلة فى العربية
انا بفكر ابيعها

رد: إزاي نقيس استهلاك البنزين صح ( هام جدا جدا جدا )
 

ممكن اساعدك بس لازم نجرب حاجة مع بعض و جربها بنفسك
أولا فول العربية بنفسك لحد لما تلاقي البنزين وصل لحلق التنك ( يعني لو دخلت صباعك تحس بالبنزين )
وبعدين هنمشي بالعربية 200 كم مثلا و دا معدل كويس
وبعدين هترجع تفول العربية تاني بنفسك برده لحد متحس بالبنزين في حلق التنك بايدك ( زي التجربة اللي فاتت )
شوف انت في المرة التانية حطيت اد ايه بنزين حتعرف 200 كم خدوا منك قد ايه بنزين
وقولي النتيجة وانا هقولك
لإن اللي حضرتك بتقوله دا معناه انك قيست البنزين غلط لأن المعدل ده خطير جدا
وبلغني بسرعة في
اي وقت
لأن 20 لتر يعملوا من 230 إلي 250 كم
واضح ان في حاجة غلط
من فضلك ضروري جدا تتابع معايا
انا مش عاوز اخوفك بس واضح انك ممكن متعرفش حتي تبيع العربية لإن محدش هيشتريها لو معرفناش المشكلة فين