|
رد: أدب الرحلات
ياشباب نزلت العربية دلوقت وانا كنت رشيتها فليت امبارح ولقيت حوالى 150 الف جثة وجبت البواب وبقول له بديموقراطية احسد عليها عايزين ننضف العربية دى فقال / ياباشا مش هينفع دى عايزة تتنفخ وتتغسل بالبخار وتترش دخان وبعدين تتغسل فى البنزينة وتجيبها انضفها لك بعد كده (بيهزر طبعا)
فقلت ايه ده طيب مناخدها نوديها مركز تعقيم ونغسلها بعدها بالفنيك او نفجرها ونخلص وسايبه عمال ينضف فيها دلوقت لكنه كان زعلاااااااااااان من المنظر وقال لى عربيتك دى الوحيدة اللى مطلعة عينى فى الشارع كله |
رد: أدب الرحلات
نكمل وأمرنا الى الله
فى عام 1999 كان محافظتى المنيا واسيوط فى حالة غليان ومعارك يومية بين الجماعات الاسلامية والشرطة وانا كنت مربى دقنى ايامها ولا ايمن الظواهرى بعد احداث 11 سبتمبر حاجة حلوة كده وجميلة المهم كنا مأجرين تاكسى ومحملين بضاعة ورايحين نبيع فى قبلى وقتها السوق كان مريح دخلنا الفيوم مبعناش دخلنا بنى سويف مفيش برضه طلعنا المنيا بعنا فيها شوية اتفتحت نفسنا قلنا نكمل على اسيوط جينا عند بلد اسمها القوصية قبل اسيوط بحوالى 50 كيلو وقلنا نقعد ناكل ودخلت كافتيريا شكلها متعب ومقرف لكن اهو اللى جعنا عندها بقى ودخلت انا والسواق والراجل اللى شغال معايا وقعدنا احنا ال3 ييجى نص ساعة محدش سأل فينا والراجل اللى شغال معايا لاحظ ملحوظة غريبة ان الكافتيريا اللى كانت مليانة بالزباين فضيت ومبقاش فيها حد خااااااااالص حتى اللى بيجيبو الاكل للناس مفيش حد والكافتيريا بقت فاضية خاااااالص ايه الصحراء دى ياجماعة قمت ادور على حد وكنا قاعدين فى الشارع ودخلت جوه مفيش حد وببص تحت الرخامة اللى بيحضرو عليها الأكل ولقيت 3 قاعدين تحتها ومستخبيين ايه ياعم انت وهو عايزين ناكل فطلعو رافعين ايديهم وواحد فيهم كلمنى باستعطاف وتقريبا هيعيط / ابوس ايديك احنا غلابة ومااشيين جنب الحيط والله ولانعرف حاجة يابيه فانا هزرت حيطة ايه يابنى انتو جنب الطريق الزراعى ففوجئت بيه بيتكلم جد وبيقول هنبنى حيطة يابيه وننام جنبها فانا غيرت معالم وشى انت بتهزر فين الاكل قال الاكل كله اهو خد اللى انت عايزه فانا قلت ف سرى / يخرب بيتك الموضوع فيه ان واخواتها قلت له / فى ايه فقال يابيه فى كل الاحداث اللى شغالة دى والحكومة والجماعات بيضربو بعض وانت جاى دقنك كبيرة اوى ياتبقى مباحث ومخبى نفسك ياتبقى من اعضاء الجماعات وكلهم حلقو دقونهم تبقى مباحث قلت له / ايه الذكاء الأنوى النادر ده هات الاكل خلينا نمشى احنا ناس تجار فقال وايه اللى جايبك عندنا قلت له اكل العيش فقال بس اكل العيش هنا مر وانا خايف عليك الغريبة انه مكانش راضى ياخد فلوس وكان جايبلنا فول بالزبدة البلدى وبيض بلدى مضروب فى سمن بلدى كلنا لما تعبنا ولما اصريت انى ادفع وانا ماشى فوجئت بيه رافع أيده للسما وبيدعى بصوت عالى اللهم انصرك على مين يعاديك /يارب ينجيك /فأغشيناهم فهم لايبصرون وكلام شبه ده كتير فقلت ايه ده احنا داخلين حرب والا ايه والحقيقة كان فى عربيات مدرعة ف كل حتة وتفتيش وقلق رهيييييييب بس ربنا ستر |
رد: أدب الرحلات
اقتباس:
ده انت جوال زي حالاتي بقى( جوال بتشديد الواو علشان محدش يقرا غلط ) لو اني احدث منك كانو الناس باعوا شوية من اخلاقهم والمقالب بقت كتييييييييييييييييييييييي يييييييييير اكتر مما تتخيلو |
رد: أدب الرحلات
اقتباس:
ارهاااااااااااااااااااااا ابي ههههههههههههههههههه ابوس ايدك انا فطرت وعاوز انام كده مش هنام للصبح |
اقتباس:
احلى حاجة انك مش حاسس بقيمة السلاح اللي معاك ده انت معاك كنزززززززززززززززز اي حد يزعلك تقله تعالى هصالحك واعملك قعده صلح فين يا معلم على حتى الارض دي وتروح هناك وتديله فطير وعسل ياكله وهو بياكل هوووووووووووووووب الجيش يهجم ويعنه ما توشف الا النور واي خدمة يا باشا بمناسبة الأكل والمعسكرات روحنا معسكر اسكندرية اللي هو فيه لقاء الريس وكان رئيس الجمعة بتاعتنا عاملنا حفلة عزومة على السينما علشان اتعين رئيس جامعة والحفلة خلصت متأخر، الناس خلصت سينما ورجعت على خالد ابن الوليد ورجعوا الساعه 3 كانو بتوع المطعم زهقوا وقفلوا الساعه 1 ( ربنا يكون في عونهم بيصحوا الفجر يحضروا الفطار وقاعدين مستننيين البهوات لما يرجعاو الساعه 3) المهم الناس كلها جت من برة تعبانين كله طلع نايم وفضلنا احنا 6 قعندنا نهزر ونضحك لما جعنا عاوزين ناكل نروح فين نروح فين واحد قال احنا نطفش قفل المطعم وندخل ناكل قلنا لا مش عاوزين مشاكل بنضرب بعنينا والتفكير الجهنمي اشتغل المطعم كان له منفذ توزيع عليه زي شباك حديد مربعات كبيرة روحنا جبنا عصايه طويلة سحبنا بيها سرافيس وكبشة وغسلناهم والازان اللي فيه الاكل قصاد مننا واحد طويل وايده رفيعة مده ايده بين المربعات وقعد يعبي واحنا ناكل انضم معانا في الموضوع ده كمان اتنين من المنيا وواحد من طنطا وعيييييييييييييييش اكل الفمروض معمول يكفي حوالي 150 او 200 فرد اكلوه 8 بعد ما خلصنا اكل بقينا نصوت ايه اللي عملناه في روحنا ده بقينا ماشيين زي الحوامل وبندور على اي حد يجبلنا حاجة صاقعه او فوار او اي حاجة تفك عننا كان يوم مصييييييييييييييبه ومبقناش عارفين نضحك والا نعيط بس الشهادة لله الاكل بتاعه مكان حلو يومها ( مكرونة بالصلصة ولحمة مفرومة بالصلصة برضة ) تقريبا كانو خايفين لحسن نيجي قدام الريس ونشتكيهم ههههههههههههههههه مرة تانية برضة كانت في نفس معسكر اسكندرية وقفلت معانا الا لازم ننزل نتمشي الساعه 3 الفجر نزلنا لابسين ايه شبشب حمام شورت بحر ( لغايه الركبة متفهمونيش غلط ) فانلة حمالات او كت كرافت او بابيون كاب او ايس كاب ونزلنا نتمشي احلى حاجة اننا كلنا مسلمين بطايقنا من اول يوم دخلنا المعسكر ومفيش حد مننا معاه تحقيق شخصية هوب لجنة وظابط امور وحلو كده وشامم نفسه علينا على الأخر وانت منين ياد انت وهو ولسه المخبرين هتشتغل واحد مننا اتفكت عقده لسانه احنا تبع فوج الريس ونزلنا نتمشي ومش عارفين نرجع الراجل هنا واستوب وقف المخبرين بتوعه وعلى العربية جري وصلنا للمدينة الجامعية مكاننا علشان يسلمنا للمسئول عننا طلعله واحد نزل المشرف كان دكتور غلبان ملوش في الهزار ولا الضحك وال التهريج واحنا كنا شياطين 50 شيطان نزل مخضوض جري وزميله من الجامعات التانية تتفرج عليه عملتوا ايه يا ولاد ال................ تيييت ابدا يا كتور احنا توهنا معرفناش نرجع ربنا يخلينا حضرة الظابط رجعنا بسرعة كل معسكر وانت طيب وطلعنا جري من غير ولا كلام ولا سلام قبل ما ناخد جرعه تهزيق تانية بمناسبة الدبان بتاعك اللي في الارض بيفكرني بالناموس اللي كان عندي في الجيش كانت كل ناموسة والتانية يودوا في داهيه كنت بستغطي زي الايم دي في شهر 7 و8 بالتلات بطاطين علشان اتحامي فيهم من الناموس وبرررررررررررررررررضه كانو بيوصلولي واضح ان الموضوع منتشر كتير في مصر |
رد: أدب الرحلات
ناموس ناموس وتحيا مصر
الجملة دى كانت زمااااان نموت نموت وتحيا مصر |
رد: أدب الرحلات
نكمل ومنتظر تعليقاتكم
ومعلش الحكاية دى للكبار اوى اوى فقط (يعنى فوق ال50 وانت طالع ) مرة ركبت القطار فى الدرجة الاولى من أسوان المهم كنت قاعد فى آخر العربية (الحجز جه كده) وبعد شوية وصلنا بلد اسمها ادفو و دى من البلاد السياحية الجميلة بجد ركب واحد ومعاها واحدة شكلها و طريقة لبسها يقولو انها رقاصة او مساعدة رقاصة حاجة كده قلت بس قبل مصر هنلاقى مباحث الآداب قلبت القطار كله بسببها وشوية ولقيت صف من صفين اللمبات اللى منورين القطار انطفى وبقى صف واحد وفوجئت بصاحبنا مسك الهانم وهات يا.............. (تفعيص) ولا كأنها المدام وهما قاعدين فى البيت مش فى القطار المهم انا اتغظت ودمى غلى فروحت لرئيس القطار وجبته وقلت النور هنا مطفى ليه فقال اصل الباشا مش عايزه وانا اكنت بدور على الجملة دى قلت باشا ايه اللى مش عايزه االقطار ده ملكية عامة يعنى انا لو مش عايز الصف التانى هتطفيه قال لا قلت اشمعنى فسكت وحصل الجزء التانى اللى كنت مستنيه الباشا حشر نفسه وقال انت مالك قلت له / لا ده مالى ومالك ومال الناس دى ده مال دولة واحنا اصحابه ( وحتتين قانون دستورى من اللى درستهم فى الجامعه ) وحصل الجزء التالت اللى كنت مستنيه الهانم مساعدة الرقاصة تدخلت وقالت / وانت متضايق ليه فقلت لان فى ركاب مش منضبطة بتستغل النور المطفى فقالت ده خطيبى فقلتلها ده لو جوزك مش خطيبك ميصحش يحصل كده فى البيت ادام الاولاد مش فى القطار و ادام الناس وهنا على صوت صاحبنا وقال انا هخرب بيتك واربيك قلت له لما تبقى تربى نفسك انت واللى معاك ابقى اتكلم عن التربية المهم حصلت هيصة والناس اتدخلت وطبعا انا فضحته وشردته والناس تعاطفت معايا وهاجموه فقال بعد م الهيصة راقت والمولد انفض / هوريك وهعرفك انا مين فبصيت له وقلت له انت كداب المهم دخل بينا القطار الجيزة وشايفه بيعمل كام تليفون من ماركة انا عايزكو تستنوه وتعملو وتسوو طيب انا بذكائى الصعيدى الخارق مش انزل الجيزة واركب المترو وانما ابدا كملت للقاهرة وانا نازل فى القاهرة لقيت دولابين كبار واقفين ادام باب القطار وفيهم واحد بص لى و هز دماغه بالموافقة وانا بصيت ورايا ولقيت صاحبنا ورايا وفهمت انى فى حركة بتتعمل ولسه هرجع لقيت واحد منهم مسكنى من كتفى وقال لو سمحت عايزينك فى كلمتين فقلت خير قال / احنا من أمن الدولة وربطو عينى وطلعو بيا على المبنى بتاعهم فى مدينة نصر اللى فى الحى السادس دخلت على واحد فى مكتبه وقال/ فك الرباط فكيته وبعد اسمك وسنك والديباجة قال قل لى بصراحة قلت خير انت نشاطك ايه فقلت عطور قال انت بتهزر قلت لا ده شغلى وتجارتى فعلا قال انا بتكلم مابعد الشغل من زمايلك ومتحاولش تنكر فقلت انكر ايه اصلا فقال انت متهم بمحاولة انشاء تنظيم سرى يدعو الى تحقير الأخر وتغيير نظام الحكم بالقوة فانا واكمننى دارس قانون فقلت له / اللى يقول الكلمتين اللى فاتو دول وكيل نيابة مش سعادتك فقال انت هتصاحبنى ياكذا وهتعلمنى شغلى فسكتت وبعدين افتكرت فقلت له ياباشا دى مشكلة عادية فى القطار و اذا كان الظابط ده زميلكم فالمفروض ان هو اللى تتكلمو معاه مش انا فعمل عبيط وقال قطار ايه وظابط ايه ومشكلة ايه احنا فى التنظيم اللى انت مؤسسه قلت له تنظيم ايه ياباشا المهم بعد تحقيق اخد اكتر من ساعة قال خدو ولقيت نفسى فى زنزانة عبارة عن حمام بلدى مبنى حواليه حيطة يعنى طول النهار واقف فوق قاعدة الحمام واحاول افهم من العسكرى اللى واقف على الباب وبينى وبينه مترين مفيش مبيقولش حاجة وقلت له بعدد يومين جعان فاتلفت حواليه وقال هات 5 جنيه (من 10 سنين ) ولقيته غاب ربع ساعة وجاى وف ايده رغيف فول بقول له ايه ده قال هو النظام كده كلته وسكتت جيت بالليل فقال مفيش هيا مرة فى اليوم تانى يوم نفس الفيلم تالت يوم نفس الفيلم وفهمت ان ده فيلم معمول بالقصد مش العسكرى بيتصرف من وراهم لان المبنى كله مراقب بكاميرات لدرجة انى كنت لما بعمل حمام كنت بنكسف جدااااا لانى فاهم ان الحمام اللى انا محبوس فيه متراقب فيييييييييييييييين بعد اسبوعين رحلونى الى القسم الى انا تابع له (قسم الزيتون) وانا ماشى عديت على الباشا اياه اللى حقق معايا وقال احنا هنراعى انك مسئول عن اسرة وهنسيبك (اونطة طبعا لانه لو شاكك فيا 1% مكانش سابنى) فانا قلت كتر خيرك ومشيت على قسم الزيتو ن كل ده واهلى مش عارفين عنى اى حاجة ووصلت القسم كل اللى يدخل طبعا بيحصل معاه استقبال فلقيت واحد جالى وقال انت جاى منين قلتله من امن الدولة وتهمتك ايه فقلت انشاء تنظيم سرى فقال يانهار اسود ربنا يكفينا شركم المخدرات ارحم ياعم وقاطعونى ومبقوش يكلمونى وخايفين منى وخرجت من القسم ووالدتى الله يرحمها كانت لسه عايشة ولما سالتنى وحكيتلها فضلت تبستف فيا /وانت مالك انت وراك بيت وعيال ومراتى قالت نفس الكلام وقالت يعنى العيال دى تروح فين وكان عمر ابنى الله يرحمه لسه عايش وقال (وهو مش فاهم حاجة لكن من سماعه للكلام حواليه كان عنده 4 سنين وقتها ) يابابا الناس دول وحشين متتكلمش معاهم تانى بصراحة كلمة عمر معرفتش اطنشها لانى بربيه فقلت له / يابنى لازم تقول الحق ولو على رقبتك مينفعش انك تسكت لكن بعدها باسبوعين بعد اعصابى مهديت كل م افتكر بتوع المخدرات اللى خايفين منى اقعد اضحك واضحك واضحك ( أما بلد فى غيبوبة صحيح ) |
| الساعة الآن 07:18 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017