|
رد: لتجعل سيارتك تعمل بالماء.....!!!!
فيه كلمتين بالمناسبة لاخواتنا مهندسين السيارات كان نفسى اتكلم فيهم من زمان هما بره الموضوع الاساسى بس الشىء بالشىء يذكر
دلوقتى محرك الاحتراق العادى بيستهلك طاقة كهربية لادارتة حركياً فى البداية (كهربية الى حركية ) وبيستهلك طاقة كهربية بشكل دورى لصنع شرر الاشعال (كهربية الى حرارية) وبيستهلك طاقة كهربية لامتصاص وتشتيت حرارة الاحتراق وبيستهلك طاقة كهربية فى إدارتة (وحدات التحكم ومنظومات تغذية الوقود والوسائل الميكانيكية المساعدة ) وبيستهلك طاقة علشان يفضل دائر وعزمة مينهارش (ideal speed) او السلانسية وحتى مش بيستغل كامل الطاقة الى فى الوقود الطبيعى ده كله غير الطاقة والمجهود والاموال الضائعة فى استخراجة وتنقيتة يبقى ايه بقى !!! ليه اللفة ديه كلها ؟؟؟ ليه منعملش محركات كهرباء وخلاص + وبس ونركز كل مجهودنا فى الطاقة النووية(بعد تجريدها من الابعاد السياسية طبعاً) والطاقة البديلة ايه مشاكل العربيات الكهرباء نظرياً وتطبيقياً ؟؟ مش عارف ليه بحس ان فيه ناس متخيلة ان العربيات الكهرباء هتسلبنا متعة القيادة وزمجرة وعنفوان المحركات العادية وتقلبها وعاطفيتها ودفئها ليه كده هو الموضوع مصدر طاقة وبس بعدين العبو فى الميكانيكا زى مانتو عايزين وادونا المتعة الميكانيكية بشكل جديد مفيهوش انهيار عزم ولا زيوت وعوادم كان لى صديق مهندس ميكانيكا هيدروليك وكنت دايما اتناقش معاه فى مواضيع مشابهه وكنت بحس دايما ان فيه عدم ثقة فى الحلول الكهربية مع ان الكهرباء هى اللى بتمشى كل حاجة فعلاً انا شايف ان لازم يكون فيه مشاريع قومية لتوفير بدائل للطاقة مع اولوية البحث فى تطبيقات السيارات الكهربية لان الثروة البترولية عندنا متواضعة واحنا عمالين نبعزقها للى يسوى واللى ميسواش ومش باين لنا هنعمل مشروع نووى زى الناس فمفيش قدامنا غير الكهرباء والطاقة البديلة فما رأيكم دام فضلكم |
رد: لتجعل سيارتك تعمل بالماء.....!!!!
مع احترامى للجميع أحب أن أذكر الجميع بمثل أميريكى أو انجليزى مشهور ! وهو :
" لا تلبس فراء الدب قبل اصطياده " ! فصاحب المشروع هنا أو الاختراع على حد قوله عايز يعمل استفتاء من الناس كما فهمت على اختراعه بدون أن يرى أى أحد اختراعه هذا يعمل ! طبعآ بالعقل لو كان هذا الاختراع صحيح وسيعمل لصوتت الناس كلها بالموافقه ! وأنا أول واحد ! لكنه من الواضح أنه متحمس جدآ لمشروعه ويدافع عنه بشراس! ماشى داغع عن فكرتك لكن لا تهاجم المعارضين ! والا ما فائدة الاستفتاء المزعوم ! سيبنا من المثل الآمريكى و خلينا فى الآمثله المصريه مثلا زى : الميه تكدب الغطاس ! والجمل الذى يطلع النخله ! يا سيدى الفاضل اعمل تجربه على رؤوس الآشهاد و نحن أول ناس سنصفق لك ! بس أنا عايز أفهم بغض النظر عن كيفية توليد الهيدروجين فهو يحتاج لوسيلة تخزين خاصه و درجة حراره خاصه وعلى ما أعتقد مواتير خاصه وكاربوراتورات خاصه ! يعنى مش ح ينفع حد يحول سيارته لتعمل بالهيدروجين كما هو الحال فى الغاز ! وأنا رأيى لو كنت واثق من اختراعك ! بيعه لمرسيدس أو تويوتا واكسب فيه ماديا وكمان ح تنفع الانسانيه أفضل من تسجيله و تصنيعه فى مصر! وشكرآ ! Dr. Bolbolan ptmnlo123per122 |
رد: لتجعل سيارتك تعمل بالماء.....!!!!
الموضوع منور بأصحابه وزاد نوره بيك يا أبو نورا وبدكتورنا Dr. Bolbolan
كلام أبو نورا وكلام الدكتور كلام موزون وجميل جدا طبعا وأنا نفسي في فيديو يكون فيه مناقشة علمية عن الموضوع القيم دا سواء من داخل فاعليات المسابقة أو تجربة عملية ليه في أرض الواقع ، على العموم بتمنى التوفيق لصاحب الموضوع. وأنا يا أبو نورا مهندس برمجيات يعني بتاع Software وكدا مليش في الميكانيكا والطاقة فمش هقدر أفتي في موضوع الطاقة ومصادر الطاقة البديلة وأنا منتظر معاك ردود المختصين على تسائلك. |
رد: لتجعل سيارتك تعمل بالماء.....!!!!
اقتباس:
و المفاجأة انها موجودة منذ أوائل القرن الماضى, و كانت تباع جنبا الى جنب مع سيارات البترول, و بشكل تجارى محض, و بدايتها كانت مترافقة معها, لكنها انزوت الأن الى تجارب قليلة و نادرة (تسلا الأمريكية مثلا). السبب الأساسى ليست فى انها لا تحتوى على متعة القيادة فقط, و لو ان هذا فى رايى سبب مهم جدا, بل فى انها غير عملية, الكهرباء تخزن فى بطاريات, هذه البطاريات تحتاج الى وقت طويل للشحن, فبينما يمكن تعبئة السيارة بالوقود فى دقيقتين فقط, سوف تحتاج الى ساعات طويلة لاعادة شحن السيارة الكهربائية, و هذا مستحيل طبعا, كما أن قدرة هذه البطاريات محدودة للغاية. لذا فان السيارة الكهربائية ليست محبوبة حتى وقتنا الحالى, و لا يمكنها أبدا ان تتفوق على سيارة البترول التقليدية. الى جانب طبعا افتقادها لمتعة القيادة, و ثقل الوزن (بسبب البطارية و المحرك), مما يضطر معه المصممون الى صنع الهيكل من مواد خفيفة و غير متينة, لذا فالسيارة الكهربائية أقل ثباتا و أمانا من السيارات العادية. |
رد: لتجعل سيارتك تعمل بالماء.....!!!!
اقتباس:
|
رد: لتجعل سيارتك تعمل بالماء.....!!!!
صعوبه الموضوع كما ذكر المهندسين الافاضل فيما يخص الماء .؟.
ان الهيدروجين الناتج من الماء يمتلك قيمه احتراق كبيره بفارق كبير عن البنزين:thnkr:.؟. وبيستعملوه في اطلاق الصواريخ .,. مع الوضع في الحسبان اننا حلينا مساله صعوبه ضغط الهيدروجين .؟. طيب هنعرف نروض المحرك الهيدروجيني ( بتاع الصواريخ ) في عربيه صغننه ازاي.؟. :thnkr: |
رد: لتجعل سيارتك تعمل بالماء.....!!!!
الكلام كلو جميل بس انا شفت فديوهات لعربيات شغالة بفك الماء من داخل السيارة وشفت موتسكل داير بفك الماء وشفت بوتجاز شغال بفك الماء والكهرباء المستخدمة ففك الماء 12 فولط وشفت دخول الماء متبخر وليس مفكوك داخل المتور اثناء الدوران ليساعد على تخفيض احتراق الوقود البترولى وكل الفديوهات موجودة عند كارز ادميار بعد ازنو طبعا ماعدا الموتسكل ده عاليوت يوب شفتو والله اعلم واهلاا بيكم جميعا وياريت محدش يتهم حد لان المناقشة لازم تكون بريئة من ازا الاخر لضمان احترامنا لبعض تحت اى وضع سواء جهل او علم ومن لديه العلم يناقش ليقنع ولا يتهم احد بالجهل او النصب واحترمى للجميع :CONGRA~238::CONGRA~238:: CONGRA~238:
|
| الساعة الآن 03:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017