|
رد: نايل موتورز الحرامى المسروق
السلام عليكم
أود أن أعلمكم أنى مضيت أكثر من عام ونصف على نايل موتورز دون أى مشاكل وأحسست كأنه بيتى ... ولكنى بطبعى فضولى وأتساءل دائما عن حقيقة الشئ وأحب معرفة أدق التفاصيل عن كل شئ حولى ولكن لا أنكر أنى ينقصنى مزيد من الخبرات كى أستطيع أن أحسم موقفى تجاه موضوع معين ورغم أنى شخصيا لم ارى أى سوء معاملة على نايل ووجدت الاحترام ولم يظلمنى أحد قط هذا لم يشبع رغبتى فى معرفة الحقيقة ولم أتوصل إليها لأنى أقتنع بأن ما أراه وأسمعه وأتعامل معه بشخصى هو ما أصدقه هذه هى الحقيقة التى غفلت عنها وتسببت لى فى كسب مزيد من السيئات لقد قمت بإهانة إدارة نايل موتورز بشكل عام ولكنى كنت أقصد شخص واحد هو الأستاذ كريم منير ولم أجد منه أى سوء ....وتناقشت معه عبر الرسائل الخاصة على المنتدى وطرحت عليه مزيد من الأسئلة حول الاتهامات الموجههة للمنتدى ورد على أسئلتى بأجوبة قد لا تكون كافية بالقدر الكافى لاقناعى شخصيا ... ولكن هذا أيضا لم يثبت ما يثار من شكوك وتماديت فى الأهانة وتم أيقافى أكثر من مرة حتى تم إيقافى نهائيا كل هذا لم أرى منه أساءة أو تلفظ خارج عن حدود الأخلاق ... وهو تعامل معى كشخص أصغر منه سنا وأقل خبرة فى الحياة لا أكثر ولا أقل دخلت هنا مصر موتورز وكان لى ملاحظات الموقع يحتاج بعض التطوير الفنى البسيط فى واجهته وسيصبح أكثر نضوجا كان لى مشاركة فى المنتدى هنا من أوائل مشاركاتى فى موضوع عن ميجان للأستاذ هانى تقريبا على ما أتذكر ووجدت ردا عنيفا قاسيا من الأستاذ وائل ... غير مبرر ... وغير متوقع من رئيس منتدى لعضو جديد أو حتى عضو قديم وقمت بالرد عليه....وهذا ما لاحظته أيضا فى هذا الموضوع برغم أنى لم أقرأ أكثر من مشاركتين وبدون تركيز لماذا تستعمل الشتائم فى الوصف دائما ؟ كن أكثر هدوئا لو الأستاذ كريم تحدث بمثل هذا الأسلوب على نايل .... سيتم إيقافه ! لا تتعجب أحسست هنا أنك أنت حقا القانون ولا يستطيع أحد إيقافك هذه وجهة نظرى ولك عندى كل الاحترام |
رد: نايل موتورز الحرامى المسروق
بحب العربيات
بالتالي بحب مصر موتورز + نايل موتورز اتمنى لو يجيي يوم ويكون بين المنتديين تعاون واتمنى للمنتدين ان يصبحا اكبر منتديات السيارات العربيه بالنسبه لمصر موتورز بها عباقره فى تخصص الرد على الاسئله والافادة لكن ينقصها التفاعل بالردود والمشاركة بين الاعضاء كثير من الاعضاء مشتركين فى كلا المنتديات تحياتى للجميع |
رد: نايل موتورز الحرامى المسروق
اقتباس:
أتساءل لماذا الموضوع فى هذا التوقيت بالأخص ؟ أعتقد أنه متأخر بعض الشئ .... أول ما دخلت المنتدى سألتك عن موضوع نشأة المنتدى ولم أجد موضوع فكان من الواجب عمل موضوع النشأة بالتعاون مع كل القائمين على المنتدى وسرد كل ما حدث بالتفصيل وبالتوثيق من كل المؤسسين ... لنفرض أن نايل موتورز الآن منتدى ضعيف وفاشل وأنه لم يصل لهذا الحجم ؟ هل كان موقفك الحالى ثابت وقتها ؟ هل كان سيشغل بالك بنفس القدر من الاهتمام الحالى ؟ أتساءل أيضا حضرتك تقول أنك تتمنى للمنتدى نفسه ( نايل موتورز ) أن يكبر وينمو كيف هذا وعنوان الموضوع ( نايل موتورز الحرامى المسروق )... حضرتك فعلت مثل ما أنا فعلت عندما انتقدت نايل ... كنت أنتقد أشخاص ولكن باسم إدارة المنتدى ... عنوان موضوعك الصحيح هو ( سارقى نايل موتورز ) على حد وصفك لأن كل كلامك وحديثك عن أشخاص قاموا بسرقة المنتدى وما السبب الذى جعلك تهدى نايل موتورز صفقة إعلان بعد أن كانت آتية إلى مصر موتورز ؟ سبق وحضرتك حدثتنى هاتفيا أنك فى احتفالية نايل موتورز قمت بإرسال تهنئة لكريم منير رئيس مجلس الإدارة ؟ لماذا أيضا ؟ أما عن العضو الذى حث عضو على مصر موتورز بأن ينتقل إلى نايل ...فهذا أمرفردى ولا يصح القياس عليه حضرتك فعلت مثل الذين فرقوا الناس ونوعوهم بأن هذا إخوان وهذا غير إخوان ... حضرتك هنا فرضت أنه من نايل موتورز ... وأنكرت أنه عضو أيضا على مصر موتورز ... وله وجهة نظره فى كلا المنتديين منتدى مصر موتورز ليس قائم بك لفردك ... وكذلك نايل موتورز ليس قائم بكريم لفرده ... المنتديات كيانات اجتماعية هذا وإلا سقط المنتدى كله |
رد: نايل موتورز الحرامى المسروق
اقتباس:
فلنفرض أن مشرفى ومديرى نايل 30 مثلا ... وأن كلهم سياستهم واحدة ... ويريدون أن يستقطبوا بعض الأشخاص ... ماذا يستطيعوا أن يجلبوا ؟ .... صدقنى لا شئ .. لأن لكل شخص وجهة نظر ... وليس بهذه السهولة تستطيع أن تغير ما يعتقده غيرك بالدليل لك أن تتخيل لو أنك قلت لأعضاءك لا تدخلوا نايل لأنه كذا وكذ .... صدقنى سيبدأ الناس يدخلوا نايل والعكس صحيح لو فعله مشرف على نايل حضرتك تذكرنى بكثير من الناس الذين يقولون الإخوان يكسبوا انتخاباتهم بالزيت والسكر ... وهذه رسالة فيها استنكار تام لإرادة كل من أعطى صوته للإخوان ! وهذا حرام شرعا ... لأن لكل شخص رأيه وحريته تجربتى الشخصية خلال عام ونصف على نايل لم أرى عضو يشتم على مصر .. بل لم يكن على بالى مصر موتورز من قلة الحديث عنه أساسا لم أرى أى محاولة للإبعاد عن أى منتدى سيارات آخر إلا عن طريق الحجب عندما تكتب اسم اى منتدى آخر للسيارات وهذا ما كنت وما زلت أنتقده لأن المفروض أن مصلحة الجميع هى الهدف السامى لذلك أقول لحضرتك أن موقف فردى لعضو يحب نايل ويكره مصر موتورز غير كاف للحكم على سياسة منتدى |
رد: نايل موتورز الحرامى المسروق
اقتباس:
قد يكون بعض كلامك صحيح بخصوص التربح ولكن أنا كعضو عادى أمامى خيارين أدخل نايل موتورز ولا يستطيع أحد أن يسبنى إلا وأخذ وقف بغض النظر عن سياسة صاحب المنتدى او المشرف الشخصية وفى نفس الوقت هناك أعلانات هدفها ربحى وليس مصلحة العضو أو أدخل مصر موتورز ... ولو قدر واتحد المشرفين ضدى .. أهانونى وسبونى واستنكرونى واستحقرونى ... هل وقتها أصدق فى ربحية المنتدى الآخر ؟ أم أفكر فى كرامتى التى انتهكت وإحساسى بأن مجهودى من مشاركات وتواصل مع الناس مهدد بأن ينقطع لمجرد أهواء شخصية لصاحب المنتدى ؟ هل وقتها أثق أن مصر موتورز هدفه مصلحة الأعضاء ؟ بالتأكيد لا المنتدى به كوادر وأعضاء محترمين ومواضيع قيمة ولكن لا يوجد به قانون يقيد الجميع ويلزمهم باحترام الغير ولا يوجد به تنظيم لهذه الكوادر والمواضيع والأقسام بغض النظر عن إمكانيات المنتدى المادية لا بد أن نصلح عيوبنا السالف ذكرها ومراجعة أنفسنا جيدا للنهوض بمستوى المنتدى هذا لو صح ما تدعون من أنكم خيرين لوجه الله ولا داعى للعنف |
رد: نايل موتورز الحرامى المسروق
اقتباس:
عامة زى ا قولت احنا نظامنا واحد مبتغيرش وممكن ادى للى عايز يفهم امثلة كتير غير تكنو وان كمان من اول هيونداى اللى احنا بس كنا شايلين التسويق الالكترونى بتاعهم فى مصر من كوريا مباشرة الى ناس زى سبير كار اللى سبق واتعاملو مع الحرامية قبل كدة ورفضو اساليبهم الواطية والنسب اللى بتدفع من تحت الطرابيزة وشغل السماسرة القذر اللى بيحصل هناك واللى انت واللى زيك شركاء فيه طبعاً فالموضوع بالنسبالى ممتع جداً وممكن اكلمك واديك امثلة واقعية عليه للصبح لان ده شغلى وديه فكرتى من ايام ما كنا فى كونتكت زى ما سبق توضيحة فى المشاركات الاولى بالعكس برحب باى حد عايز يناقش او يفهم او يعارض او يقترح بديل منساش اول مرة لما سيدك الحرامى قال مش هدفع فى نايل موتورز اكتر من كدة احنا عندنا بيوت وعيال مش هنصرف كمان على منتدى عربيات ولازم نلم تبرعات وانا رفضت وقولتله لو على الدعم المادى يتجاب بالاعلانات ولا انت تطلع من فلوس بيتك ولا غيرك يطلع احنا بس نحول الموضوع لشركة رسمية محترمة وبعد كدة كله سهل وساعتها راحو شهرو بيا فى المنتدى وعملو موضوع اسمة (اصحاب ولا بيزنس ) قال يعنى هما دلوقتى مش بيزنس وبيزنس قذر كمان عموماً بالنسبة للمناقشة انا معاك للصبح بس بالنسبة لكونك انسان مهزق وبتلعب على انك تستفذنى فاوقفك وتبان يا عينى مظلوم فالجو ده كله مش بتاعى ولا يمشى هنا الحمد لله علشان الناس هنا دماغها اكبر من تصورك صدقنى لكن اللى هيحصل انى همسح بكرامتك الارض وهتتوقف بعد ما ارد على الموضوعى او المسىء من كلامك الاتنين وكل حاجة بالاسلوب بتاعها بس انت لو شاطر تحترم نفسك شوية لحد ما تقول الكلمتين الناصحين بتوعك وتخلينا نفرج الناس عليك كفايه بس كدة :) ومتقلقش الكلام كله على عينك يا تاجر ومفيش حاجة بتتعدل واتحداك لو راجل تجيب حاجة اتعدلت ليك او لغيرك بس اعتقد انت لو راجل وتعرف قيمة الكلمة والشرف كنت اعتذرت لما لقيت الشكوى فى مكانها او كنت دخلت دوغرى وقولت انت مين بدل ما انت داخل من 2012 مستنى تلاقى حاجة تحاول تشوه المنتدى بيها فتكتب موضوع وتعمل مشاركات يلا شد حيلك وانا مش ناسى ال 75 قرش :12BF86~159: |
رد: نايل موتورز الحرامى المسروق
اقتباس:
1- ان مصر موتورز اتعمل للتاكيد على صحة فكرة اساسية كانت هى المنطلق لينا فى 2006 و 2007 لما كنت فى كونتكت ولما عملت نايل وهى ان ممكن نعمل محتوى متخصص وغير مرتبط بدعم وكيل او شركة سيارات كبرى ونقدم اعلام اجتماعى متخصص ومفيد وكمان تجارياً قابل للتطوير والاستدامة مش اول ما قواعد البيانات تكبر متلاقيش تدفع السيرافرات او تتشحت او تسرق من الناس وانك تقدم كل ده للناس بحرية وبشكل مجانى حتى الاعلان من حقك كعضو تعلن فى مصر موتورز مجانا سواء كنت بتبيع عربيتك او صاحب ورشة او توكيل او مركز خدمة وممكن تقول انها كانت تحدى قصاد ناس زى ما بيقول الاخ كدة حارقينك لانك سارقينك ولانهم مشوهين فكرتك انت متخيل كام واحد بيتصل يكلمنى يستاذن انه يعمل موضوع اعلانى عن شركتة او رشتة علشان ميتوقفش زى ما حصله فى نايل وفاكر ان الدنيا كلها كدة !! وانه لازم يدفع ويباصى علشان يتظبط لاء مش ديه الفكرة وروح كونتاكت واشتم ولا اعمل اللى انت عايزة وشوف الادارة هناك الاستجابة بتاعتها ايه وبعد قد ايه لاء انت لو عايز تحسبها احنا قدمنا ادارة اكثر احكاماً وتدخلاً فى المنتدى من كونتكت لكن احنا مش محتاجين نوصل لاسلوب نايل اللى معنهومش حتى سياسية خصوصية تحمى بياناتك الشخصية او محاورتك الخاصة هناك انا شغال زى زى الفيس بوك الى حد ما وشايف ان المسئولية الاجتماعية للناس هى الاهم اللى الناس شايفه انه مش مقبول بتبلغ عنها وساعتها انا كادارة لازم اتدخل لكن من شكاوى انا كإدارة بحترم تفاعل الناس مع بعض وياما بيحصل ان ناس تخش فى بعض شمال فى اول الموضوع وفى اخرة يتصافو مع بعضهم من غير تدخل ادارى مباشر يا باشا احنا مش فى مدرسة وزى ما كنت بقول للاخ ده فيه حاجة اسمها مسئولية الكلمة وشرف الكلمة والحاجات ديه لو مش موجودة عادى بقى كل حاجة ممكن توقفه انهارده يخش بكرة يكمل شتيمة بعضوية تانية برضو وتوقفه ويخش بعضوية تالته وعاشرة وعشرين النظام ده برضو مش ابتكارى ولا حاجة اول موقع الكترونى افتكرة كان متبنى السياسة ديه فى ادارة المحتوى كان الدستور وفى عز وجود نظام مبارك كمان وهى الفكرة برضو انك تخلى الموضوع مردة للناس اولاً واخيراً والمشكلة ان دائما ً بيطلع ناس تحكم على كل الناس وتقول الناس بالاجمال عايزة كذا او مبتحبش كذا والشعب كله بيايد كذا ولكنا بنتكلم باسم بعض احنا هنا كل واحد بيتكلم باسمة جميع الاراء والتعليقات الواردة بالموقع تعبر عن آراء أصحابها فقط والكل ليه حق الرد والكل ليه حق عمل الشكوى او تقرير بمحتوى مسيء من الصفحتين اللى انت قريتهم السياق كله كان بين اعضاء عاديين مش اداريين وممكن تخش ملفات الاسماء وتشوفها بنفسك واحنا عندنا المشرفين منشوره اساميهم فى الساحات الادارية وقسم الانتخابات مش سريين زى نايل فمش صحيح ان كان فيه مشرفين بيشتمو او هاجمو الراجل بالعكس الموضوع كله كان بناء على بلاغ من عضو فى المتندى مش ادارى وثانياً الراجل معملش شكوى وبالعكس فى اخر الموضوع بينا هتلاقى اننا قدرنا نوصل على الاقل لارضيه تفاهم مشتركة وده انجاز فى رائى بالنسبة للسياق الحوار بداء ازاى ولكون الحوار كله اون لاين بدون معرفه سابقة والراجل لحد دلوقتى عضويته شغالة ومتوقفش ومتحزفلوش حرف وفى النهاية بفكر تانى بان الحكاية من اولها مش مقارنة بين حاجتين الحمد لله الفضل فى وجودهم يرجع لى كواحد من المؤسسين هنا وهناك بالعكس يشرفنى نجاح الاتنين لانه نجاح للفكرة لكن الموضوع عن الاساليب الغير اخلاقيه كلها بدايه من سرقة الافكار لسرقة الناس نفسهم بمسميات مختلفة اشى تبرعات واشى عمولات وبالرغم من انه ككل مش احسن مستوى لمحتوى يقدم فى موقعنا لكن انا متاكد ان بين السطور الناس هتفهم حاجات كتير وهتاخد بالها من حاجات كتير والوعى عموماً هيبقى اكبر عن عالم الانترنت وتطبيقاته التجارية والاعلانية وفرصة طبعاً نتعرف على الناس بشكل مختلف :) |
| الساعة الآن 11:50 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017